بين يدين من لا يرحم

البارت 9

بين يدين من لا يرحم

_________________

لا أحد يعلم مدى صعوبة ان تكون انت الجانب القوي في حياة من حولك انت من يدفعهم للمقاومة تساعدهم على إيجاد الطريق وتنتهي هنا عند هذا الحد ولم يلاحظ أحد كم انت تائه وإلى اي عمق انت غارق💔💔
______________________

سمراء::
اسمع صوت ام رجلي اي هذا صوتهه جايه يعني هو جاي حسيت واني يفكني البنج بس استغفر الله واحمد الله وادور ع ابويه اكلهَم اريد ابويه اجه ابويه كالي هااا يابه كوومي يمج اني هالجمله ياريتهه مراحت ابدد فكني البنج كامو يجون عيالي خواته ورياجيلهم الا هو مسالت عليه ينطون فضل ويرحون وعرفت هو دافع فلوس العمليه كلهه بس احنه جنه جايبين الي يكفي وزايد لليل جوي فحصوني

الدكتور :: تكدر تطلع بس تلتزم ب الدويه وان شاءالله معافيه

::وطلعت ورجعنه للبيت نور وجنات مجهزين كلشي نمت ومحسيت ع شي غير بليل لزمتني حراره خلتني ارعش من البرد هاجت عليه عمليتي هلكد مارجف بذيج الليله متت وكلهم فوك راسي ابني مادري بي وين بس اسمعه من يبجي ابويه نطاني خافض حراره وكمادات مسكنات هو امي طول اليل فوك راسي ما عافوني ولا لحضه

نمت ومادري بالدنيا عبالك منايمه ابدد  ثاني يونم حسيت بنفسي شويه زينه اخذت ابني ورضعته وبقيت اتمل بتفاصيله شلون حلوو وناعم

مر شهر كامل ع ولادتي وهو لا سال ولا شايف ابنه بس يعرف سميته جود  قررو اهلي يرجعون لمحافظتهم ويبقه بس مروان ومرته بغداد هي بقيت بس عايزه هاي الشغله علمود صدك ادمر

وفعلا شافو بيت  حته يرجعون يسكنون بي بمحافضتهم واتفقو وكملوو كلشي  وبقه ع رجعوهم ايام دخلو ناس من اهله واهلي ورجعوني بيوم الاربعين اجوي عليه امه واخوه واخته ورجلهه رجعوني واني وافقت ارجع  رجعت جنت مشتاقتله وتمنيت ارجعله صح جان يهيني ويضربني ودمرني بس احس كل ما ابتعد عنه شوقي وحبي له يرجعني عليه وانسه اكل الي سوا بيه

يوم رجعت  سويتهه مناحه وامي ونور وجنات على جود وعليه واني ابجي ع روحي حسيت روحي راح اظل وحيده هنا جنت محاسه لان اهلي ع طول يمهم بس هسه راح يرجعون يعني صدك غريبه  مابقالي احد هنا اوف اوف

جوي اخذوني ولميت غراضي وشلت ابني ورحت واني ميته قهر على اهلي يعني هاي اخر مره اجي يمهم بهاي البيت مو كل ما اشتاقلهم اروح ازورهم وابقه يمهم راح يبعدون عني وصير روحتي عليهم ب الشهر وشوفتي للهم طلعت وطلعت السياره وكفت يم مشتمل

كالوو  هنا راح تسكنين عقدت حواجبي ما حجيت  نزلت ونزلوو وياي طبيت البيت جان البيت هوسه وذابين غراضي بالبيت وهوسه صاير البيت 
والبيت تعبان يعني اختنكت من طبيت عليه لو باقين بذاك البيت ويه  اخوو هواي احسن