سلاااام شلونكم يلة نبدي بالقصة لا تنسوا التصويت و التعليق على الاحداث لان رأيكم كلش مهم الي احبكم...
تٌعٌآنِدٍيَ وٌ تٌکْآبًر بًعٌدٍ
وٌ آتٌرکْهّةّ مًآ حًآجّيَهّةّ
مًآ آحًبً يَعٌآنِدٍنِيَ شُخِصّ
بًسِ هّذِآ آلَيَ مًحًلَيَهّةّ
مًرآتٌ طِفُلَةّ بًلَآ عٌقُلَ
لَوٌ رآيَدٍ مًشُيَهّةّ
وٌ مًرآتٌ بًلَسِمً عٌ آلَجّرحً
مًنِ تٌنِجّرحً خِلَيَهّةّ ❤
<<<<<<<<<<<<<<<<<<<<<
اميد... گعدت الصبح سبحت و بدلت و اخذت الملف الي بيه الدليل ضد ادهم و طلعت للمركز قدمت قضية ضده و حطيت خطة حتى نلزمه و جهزت كلشي و اليوم بليل نبدي انداهم الاماكن المشبوهة خلصت شغلي و رحت لبيت اهلي و اول ما دخلت لگيته نفس كل مرة عياط و صياح من ورة شغل البيت لان زهراء (الي ما مذكر زهراء، منو هي زوجة اياز ابن عم اميد) ما تشتغل و بس تتأمر و البنات ما شاء الله عليهن اللسان و هذوله المسربتين حاطين بوشار و يحششون و يضحكون
تيم... ههههه راح تصير بالنعال و تشوفين
ايلول... تراهن ياهي تفوز
تيم... اراهن مسار تفوز شكد تطيني
ايلول... وهي تاكد بوشار اطيك ربع
تيم.... والله انتي فد وحدة بخيلة زودي اشوية بالف احسن
ايلول... دروح اروح اشتري بالف احسنلي شعندي مطيتك ياه
تيم... غبية باعي باعي راح تصير شد شعر يلللة الشبع يطلع دم الشبع يطلع دم
ايلول.... اضحك و اگمز وياه و انخرسنه بعيطة اميد
اميد..... كاااااااافي شنووو هالمهزلة هااااي يومية ما تملن مو مللتنه كل وحدة تروح لشغلة يللللة و الي اسمع حسهة ما تلوم اله نفسه مفهووووووم
ايلول.... يمه كله انخرست و و من كال روحن كلهة كامت تتراكض و اطشرت و احنه گعدنه عقال باوعلنه و قبل ما يحجي حجة تيم
تيم.... والله احنه معلينه هنة وحدهن وحدة تعيط بالثانية
اميد... اششش ما اريد اسمع حسكم يعني ما تعرفون تسكتوهن و انته شكبرك بعد شوكت تبطل سوالفك هاا
تيم... بهمس من يبيض الديج
اميد.... ررررربي مااااا منكم فايدة الواحد شيحجي نجي من الشغل و الضيم هناك نلكه نفس الضيم هناااا اوووف
بگلبي والله احسن شي سويته ما جبت آيلان هناا و بقينه هناك بدون وجع راس و هوسة و طلايب
ايلول... اول ما راح حجيت ولك زين و فلتنه منهة اگلك هالايام وضع اميد ما عاجبني شوو كله برة البيت و من يجي هنا كله يگضيه بتليفونه و من يلزمة يضر يراسل باحد و يضحك بس لان يحبلة وحدة
تيم.... اني هم انتبهت صار الوقت الي تكشف الحقائق و انشوي خطة توكعة
ايلول... هيااا انهض ايها المحقق كونال الى المغامرة الجديدة
تيم... جهز الوحدات و اجمع الفريق حتى نبدي الخطة ايها الجندي
ايلول.... حاضر سيدي رحت كبل اجمع الفريق او العصابة الي متكونه من اني و تيم و مرال و هازان و نارين و ليال الفريق السداسي الخطير جمعتهم و اجيت گلت سيدي الفريق جاهز و ينتظر الاوامر
تيم... اسمعوني زين لازم نعرف اميد شنوو ضام عنة احنه شاكين يحب وحدة
مرال... شنوووو
تيم... يي خليني اكمل اولا هو يعصب بس ينفتح موضوع الزواج و اخر مرة خالتي حاجتهة گاللهة من اريد احاجيج هذا اول دليل انو هو يريد يتزوج عن حب ثانيا صارله فترة مو بالبيت و كله برة ياهو يكول كله شغل و ثالثا اول ما يجي للبيت يضل يراسل احد و طول المراسلة مبتسم شنو معناهة هاا
ليال... معناها يحبلة وحدة و ديحاجيهة
تيم... يي نعم و احنه لازم نتأكد و نعرف اذا يحب او لا و اذا كان يحب منو هي
ليال.... اووووه بدة الحماس و الاكشن بس شراح انسوي تعرف اميد كلش ذكي و ما يعبر عليه شي
تيم... اول شي راح انسوي راح انساله شنو الموضوع غيبته هالايام و مادام اقرب وحدة اله مرال هي راح تسأله
مرال... ترى مبين جوابه من هسة اكيد راح يكول شغل شوفوا غير شي
تيم... هم صح لازم انراقبة طول ما هو بالبيت و ما نعرف شوكت يطلع لان هالايام طلعتة ما معروفة و رجعته هم
هازان... تمام يلة نبدي بالمغامرة
تيم... حطيتي ايدي و كلهة حطت ايدهة وياي و كلنه سوة الى الابد المغامرات و الاكشن بالفريق السداسي الخطير هههههه
اميد.... انفجر راسي من وراهم كبل صعدت لغرفتي و ما طلعت لان ادري هوستهم ما تخلص سبحت و تمددت و ضليت افكر بآيلان لو صاير الهة شي اموت والله ما اگدر بدونه حبيتهة بجنون و كل يوم يزيد حبي الهة و منتظر الوقت المناسب حتى اعترفلهة بحبي الهة ضليت افكر لحد ما صحيت على صوت الباب يندگ گلت منووو
مرال... اني خوية
اميد... ادخلي
مرال... خيرك خوية هاليومين ما موجود و من تجي دائما شارد لو بالتليفون صاير شي
اميد... لا ماكو شي شغل هالايام و ضغط و مهمات
مرال... تمام براحتج اجيت اصيحك تجي تتغدهة الاكل جهز
اميد... يي جاي وراج راحت و ضليت اشوي گاعد و بعدهة طلعت لكيتهة كلهة مجمعة على الاكل گعدت اكل و شوية و اجاني اتصال من آيلان عفت الاكل و گمت بس انتبهت على ليال اشرت لتيم عرفت وراهم شي طلعت برة جاوبت الووو
آيلان... سلااام شلونك
اميد... هلا الحمد لله وانتي
آيلان... زينه شسويت بالملف اليوم
اميد... قدمته للنيابة و رفعت قضية عليه و بليل راح انداهم الاماكن المشبوهة جاي احجي و انتبهت على تيم اجة وراي على كيفة عگدت حواجبي هذا شجاي يسوي يتنصت عليه بسيطة
آيلان... اميد ديربالك هذا واحد خطير و كلشي يسوي
اميد... الحامي الله واكيد راح الزمة اليوم وين يروح مني
آيلان.... عليك الله ديربالك على نفسك
اميد... بهمس حتى ما يسمعة الخاتل وراه خايفة عليه
آيلان.... اكيد اخاف عليك لان محد بقالي غيرك و ما اعرف شسوي بدونك و بالنهاية انته رجلي و من حقي و واجبي اخاف عليك
اميد.... بهمس الله الله شنوو هالحجي فديت مرتي الخايفة عليهة شگد حلوة كلمة رجلي بشفايفج
آيلان.... متت من الخجل من ورة كلامة رأسا گلت باي و سديتهة واني ميتة من الخجل اول مرة يحجي وياي هيج
اميد.... حاجيتهة و شگد فرحت بخوفهة عليه و ضحكت على خجلهة سدتهة واني ضليت اسوي روحي احجي بالشغل حتى الوراي اشوفة شيسوي
تيم.... من اشرتلي ليال على اميد گبل طلعت وراه و شفت يحجي ما فهمت شي بس مداهمة و اماكن مشبوهة مبين اتصال شغل بس استغربت من ضحكة و هو جاي يحجي يمكن الي وياه حجة شي ما اهتميت و قبل لا يخلص رجعت لمكاني گبل لا يلزمني و اروح بيهة و هذني يأشرلي شكو و اني اشرتلهن ماكو شي بعدين شوية و اجه كمل اكل و گام و كلهة كامت و اني اخذت عصابتي و رحت لمكانه حجت نارين
نارين... ديلة دحجي صعد فضولي الف
تيم... ماكو شي اتصال شغل
هازان... اااي و شراح انسوي
تيم... راح انضل انراقب بيه لحد ما نلزم عليه شي يأكد حجينه تمااام
الكل... حاضر سيدي و كل واحد راح لغرفته
اميد.... شنووو جاي يخططولة هذولة ما مرتاحلهة و ليش يصنت عليه بس لا يعرفون بآيلان لااا لااا شلون يعرفون اكيد عندهم شي بس ما ينضم عليه شي اكيد راح اعرفة خبر اليوم بفلوس باجر ببلاش الا ما تطلع ريحتهم و اعرف شيخططون بسيطة صار الليل و اتصلت بآيلان قبل ما اروح للمداهة
آيلان... الووو
اميد... الووو شلونج
آيلان... الحمد لله طلعت لو بعدك
اميد.... هسة راح اطلع و حجيت وياج قبل لا اطلع حتى ما يضل بالج اذا ما جاوبت هناك لا تشغلين بالج بشي
آيلان.... ديربالك على نفسك و اوعدي ترجعلي
اميد... وعد ارجع انتي نامي و لا تشغلين بالج و اول ما تگعدين راح تلگيني گدامج ماشي
آيلان... تمام انتبه لنفسك
اميد... تمام اني لازم اروح ادعيلي
آيلان... الله وياك ان شاء الله تروح و ترجع بالسلامة
اميد... سديتهة منهة و طلعت ودعت الاهل و كلتلهم عندي مهمة و طلعت للفريق مجتمع انراجع الخطة خلصتنه و رحنه للمكان الي هو بيه و حاصؤنه المكان و بدينه بالخطة.....
<<<<<<<<<<<<<<<<<<<<<<
خلص البارت الى اللقاء في البارت القادم
شنو تتوقعون الاحداث الجاية؟
راح يگدر اميد يلزم ادهم و ينفذ خطته؟
و راح يگدر الفريق السداسي يكشف اميد و آيلان؟
انتظروا الاحداث و راح تعرفون الاجوبة لهاي الاسئلة احبكمممم ❤
المـايحب مــن صـدك هـوة وربـة
( زلـمة ) اليـحط محبـوبته بنص كلبة.. ❤
أنت تقرأ
وصية تغير حياتي
Ficção Geral«حطيت عيونج امانه عندج لا تبجيهن» : : : «أنتي الاعجوبةَ الثامنه.» : : : مِآ بّـيّنِ آلَنِآر وِ آلَثًـلَجَ ـ مِآبّـيّنِ آلَكرهِ وِ آلَحبّ يّوِلَدُ حً ـبّ يّذِوِبّ آلَثًـلَجَ وِ يّخٌ ـلَقَ بّـدُلَ آلَكرهِ حً ـبّ لَيّسً لَهِ حً ـدُوِدُ ياترى...
