أجحاف البائد

الجـُحف الثاني

- امَرأهُ منّ نسِل عَشتارُ ♥️.
‏ميوت لكل العالم إلا ضحكتها ♥️.

• الكـاتبه::- طَـــيف الـ؏ـلي •

- أجـحـاف البـائد'

حساب الانستا  [ frf7t]

'  '  '  '   '  '   '   '  '

مـاسـه

مرت الايام وخلصت مرحله اولى بديت دوام مرحله ثانيه نفس اول ايام رحنه سوينا مباشره كتب الي عدهم سلموها النا الباقي اشترينه ملازم وقسم جنه نكتب اول ايام عادي كل يوم اطلع سـراج سوالي اشتراك واردف؛؛

- هل مره رُبــى تجي معانه.

* رُبــى تصير بنت خالي *

جنه خمس بنات اني كدام واربعه وره رُبــى واخته هم معانه و بنتين من منطقه كل يوم صبح اني و رُبــى  نتعارك اني اكول اني اشغل اغاني وهي تكول لا اني جنه نصعد بس سوالف اني وهي و سـراج، نفوت سوه نروح لنادي نشتري جاي او نسكافي نشرب ونكوم نروح للمحاضرات اول اسبوع.

يوم اجت بنيه معانه بالقسم بس علاقتنه مو هلكد قويه فتت للقاعه شو ملتمين عليها كلت شكو واكفين اسد الله و شهم كلت؛؛

-شكو؟

- أيسر اتخربطت

رحت يمهم انطيتها ماي غسلت وجهه شويه صحصحت

؛؛- مابيه شي، شكرا

اردفت بكل لطف ابتعدنه عنها جنت اجتماعيه وي الولد والبنات يريدون شي يجون يكلولي، أيسر من اتخربطت كالوا تعاي يمها هي خطيه وحيده ماعدها صديقات رحت يمها مع العلم تماره هم صديقتي بس بالمرحله الاولى قسمونا 3 شعب وهي بغير شعبه وضلينه صديقات.

من يومها أيسر صارت صديقتي وعلاقتنه كلش قويه بمرور الايام، مرت فتره دوام عادي ومحاضرات فد يوم اجى طالب.

من شعبتنه كاعدين اني و أيسر اجه شهم واردف؛؛

-مـاسـه عادي احجي معاج شويه

كتلو؛؛- اي تفضل

؛؛- اذا ممكن وحدنه

مـاسـه؛؛- عادي أيسر مو غريبه احجي كدامها

جانوا جايين وياه قيس واسد الله وإيلام كتلهم؛؛

- تفضلوا

قيس ؛؛- اني اروح عندي محاضره

اسد آلله؛؛-هسه اجي

راحوا اثنينهم و شهم و إيلام كعدوا اردف شهم ؛؛

- مـاسـه اني اليوم جايج بسالفه

مـاسـه:- خير ان شاء الله كول

- اني دزني قيس الولد معجب بيج ويحبج ويكول اني ما اريد منها علاقه او شي اجي اتقدملها اذا تقبل، مو مدح بقيس بس هو خوش ولد وحباب وفقير وماعندو سوالف منا ومنا وهو من نفس منطقتج ونفس الطائفه