حَبيتكّ يا نَجد من حّب راعيك

أنت مو أول حُب أنت أول حياة

بسم الله.
{حَبيتكّ يا نَجد من حّب راعيك}
الفَصل السَادِس.
مازن خزها : توك انثى شصار؟
دانه حكت رقبتها باحراج : بالغلط
مازن ضحك : ماعليه
دانه ابتسمت : دوم يارب ، المهم البنات باقي ماستانسنا
مازن رفع حاجبه: خل يجون مو راجع بعدين
دانه تاففت: نحن بنجيبهم توكل
مازن تذكر من يكونون ورص ع اسنانه : ليه تبون تسوون فيهم نفس ماسوا جدكم بزوجتي!
دانه بصدمه وعصبيه : خييرر مين تتحسب نفسك
قاطع حديثهم هتيف وهي شايله تركي ووراها ملاذ شايله شنط اليد حقتهم : اخذ تركي من يدي بعدل العبايه
دانه تجاهلتهم وهي مغبونه من كلام مازن ودخلت داخل بدون ماتودعهم
ملاذ باستغراب : وش جاها؟
مازن وهو ماسك اعصابه : توّلي ماتهمني ، اركبوا وذي اخر مره تجون بيتهم وعلاقتكم فيهم تقطعونها
ركبوا السياره وردت هتيف بعصبيه : خير كل ذا عشان قالت لك خلهم؟
ملاذ وهي تدافع : وربي انهم ناس طيبين وماقصروا بشي!
مازن مسك جبينهم وهو متجاهل كلامهم: تحسون بشي؟ حراره ؟ تعب ؟ ايشي ؟ تبون المستشفى ؟
ملاذ بعصبيه: بلا قلة ادب وامش على البيت
مازن بعصبيه : من جدي ولو ماقطعتوا العلاقه معهم قطعت راسكم فاهمين!
هتيف بزعل ع صحبتها : وش سوت لك البنت عشان كذا تقول؟
مازن صرخ ف وجهها : كلمه زياده وربي تندمين ! وكلمتي تسمعونها وانتهى
~
دانه مشت بعصبيه فوق : مريض كريهه
سديم ضحكت : ماستوا يمكن مايرضون البنات يسهرون برا كثير شفيك
دانه جلست وقالت لها كل الي صار
سديم بصدمه: خير وش وضعه ذا الغبي
دانه بزعل : سحبت على البنات حتى ماودعتهم
سديم تاففت: حرام مالهم ذنب ترا
دانه حضنتها : مدري انغبنت يختي
سديم بادلتها : خلاص بكره يهدا شوي الوضع وندق نتطمن وتعتذرين لان مالهم ذنب
دانه تثاوبت: ايه يلا تصبحين على خير.
~
دق عليه وهو جالس يدور ف حوش البيت وضاغط ع يده
الجد سلمان ببرود : وش عندك؟
مازن بحده : القصر الي طالبه جاهز؟
الجد ضحك بسخريه: ايه تعال استلم المفتاح ، لكن على وعدنا صح؟
مازن ببرود : زوجتي مراح يردها لي القانون لكن حساب ربي عظيم وعسير ! المفتاح ياليت لو تسلمه لحارسي ينتظرك برا
الجد ابتسم : وطلع لك صوت وتهدد ي ولد ....
مازن قاطعه وهو يصرخ : طاري اهلي لا تجيبهم على لسانك.
الجد وهو يحاول يستفزه : المفتاح تسلم ف خاطرك شي ي ولد ... "سكت وهو يضحك" مايحتاج اقول انت ولد مين اتوقع تعرف اسم جدك
مازن قفل بوجهه وهو يضرب الجدار بقهر
وتين من وراه وكانت ماسكه لحاف يسحب على الارض وماسكه يد تركي باليد الثانيه : عمو مازن
مازن هدا من شاف منظرهم وهو يشيل كل واحد وقبل خل وتين : يعيون عمك انتي
تركي مد بوزه بغيره وسحب شوشة وتين بقوه
مازن نزلهم عشان لا يطيحون : يولد اهجد لا يصيدنا ابوها
سلطان جا وسمع بكى وتين :وش مسوين ف بنتي؟
مازن فك تركي وجا بيضحك مع سلطان الا تجي وتين وترد الضربه ل تركي ورجعوا يتصافقون وكل واحد فيهم يبكي : اتوقع عرفت السبب
سلطان ركض وشل وتين : يهو وتناظر بعد شل ولدك
مازن ضحك : صح ولدي سحب شوشتها من اول بس الحين هي بدت ذي الضرابه
سلطان رفع حاجبه :ترا بنتي تنتفك انت وولدك لحد يزعلها
~
جو البنات وام مازن
ميلا وهي ماسكه بيبي ملاذ : بكره تكبر ملاذ وينتفونكم سوا بناتي الشجاعات
هتيف ضحكت : شكلكم سجلتوهم ف حق ملاكمه
مازن باس تركي ومد شفايفه بطقطق : ايه شوفي وجعت ولدي بنت ابليس
سلطان سحب شوشة مازن : بنت وش؟
مازن وجعه راسه : بنت سلطاني وميلا اخوان بليس
ميلا شهقت : نحن اخوان بليس؟
شافت المويه الي عنده يسقي الزرع واعطت هتيف بيبي ملاذ وهي تمسك حق المويه وتبدا ترش مازن وهي تضحك .
سلطان شل العيال وهو يصرخ: سبحيه هو نحن وش دخلنا.
ميلا لفت على سلطان وهي ترشه : ايه عادي عشان يطلع منكم زهور زي الشجر
ابو مازن ركض يسكر المويه وهو يضحك : بيمرضون خلاص اعتقيهم.
ميلا وهي تمزح بدلع : ي عم بما انهم ضربوا بنتي عليهم الكبسه الحين.
ابو مازن وهو باقي يضحك : من عيوني ابشري "وهو يمثل الجديه " يلا ي عيال سمعتوا وش قالت ميلا ولا اعيده بالخيزران؟
سلطان شهق : خير يالسوسه وش الي نسوي كبسه تالي الليل!
ام مازن جلست فالجلسه : ايه والله حتى انا جوعانه ، بدلوا للبزران بعدها روحوا طبخوا.
مازن رفع حاجبه : والله امهم بللتنا وبللتهم خل هي تبدل لهم.
ام مازن فتحت يدها وجت ميلا وحضنتها : الامهات اليوم عندهم اجازه من العيال
ابو مازن جلس معهم فالجلسه : جيبوا عدتكم وتعالوا هنا نطبخ واعاونكم
سلطان ابتسمت : من هالعين قبل هالعين
مازن وهو يكمل : تنزل لكم اقوى كبسه تسمم البطن
سلطان ضحك : اتفق مع اخوي العزيز
مازن ضرب كتفه بشويش : شكرا ي اخوي العزيز
ملاذ بطقطقه عليهم : يلا يالاخوان الاعزاء جيبي العده واطبخوا للاميرات
سلطان اتجه لها وشالها على كتفه : اليوم كبسة ملاذ مايحتاج نصرف لحم
~
سلطان اتجه لها وشالها على كتفه : اليوم كبسة ملاذ مايحتاج نصرف لحم
ملاذ قامت تصرخخ وتسحب شوشة سلطان عشان ينزلها
ام مازن ضحكت : نزلها يولد لا تطيح بنتي
جا مازن وهو يركض بالجدر الكبير وزلق من الماي وصقع راسه
ابو مازن انهار ضحك ومعه ام مازن : سلامات سلامات
مازن رجع يمشي وهي يحك راسه : عادي عادي "كمل ركض لجهة سلطان" جبتت الجدر يلا حطها نسلقها
سلطان جا و حط ملاذ فالجدر وشالها مع مازن وبدوا يمرجحونها بيدهم وهم يضحك بنتصار من صراخها و ترجيها.
ابو مازن : بس يعيال بتدوخون اختكم
ملاذ وهي شوي وتبكي : تكفى يبه انقذنيي يمهه
ام مازن وهي تمثل الزعل : كملوا لا تنزلونها دام قالت يبه قبل
مازن ضحك بحماس: كفوو يالوالده البطله
ام مازن ضحكت : ماتصدق خبر يالبزر ، بس نزلوها جعنا نبي كبسه
هتيف وهي فاطسه ضحك : وربي تنفع ضحية للعيد
سلطان رفع حاجبه : وش وش ! تغلطين على اختك الكبيره ي بزر "راح وهو يركض وراها " اوريك من تنفع ضحية العيد
قامت ملاذ وهي تركض مع سلطان ورا هتيف وهي تهددها : والله انتف شوشتك ي بقرهه
هتيف وهي تركض وتصرخ : تتوببههه
مازن جلس وهو يضحك : جاك الموت ياتارك الصلاه
هتيف بترجي بعد مامسكوها : تعالل انقذني مازنن
مازن فز من مكانه ومسك راسه وهو يلتفت يمين يسار ويطقطق : اختي تبي النجده يجماعه
ام مازن ضربته : خوفتي اهجد
مازن ركض بتجاها وهو يصرخ بخبال ويحرك راسه يمين يسار : اخخختتتييي
سلطان وهو منهار ضحك : البس الباروكه حقت وتين وعيدها تكفى!
عكس سيره وهو يركض للباروكه وثبت الفون عشان يصورهم ورجع لهم بنفس الحركه وصرخ مره ثانيه : ي حشاشة يوفييي جايي انقذتسس
ملاذ طاحت فالارض وهي ماسكه بطنها من ضحك : يوييليي ي اخته
ام مازن صرخت : يلاا يعيال بيجي الصبح ونحن ماكلنا
بدو العيال يطبخون والبنات جالسين يهرجون وقاطعتهم ميلا وهي تسحب السبيكر للبزارين عشان يبعدون عن وجهها
مازن بخبال : هاتيه هاتيه انا بشبك
سلطان ضحك : قدام يالعشير
شبك مازن وحط اغنية "سكة الاموال" وركض يجيب لهم شماغ وربطوه على خصرهم بطقطقه وبدوا يرقصون مع الاغنيه ويطبخون وضحكات البنات والبزران ماليه المكان
مازن تافف بمزح : يليل ازعاجكم عبالكم بس انتو تنطربون؟
سلطان وهو يكمل : عل عل لا تنسمع ازعاجهم خل نروق
علا على الصوت وجا تركي وهو يقلد رقصة دانه على نفس الاغنيه وبسرعه قصر مازن وهم مصدوم من الي يشوفه : مين خرب ولدي
ملاذ وهي فاطسه ضحك: مو كانها رقصة دانه؟
ابو مازن : هذا الرقاص من هذي الرقاصه
مازن حك راسه : افااا
سلطان رجع طول على الاغاني وهو يرقص مع بزران ويعزز لهم.
~بعد نص ساعه~
جابوا الاكل وهم يحطونه على الطاوله : كبسه من يد الشيف مازن والشيف سلطان
سلطان حط يده على خصره : تراي انا طبخت اكثر لازم اسمي اول
ام مازن وهي تحط لها فالصحن : مشفنا منك غير الرقيص والهياته
سلطان بصدمه : افا يالوالده العزيزه
مازن جلس على الكرسي وبجديه : بكره راجع نجد
ام مازن : لقيت لك بيت يمه؟
مازن : ايه لقيت لي قصر صغير ماثث الحمدلله
ابو مازن وهو حزنان ماصدق يجتمعون كلهم : مابنتظر بعد كم اسبوع؟
مازن وهو ياكل : لا يبه مستعجل اسمحلي معي شغل بعد
هتيف بحزن : يوهه وبتتركنا مره ثانيه
مازن ضحك وهو يحاول يلطف الجو: اجيكم فالاجازه ان شاء الله
جا تركي وهو يتثاوب ومليان نوم مازن قام : عن اذنكم
~
ابتسمت برضا وهي تحط اخر لمساتها فالميكب وتحط عطر هادي(لفو شوفوا صبغة بنتها ولبسها🫣)
سديم من وراها : عجبتك الصبغه الي موترتك؟
دانه ابتسمت : ايه الحمدلله
سديم تنهدت: الصبغه لو طلعت مو حلوه تترقع بصبغه ثانيه و "سكتت شوي"
دانه باستغراب: و شو؟
سديم ابتسمت وهي تحاول تحذرها : والشعر لو اخترت مايتصلح على طول "واختفت بسمتها" وصدقيني انتي عارفه قصدي ب وش
اعطتها ضهرها وهي بتروح
دانه تنهدت : بس انا بروح زواج صاحبتي من جد
سديم ناضرتها : واثقه فيك لا تخيبين ثقتنا
جلست دانه على الكرسي وشعور التردد يراودها لكن قاطع ترددها مناداة امها وهي تعلمها ان صحباتها برا تنتظرها نطقت بداخلها " رايحه زواج وترجعين مافي شي"
نزلت وحضنت امها وهي تودعها : سي يو مامم
سديم وهي مو متطمنه : بجي معك اسلم على صحبتك مره وحده
طلعوا ونزلت صاحبة دانه تسلم على سديم
دانه ب ابتسامه : سديم اختي
ابرار ردت الابتسامه : تشرفنا يحلوه
سديم : لنا الشرف ، يلا انا اخليكم ولا اوصيك ي ابرار عينك ع دانه انتبهي لها
دانه خزتها : مو بزر تراي انقلعي
سديم ابتسمت بجديه : نفس ماوصيتك يقلبي
~
وصلوا للزواج شوي متاخر لان كانت القاعه بعيده
ابرار تاففت: بروح الحمام انتي انتظريني لا تدخلين
دانه : طيب بروح فذاك المكان الفاضي عشان محد يشوفني وانحرج
ابرار بتنبيه : يويلك تدخلين وتتركيني
دانه وهي تمشي للمكان الي قالت لها عنه: طيب طيب لا تطولين
وقفت وهي عاطه ظهرها للناس ومقابله الجدار مشغوله تكلم باسم ومو منتبهه حولها ابد لكن قاطها الشخص الي حط يده ع فمها وبدا يسحبها وهي بدت تدوخ بسبب انه كان كاتمها.
~
انتهى.