#أأنت_مُـنقذي؟!
ألكاتبه : فاطمة
لو چان حبهم بي صدگ چا ما عذبونه
.-.-.-.-.-.-.-.-.-.-.-.-.-.-.-.-.-.-.-.-.-.-.-
دِجلـه :-
گاعده بالغرفه اكمل تدريباته على الفنون القتاليه ...... اي نعم اتدرب على الفنون القتاليه من سنوات مضت لا تستغربون لأن راح نعيش مغامرات فضيعه ولازم نجهز نفسنا
قبل ثلاث سنين وبعد ما اصريت على عمي اتعلم على القتال ودخلني بنادي صار عندي خبره بهالشي وصرت اتدرب على المقاطع الي على الانترنت
وحاليا گاعده اكمل تدريباتي بغرفتي الواسعه الي بيهه قطع اثاث ينعدون على أصابع اليد
دِجله : أااااخ وأخيرا كملتت
استلقيت على أرضية الغرفه اريح جسمي لأن الموعد قرب وگاعده اهلك جسمي بالتدريب حتى اتأكد إذا چنت مستعد أو لا والحمد لله چَنّي گدهه
وأثناء ما اني سارحه بالفراغ اجاني صوت تليفوني يرن
گمت اشوف منو ولگيتها ايّو “آيه” صديقتي العزيزه وبنت عمي
دِجلـه : هلا حبيبي شلونچ
آيـه : هلا بيچ گلبي .... اني زينه انتي شلونچ
ـ بخير الحمد لله يروحي .. مشتاقيين
ـ هوه جايه ابشرچ حنجي عليكمم
ـ صدگگ ! كل الهلا يرووحيي
ـ هههه اي والله من زمان مگاعدات ومسولفات سوه
ـ اي والله .... يله لعد اروح أگول لاهلي بيت عمو عادل حيجون
ـ يله حبيبي باي
ـ هلا يروحي توصلون بالسلامه
ـ هههههههههههههه محسستني احنه محافظات هيه بس نعبر الشارع
ـ يبووووووو هههههههههههههه
سديت الاتصال من أيّـو ورحت لأبوي ”عَـدنان“ وأمي ”هَيفـاء“
دِجلـه : يا جماعه بيت عمو عادل راح يجون علينه
عَـدنان : هلا بيهم هسه خابرني عمچ وگالي
هَـيفاء : كُل الهلا مشتاقيلهم
انطيتهم خبر ورجعت لغرفتي طلعت جنطه ما تنفتح الى رقم سري حجمها متوسط
ضليت صافنه على الأشياء الي بيها وادعي ربي يوفقني واكون گد هالمهمه والگه ضالّتي وما يعيق طريقي شي
بس للاسف تسير الرياح بما لا تشتهي السُّفن
بعد فتره قصيره وصلو بيت عمو عادل نزلت استقبلهم ويا اهلي چانو
عمي عادل
ومرته نرجس
وآيه الگلب
واخوانها مرتضى الچبير ومحمد الصغير
بعد ما كملنه سلام اني وآيه أو بالأصح بعد ما كملنه جعص ببعض عفنه اهلنا گاعدين وصعدنا فوگ للغرفه
أنت تقرأ
أانت مُـنقذي ؟!
Mystery / Thrillerقصةُ فصليه ولكن بنمط مختلف وسترى الاختلاف الشاسع بينها وبين قصص الفصليات العاديه ............ اقرأ القصه واتمنى إعطاء رأيك بصراحةٍ فهو مهم نظرا لكوني كاتِبتاً مُـبتدِئه 🤍🤎
