الزوجة الاولى
بقلمي:كوثر براكة 🖌🖌
بارت: 9
شويا سمعو صداع التحت صلاح دغيا هبط درجا جمعها في ربعة وكن وراه لبنى توصلو لتحت لقاو سي براهيم ومحمد محامين على لا هنية مدخلينها البيت ورجاء تتجري في كاس فيه لماء وسكرا سبقها هو وهزو من عندها وحطو حدى فم مو لمبغتش تشرب من عندو تشدت من عندو سناء وشربتو ليها
صلاح:(مخلوع) واليدة مالك اش وقع
رجاء:طاح ليها سكر حيث تفقصات
سناء:وهي تسخف لينا
محمد:(تيشوف في مو) واش تتحسي بخير نديك لسبيطار
سي براهيم:نديك لسبيطار شنو ضرك
هي رجعات نفس ونطقات
لاهنية:ضرني ولدي لممتبعش كلامي ضرني قلبي لفي هذا العمر ومعندي حفادي فحال الناس
لبنى شدتها البكية مكانة تاع عائلة صلاح في قلبها كبيرة
اما صلاح نفخ بجهد ونطق
صلاح:هي رتاحي داب بعد
لا هنية:منرتاح تتقول ليا اه ولا نموت وتشد تقليدي عليك وفي رقبتك وبشهدت خوتك
هو ساط ونطق
صلاح: ديري لعجبك هي ديها في صحتك
لاهنية:الله يرضي عليك
هو خرج من تما وركب في طنوبيلتو تيسوط معصب كره هادشي اما خرين بقاو معها تولات بخير هي طاح ليها سكر ماشي شي حاجة
جلسات لبنى حدها ونطقات
لاهنية:عارفك داب تتقولي اني تنظلمك ولكن راه تا انا بغيت ولاد ولدي وكوني على يقين تا حاجة مغاذي تبدل
لبنى بدات تتبكي وتتنطق
لبنى:تنبغيها اخالتي تنبغيه
لاهنية :ولكنت تتبغيه فرحيه وفرحيني في هذا نهار الا شي شي نهار دوزت فيك شي خير رديه ليا ها العار ابنتي راه مندير والو الا موفقتيش
لبنى هي تتبكي وتتشوف في عجوزتها لسانها تعقد
لاهنية:هذا شرع الله ولدي غاذي يعدل وغاذي نبعدها عليك وكلشؤ بتعادل
شافت لبنى في عجوزتها فعلا عجوزتها مدوزا فيها الخير ورجلها كذلك والخطأ او نصيب جا منها حيث مترزقتش بالولاد لعل الخير منه مسحات دموعها ونطقات
لبنى:كلوني ليك اخالتي بحوايجي
عنقاتها لاهنية وتتضحك فرحت بينما لبنى الف موس وموس تيضرب فيها
بقاو معها تولات بخير ورجعات لبرطمتها ديك القوة لكانت تتمثل تلشات طاحت الارض تتبكي وتتغوات وتنتف في راسها
علاش اسيدي ياربي علاش علاش انا لتكتب عليا هك علاش معمرني فرحت كي ناس كاع لبغيت خلوني والديا مشاو وداب صلاح اه صلاح هو لعندي هو لتنملك علاش اسيدي ياربي غلاش تكتب عليا
ساعة دوزتها في ضس تتبكي تتضراها راسها ومشات لناموسية تتبكي وتتنخصص دماغها متقبل هدرت عجوزتها وقلبها رافض بصفة كاملة ذتها تترجف
بؤنما هو رجع لدار سمع سكات توجه لبيت حلو ودخل سمع تنفسها ثقيل وجهها لذبل هي من صباح لداب توجه عندها ونعس حدها وعنقها بشويا بينما هي جمعات دموعها بحال موقع والو
ونطقات وهي تتضارب مع الكلامات باش تخرج
لبنى:صلاح تزوج من حقك
هو مهضر متكلم فقط باس ليها راسها ونطق
صلاح :تنبغيك
هي فحال شي ثلجة طاحت عليها حيث عمرو قالها ليها واش بصح قالها ولا هي حس بيها وقرر يطمنها دماغها خدام ودموعها تسرسبو من خذها ليل كلو باتت عاسة هو نعس وتقلب على كرشو اما هي شفر مشافش خوه تفكير قتلها وذاتها ضربة البوطون لول في الموت ..يتبع
أنت تقرأ
الزوجة الأولى
Action🔱تـــــقــــــديـــــم 🔱 _قـالـو نـاس زمـان راجـل بكـلـمـتو يـتـقاس ولـد الـحـلال مـيـلعـب بـبـنـات الـنـاس وبـنـت نـاس ميغرها لا مـال ولا لـبـاس فـاهـم يـفـهـم والحـديث قـيـاس . هــي :سـكـت وسـديـت فـمـي قـالـو فـيـا العـجـايـب دويـت ودافـعـت عـل...
