همسُ الوجَس

مُقتطف

رواية : همسُ الوجَس

بقلم : الكاتِبَة وِدّ ال عامر

أُرِيدُ أَنْ أَعُودَ لِطُفُولَتِي
لَا اِحْمَر شَفَاَةُ يُغرِينِي
وَلَا فُسْتَانُ قَصِيرًا بِوَردٍ
وَلَا بِضعَ حَقَائِبِ بِاللونِ الْاِسوَدٍ
وَلَا مِرْآةُ كَنتُ أَظَنهَا
ستَجعَلنِي اجملُ!
وَلَكِنَّنِي عِنْدَمَا أَنَظرٌ لَهَا أَلَانَ
أَبَدوا كشخصَا أكبر مَنيَّ
أُرِيدُ أَنْ أَعُودَ لفراشي الدافىء ذَلِكَ
أفكرُ بِمَاذَا سالعب فِي ألصَباحَ!
واشاهد كارتوني الْمُفَضلَ
وانا اِكْلِ بَعْضًا مِنَ الشوكلاتة
التيَ هربتُها مِنْ وَالِدَتِي
خَوْفًا أَنْ تراني فتمنعها عني!
لَا أُرِيدُ فُسْتَانًا مطرزٍ
وَلَا اِحْمَر شُفَاةٌ فاقعٍ
وَلَا حَتَّى حقيبةُ سَوْدَاءِ
وَلَا شوكلاتة فِي السرَ
أُرِيدُ أَنْ أَعُودَ طِفْلةُ،
حتى لَا ادعوا اللهَ
أَنْ يجعلني أكبر بسرعة بكُل عَيدٌ وصلاة،
أُرِيدُ أَنِ اُدعوا اللهَ
أَنْ يجعلني بخير عندما أكبر فَقَطْ،
أريد أن أحتضنُ نفسي وأقول لها،
"عيشيَّ تلكَ الساعَاتٍ بتمهل،
فغدًا ينتظرك عالِم قاسيَّ يُسمة الشباب!"

المُقتطف الأول
_______________________________

وَجس - اجتِ بيسو ع الدنيا اول طفلة تربطني برامي كُل يوم اباوعلها واتأمل جمالها ماجنت متوقعه رح يجي يوم وأصير أم مرت ايام على ولادتي وصار لازم ارجع لميت ملابسي واجه رامي اخذني ..
الساعه 3 الفجر دأكلب بتليفونه وطبيت ع المحادثات لكيت حساب بنيه دخلت ع المحادثه جان كاتب ..
رامي -باجر اجيج .. اليوم مكدرت اجي .. السبت رح اجي
بلعت ريكي وصار مغص قوي ببطني عيوني دمعت واني أقرا بالمحادثه يوم السبت كلي رح ابات ببيت كَرم الي هوا بيت أخته معقوله ديكذب عليه ؟ أنطفت فرحتي بولادة بيلسان خرب فرحتي ..
ليش هيجِ سوا ؟ اني ممقصره وياه بأي شي طول هلفتره بروده وخلافاتنا وتجاهله وعدم اهتمامه بسبب هاي ؟ بهللحضه حسيت بقهر وغضب دفرته برجلي وكعدته ..
وَجس -راااامي راميييييييي
فز هوا مصدوم حجه بعصبيه ..
رامي -شبيج شبيج
وَجس -شنو هذااااااا ؟
حجيتها واني مخليه التليفون بوجها واباوعله بقهر
رامي -شنو شبيج يمعوده حسبالي شو شكو
جريت نفس عميق اكتم الشهكه البداخلي كمت من يمه ودخلت للغرفه البيتنه صارلها زمان متروكه ومحد يدخل الها طبيت بيها جانت الكهرباء طافيه سديت الباب كعدت وموزين ع النفسه تكعد بضلمه ..
ضليت ساعه ابجي واشهك وساعه املخ بروحي واجلد نفسي وعمتي تدك بالباب وتصيح ..
خَديجة -يمعوده اطلعي مو زين عليج ليصير بيج شي وجسسسسس افتحي الباب هسه غير نفهم شكووو

المقتطف الثاني
_______________________

نَيزك - رجعت من المدرسه شمرت الجنطه والشال والحذاء وطبيت لجوه هلكانه تعب اليوم اخذونه اضافي واني منا ميته تعب لو ما صديقتي ولا احضر الأضافي بَس هيه اصرت عليه دخلت ..
كعدت اتغدى وي اهلي وافكُر بأمتحان الرياضيات طلعت بالأمتحان الشهري الأول 39 ونوب عكستها وطلعت 93 هه احس فخوره بنفسي ابسط شي أسويه يخليني اطير من السعادة حتلو بسيط ..
باوعت للقلاده وتذكرت صديقتي نرجس هيَ الي انطتني هاي القلاده هديه واني ضليت لابستها نرجس حييل لطيفه اني وياها دائماً سوه رغم انو فرق ببينه شاسع هيَ فاشله بدراسه وعايده سنه واني السجاجه مال الصف وماعايده ولا سنه هيَ بشرتها سوده ودائماً يتنمرون عليها واني بشرتي مايله للبياض حتلو بشرتها سوده ومحلوه مو مهم المهم داخلها جَميل وهيَ حيل لطيفه ..
فزيت على صوت صراخ من المطبخ ذبيت اللكمه من ايدي وكمت حتى اشوف شكو دخلت وَجس وهيَ تبجي اجتِ امي يمها وتسألها شكو شبيج شصاير بلعت ريكها وحجت وهيَ
مختنكه ..
وَجس -عمه هيَ تريدلها حجه اني ش عليه .. اني ب بَس سألتها .. ماتهمتها
خَديجة -احجي من البدايه حتى نفهمممم
اجانه صوت وداد من بره ..
وداد -تذب بلاويها عليييييييييييه اكبر منها ماتحتتتتتتتترم تتتهمنييييييييييي اني اكبررر منهااااااا

المُقتطف الثالث
_____________________________________

سراج - جاي امشي و ولد اثنين وراي يكولون اكو رجال يريد يغسل بس ميتحمل هسه يموت
واني سمعتها هيج واعيط بذاك الصوت ..
شَرار - يييييبببببببوووووووو ولججننننن الحكككنننننننن مااااااتتتت جدددووو مااتتتتتتتتت
واني شعري قصير ومفتوح واسحل بيه منا ومنا وابجي واعيط ..
اجني عماتي يركضن وجهالهن شافوني ونخرعوا وكبل وخروا من يمي وهنه بدون ميعرفن شكو عيطننننننن اني شفتهن كلهن يعيطن وكفت حجيت بصوت عالي ..
شَرار - شبيجنننننن فضحتنهههه صوتجننن نصنه لو كل وحده تروححح لبيتهااا
باوعلي بصدمه حجت عمتي ..
أودريا - ولج مو تكولين مااتتتتتتتتت وتلطمينننن سودنتييييينه
شَرار - انيييي شمدرينيي ماتتت شو دخابرنننن وين صارر ادري اذا شمرت روحي من الجسر تشمرن نفسجن ورايييييييي فضحتنههه فضيحه
- ومرض شبيج ملكوفه خبلتي حته الجهال انتي وشعرج جنج سعلوه
_ هاي منيه جنها سعلوووووووه ؟
بيبيتي بصوت رج البيت : ولجن مرض بيجن سودنتني ولج شَريره انتعلوا اهلج عله هل دكه سودنتيني دخابري لا اكوملج

المقتطف الرابع
_____________________________
نَيزك -سلمت عليه سلام عادي وكأنو اني لاعنيلها شيء وراحت حزت بخاطري بَس قويت نفسي ماريد ابين انو اني ضايجه كدامهم ..
رحت وي عمتي وشَرار ضلت كامشه ايدي تقويني ابتسمتلها ممتنه ورحنه كعدنه ورا شوي اجتِ وحده ماعرفها سلمت عليه وكالت ..
- اني خالتج يروحيي تعاي شوفي امج
حجتها وسحبتني حتى ماكدر اكوللها ماريد عيب وادري بيها متريد تشوفني صعدتني لفوك الطابق الثاني ودخلتني بغرفه تقدمت وحده لابسه زي رسمي ابيض وسلمت علي طبيعي كالتلها الي اسمها خالتي هاي بنت جوزال فتحت عيونها وحضنتني بقوة ..
بادلتها العناق واني حتى ماعرفها ورا شوي اجتِ وحده واخذتني شافتني ودارت وجها وسوت حركه بوجها كانها متريد تشوفني بَس تفاجئت من سحبتني بقوة وحضنتني وضلت تبجي حجت بقهرر ..
جوزال -الله لا يسامحه

أنا وَجس
وَجس لا يُخيب
شَرار لا يهدئ
أثراً لا يمحو
نَيزك لا يطفو

وِدّ ال عامر
_________________________
رواية جديدة الروايه القديمه نحذفت بسبب
مشكله صارت وكلتلكم رح اعوضكم بقصه
احداااثها نااااار 🌚
وعوضتكم بهاي القصه الي متأكده حتعجبكم ❤
شنو رأيكم بشخصية شَرار الي رح تفحطنه ضحك 😂😂
المقتطفات تجنن مو؟؟ ادري ماكو داعي تكولولي 🙈🙈
حرفياً هالقصه توصف واقعنه ومجتمعنه بأختصار
شرايكم ب شرروره وخبالاتها 😂❤
يلاا اودعنااااااكم جَميلاتيي احبكمممممم 🙈❤