في بيت نواف ونايف
الساعة 1:30 الظهر
كان نايف جالس مع أولاد اعمامه في المجلس و في المجلس الثاني كان فيه ابو (نواف ) واثنين من اعمامه
في المجلس نايف جالس على الأرض ويتكلم
ابتسم نايف : من قالك انا ما اسأل عن الناس ..
يوسف (ولد عمه الأصغر) :يشيخ خرجتنا يوم ثلاثين في الشهر ماجيت انت وأخوك ..
رائد (ولد عمه الأكبر)ليوسف: ولد لا تضغط عليه ترا هو اعتذر يومه كان عنده اختبارات ..
يوسف : ادري بس اقول الطلعه بدونكم ماله طعمه خاصة مايكون فيها نواف ماتسمى طلعه ..
نايف :ههه الله يسعدك وحشتني الطلعه معكم ..
يوسف : اكيد وانا كمان. اقول وينه نواف وحشتني سواليفه ..
نايف : الله يسامحك ذا سوالفه كلها قذرة ايش اللي يوحشك فيها ..
ضحك رائد : اثنينهم سوالفهم شبه بعض (يقصد نواف ويوسف)..
حط نايف فنجان القهوة على الأرض : لا الله يسامحك سوالف يوسف تفرفش على القلب بس نواف لسانه متبري منه..
دخل نواف المجلس(كان لابس ثوب وشماغ ومتعطر) رفع ايده يسلم: السلام عليكم آسف لا اكون تاخرت عليكم ..
ضحك رائد : ههههه جبتو طاريه طلع لكم ..
جلس نواف جنبهم بعد سلم على الجميع : يا كلاب تتكلمو من وراء ظهري..
اخ يوسف ( الأكبر) وهو متجهم من شوفت نواف ويكره وجوده : نواف تعال صب لرجاجيل قهوة ..
ناظر نواف لأخ (يوسف الكبير)حتى هو كمان مايطيقه : سلامات لو كنت جبت خدام ابوك معك لاكان صب لك القهوة وما كان خلاك تنتظر جيتي..
عم الهدوء لثانيه نايف طالع في نواف يحزه بنظراته ما يغلط بالكلام ويقوم يصب القهوة لهم
ضحك يوسف بيلطف الجو : خلك انا بقوم…
مسك نواف ايد يوسف يجلسه وقام نواف طالع في (اخ يوسف ) : ولا انت شايفني خدامة ابوك ..صب لهم القهوه
اخ يوسف باستهزاء : خدام ابوي محترم مو سليط لسان الحمدلله..
وقف نواف قدامه يصب له قهوه مل نواف فنجان القهوة الى الاخر ومده له
رجع نواف جلس مكانه
.
.
(شرح سريع الاشخاص اللي ما فهموا *مل نواف فنجان القهوة الى الاخر*بالعربي نواف يقوله اشرب قهوتك وانقلع من بيتنا )
.
نايف يطالع في اخوه وأسلوب نواف اللئم
قرب يوسف لنايف وهمس له : لا طالع في نواف ذي كذا تراه مو غلطان اخوي هو من غلطان..
