بين يدين من لا يرحم

البارت4

بين يدين من لا يرحم

_______________

::سحبني من ايدي وطلعني بره

رجعت يمكن ترزلن من عنده   لان كلهم كعدو يمي وكل شويه يجون يبوسوني وامه هم تهلهل وجت مرتين باستني وره شويه باوع على خواته وشرلهم بمعنه كافي حته روح

كام وكومني معا ولازم ايدي وخواته جوي عليه سلمو هم وامهم وطلعني معا للباب وهو ماسك بيدي لتفت عليه وسحبني باسني من راسي بلهفه ورجع باوع بعيوني

همس
قاسم :: حبيبتي لا ضوجين انتي لي وحبيبتي ما اقبل احد يضوجج ولا ضوجين من شي

بتسمت
سمراء :: لا ما ضايجه عادي

رجع باسني وطلع راح هو واهله

طبيت نزعت فستاني ودخلت  الحمام سبحت وخواتي يتضفون ويلمون ب الهوسه مال البيت

طلعت نشفت شعري ومشطته جوي خواتي يمي ونسوان اخوتي كعدنه نعلل ونسولف ونضحك
كل شويه عيني على التلفون انتضره يخابرني ما خابر

شويه ومدينه فراش كلنه اني وخواتي ونسوان اخوتي راحو جوي اخوتي اخذوهم وباركولي وراحوو

التلفون بيدي انتضر بي نحجي ما تصل كطعت نفسي ونمت

البصبح هم ما تصل العصر تصلت علي اني ما جاوبني ضجت ونقهرت ليش ما تصل ولا يجاوبني شبي
رميت التلفون وطلعت جانو خواتي دا يرجعون لديالى ودعتهم وراحوو طبيت دا ارتب بغرفتي سمعت التلفون يدك شفته وان هوو  عكدت حاجبي ركضت شلته

اول ما فتحت خط وخليته على اذني
جاني صوته

قاسم:: حبيبتي مشتاقتلج يروحي

جان يحجي بلهفه

جاوبته بزعل
سمراء:: اي من هاي  من البارحه ما تصل

زفر وتنهت بحسره

قاسم :: حبيبتي اسف  ما خابرتج بس من البارحه من رجعت واني مو بدنيه مشاكل عائليه

عكدت حاجبي وسئلته بتوتر
سمراء :: خير خم بيكم شي كلي خاف من وراي على مود يوم الخطوبه

ضحك بزتهزاء
قاسم :: بربج هاي مشكله مال الخطوبه وعلوه باقين على يوم الخطوبه سبحان الله كن الفرح ما مكتوبلي
راح احجيلج كلبي

تهت وحجه بقهر
البارحه من رجعنه من عدكم جه ابوي واخذ الفلوس الي ب الخزنه كلهم كتله يابه علش اخذتهم وفرغت الخزنه كالي مالك دخل انته لحيت عليه شلك بيهم وين ماخذهم نتر بيه وكالي انته شعليك كتله شنو شعليه هاي تعبي وتعب اخوتي هم بيهم من حقنه نعرف وين تريد تروح بيهم صار يحجي ويغلط عليه وتعاركنه اني وياه  واخذ الفلوس وطلع
اني عبالي حته يوديهم للبنك لان هو كل مره يكول اريد نوديهم لبنك واني ما اقبل كلت خله يوديهم ماطول مصر الصبح جه وان يكول اني تره تزوجت صارلي يومين وهاي الفلوس حصتي وانتو كلشي مالكم هاي اني ومرتي نعيش بيهم  طبعن جانت صدمه لنه ولمي تزوج بدون علمنه واخذ الفلوس كلهم وداهم لمرته فلوس مو شويه هواي مبلق كلش جبير 
تعاركنه اني وياه واخوتي طردته من البيت وتبرييت منه  وهو هم تبره منه واذا  شفته واكف باب البيت مره الخ حلفت اخلي طلقه براسه واموته او براس كلمن يريده او اسمع يحجي وياه من العيله