وصية تغير حياتي

البارت الثاني

سلاااام شلونكم شلونه بارت البارحة هسة ما عندي شي گلت انشرلكم بارت صوتوا مو تنسون يله نبدي...
‏أراك محطة طمأنينة
‏وسط رحله طويله من الشكوك والقلق♥️.
༺༺༺༺༺༺༻༻༻༻༻༻
.... الوو منو
.... صار الوقت الي توفيه بيه وعدك
.... منو وياي ويا وعد لازم اوفيه منو انتي؟
.... اني بت اركان
.... المسؤول العام اركان
.... يي اني بنته
.... وين ابوج
.... قتلوه
.... شنوووو منو وشلون
.... ما اعرف منو بس قبل لا يموت حاجاني عنك و اطاني رقمك حتى توفي بوعدك
.... اني جاي وين انتي
.... ما اعرف بالضبط هربت منهم اني و مساعد بابا بس انقتل و بقيت بس اني ما اعرف وين اروح
.... شوفيلج مكان امن و ابقي بيه و عوفي هذا التليفون يمج من اجيج اتصل عليج ما اتأخر
... تمام
سده و بقيت امشي شفت كوخ قريب رحت دخلتله و بقيت بيه و اذكر بابا و كلشي صار بحياتي
و هسة لازم تتعرفون عليه اني اسمي آيلان اركان عمري 24 سنه قليلين الي يعرفون بابا عنده بنيه لان يخاف عليه كلش و مدللني اني من محافظة بغداد خلصت دراستي بالخارج بس نهائيا ما نسيت التقاليد و طلعت من الدين اني محجبة و ملابسي مستورة حلوة و عيوني زرگ و بيضه و جسمي حلو حساسة من الاشخاص الاحبهم اذا خذلوني وعصبية بس بنفس الوقت هادئة الي يشوفني عبالي ضعيفة بس لا يغركم المظهر بابا دربني على كلش حتى السلاح حتى اگدر احمي روحي واني خريجة قانون يعني محامية بس ما مشتغلة بشهادتي مثل ما گلت بابا يخاف عليه بشكل و محد يعرف بهذا الشي الا كم واحد من المقربين الكل عباله بابا ما عنده احد بسبب مقتل ماما يي ماما ماتت قتل بعد ولادتي بسنه و بابا اخذ بثارهة من الي قتلوهة و خلص عليهم و بابا هو الي رباني وحدة و اهتم بيه ما خلاني احتاج احد وبيوم الدولة سلمت بابا قرص معلومات مهم كلش بيه رموز لو وگع بيدين الخطأ يفجرون البلد و ياخذون معلومات الدولة كلهة و يروح كلشي لهذا بابا ضحة بحياته حتى يحميهم و يحميني من اتصلت على الرقم الي اطاني ياه بابا و سمعت صوته حسيت بشي قريب اول مرة احسه ما اعرف شنو هو بقيت بالكوخ و اذكر شلون عفت بابا و هو عافني و شلون مات حسن بيدي اذكرت قصيدة و حجيت بصوت مخنوگ...
يدنيه جفوني مثلهم ما يصحلي
يدنيه شبقالي يكلي و راح گلي
يدنيه عليج كبري شسوي ويگضي عمري
يدنيه يدنيه
ضليت اردد بكلمات القصيدة و ابجي بحرگه گلب اوووف من الدنيا اخذت كلشي احبه اول شي ماما و بعدين بابا و حسن شنو راح تاخذ بعد ضليت منتظرة شي ساعة بعدين سمعت صوت التليفون يرن جاوبت
آيلان.... الووو
.... انتي بخير
آيلان.... يي بخير شكراا على السؤال
.... اني بالمنطقة انتي وين بالضبط
آيلان.... اكو بستان قريب موجود بيه كوخ اني گاعدة بيه
.... تمام جايج
أيلان... ضليت منتظرة و الله شويه و سمعت صوت سيارة بره و صوت الباب اندگ گمت فتحت و شفت شاب كلش حلوو و مرتب باوعت و هو باوع و التقت عيونه سوه
(حَلاة العيّون مو باللون " بالنَظرة " ♥.)
آيلان... حجيت اني مرحبا اسفة دخلت بشي ما يعنيك و جبتك لهنا
.... لا مو مشكلة هذا واجبي ابوج نقذ حياتي و اني وعدته اردلج جميله وياي ومن يطلبني اجيه حتى لو اديه كلهة دم
آيلان.... تسلم بس هسة لازم انبعد منه باسرع وقت ممكن
.... ايي اكيد يلة امشي
آيلان....رحت وياه ما اعرف وين بطريق مجهول ما اعرف شضاملي القدر صعدنه بسيارة حركهة و مشينه ما اعرف شكد بس من كثر التعب لان صارلي يومين ما نايمة ما اعرف شكد نمت بس گعدت على صوته فتحت عيوني و اول شي شفته عيونه ما اعرف شنو البيهن يجذب الواحد يخليه يضل يباوع بعيونه من غير ما يحس بروحه فزيت من صفنتي على صوته و هو يگول
.... وصلنه يله
آيلان... شكد نمت و وين احنه
.... نمتي ساعتين و احنه بالنجف بمحافظتي
آيلان...شلون و اهلك
... ما اخذتج لبيت اهلي هاي شقتي ما اگدر اخذج لاهلي لحتى اشوف الوضع يله اكدر اتحرك و اعرف شسوي
آيلان...تمام نزلنه من السيارة و دخلنه الشقة جانت كلش حلوة و مرتبة و نضيفة
.... ارتاحي هسة راح اجيبلج شي تاگلينه اكيد ما ماكله
آيلان... يي صح
.... بالمناسبة اسمي اميد
آيلان... تشرفت و اني اسمي آيلان
اميد... الي الشرف ارتاحي و اعتبري البيت بيتج من ارجع نحجي
آيلان... تمام
(يگول: كل اسامي الناس .
صدفه
الا اسمك .
موعد بكل فجرية
موعد يخلي الصور
تغفه اعله اديه
وابدي اموت
بلايه ما افكر اكابِر .
ليش اكابر .
والتعب بالحب هويه
ياحبيبي عيُونك إتدليني بيه .)
آيلان... عافي و راح يجيب غراض و اني اخذت غراضي و دخلت هو دلاني على غرفتي قبل ما يروح دخلت سبحت بعد تعب و ضميت غراضي و اهم شي القرص لازم اوديه للشخص المطلوب بس شلون الگاه لازم اگول لاميد حتى يساعدني اووف بس اسمه كلش حلوو و مميز مثل شكله ياا هاي شبيه شوف شحجي طلعت من الحمام لبست و مشطت شعري بالمناسبة شعري كلش طويل و حلوو بدون حسد و غرور بس اني اجنن بعدهة لبست شالي و سمعت صوته برة يعني احه كلعت و شفته جاي يحظر بالاكل رحت يمه و ساعدته هو ما قبل بس اصريت و اكلنه ناكل بهدوء اول ما خلصنه گال
اميد... يي آيلان احجي
آيلان... يمه ما گال اسمي ما اعرف شصار بيه
آيلان... شحجي
اميد... كلشي من البداية حتى اعرف
آيلان... حجيتله كلشي من البداية ضل صافن اشوية و بعدين حجه
اميد... انتي تعرفين شنو وصية ابوج
آيلان... يي اعرف اوصل القرص للشخص المطلوب
اميد... لا غيرهة هو اتصل عليه قبل لا يموت بس ما گال راح يموت و اطاني وصية الي هم
(المحادثة بين اركان و اميد)
اركان... الووو اميد ما عندي وقت احجي هواي اريد اطلب طلب منك
اميد... شكو عمي شصاير
اركان... لا ماكو شي بس اريد اطيك وصية و اريد تنفذ وعدك الي وعدتني بيه
اميد... تمام اسمعك
اركان.... بنتي بأمانك اذا صارلي شي انته اديربالك عليهة و تحميه لو اطريت تضحي بروحك حتى تحميهة اريد منك وعد هسة
اميد... بس لحظة انته من شوكت عندك بنيه
اركان.. ييي عندي بنيتي وحيدتي لان اخاف عليهة محد يعرف بيهة و هسة راح توعدني لو لا
اميد... ماشي وعد راح احمي بنتك من اي شي ولو كل المقابل روحي
اركان... اميد اريدك انته و بنتي تزوجون
اميد... شنووو
اركان... يي بس بهاي الطريقة راح ائمن عليهة
اميد.... بس منو گال راح توافق
اركان... انته بس گللهة هاي وصية ابوج و هي توافق شكلت
اميد... ها هيه مثل ما تريد
اميد... وصيته نزوج اني وياج
آيلان... شنووو 😳😮
༺༺༺༺༺༺༻༻༻༻༻༻
لهنا و ينتهي بالبارت
شنو توقعاتكم للبارت الجاي
يا ترى راح توافق تنفذ وصية ابوهة لو لا؟
باي احبكم
أنثى في قمة الغرور والقوة.🎵
ومرآت تَحصل بالصدفَ نضَرآت بينيّ وبينهَ
وأصفن ، وأحير ، وأرتبك .. يآ لون هذآ بعينهَ ؟