الزوجة الأولى

126+136

الزوجة الاولى

بقلمي: كوثر براكة 🖌🖌

بارت: 126

سي براهيم  ولا هنية وسناء جالسين في بيت بينما محمد مشا لمحل تنطقات لا هنية

لاهنية: الله عليك يا ولدي يا صلاح وعلى مكتوبك الصكع

سناء: انشاء الله خير امي انشاء الله

لاهنية: اش من خير هضري اش من خير زوجتو بشهوة بغيت نشوف ولدو نفرح بيهم في لخر شنو عمرني باقي نفرح بيهم عمرني

سي براهيم: استهدي بالله ا هنية هذا هو حال دنيا

لاهنية: لا لا ولدي متبوع متبوع ولتابعاه انا غاذي نتفهم معها

سناء: يهديك الله اماما اش هذا الكلام تتقولي

لاهنية: انا متنهضرش هي هكك راه ربي شاهد عليا  لبنى سبب من نهار حملات اميمة وهي تبدلات وتا صلاح تبدل هادشي كلو مشفتوهش

سي براهيم: يهديك الله يا هذا المرأة البنت مشفنا منها تا عيب بالعكس حنا لظالمينها الله يسمح لينا منها وصافي

لاهنية:(ناضت وقفت صحيحة مضاراها والو ) ظالمينها فين فين ظالمينها شنو درنا ليها عايشة معززة مكرمة هي لطلعات بنت الحرام راه قال  ليك لبلا عائلة راه ميصل(يعني ولد الحرام)

سي براهيم: استغفر الله وصافي معك السيدة  مدرات لينا والو بالعكس كنت ديما نعم المرأة والزوحة والبنت لينا وحنا لظلمنها شفنا صلاح كيفاش هملها ومهضرناش وداب تجي تقولي هذا الهضرة راك مرضتي

لاهنية: ايه انا مريضة وليوم باينا ولا بيها فهمتي

سي براهيم: شتي انا خارج والله ما جردة ولا كلامك 

خرج مخايها وراه تتكمكم عليه ..يتبعالزوجة الاولى

بقلمي: كوثر براكة 🖌🖌
بارت:127

خلاتو تخرج وطلعات هي تتجري عند لبنى ومن وراها سناء لتتحاول تشدها باش مطلعش

سناء: ومي اش تتديري واش بعقلك راه مدارت ليك والو

لاهنية: ليوم نأكلها بسنيا خرجات عليا الله يعطيها مصيبة

بدات تتفتخ عليها الباب بالجهد وتتضرب فيه بكل قوتها وتتغوات

حلي هذا الباب ولا نهرسو عليك حلي حلي بغيت ليك مصيبة بغيت ليك المرض لمتشفيش منو

حلات عليها لبنى باقي بالعباية تاع الصلاة باش حلات عليها وهي مخلوعة شافتها لاهنية وضحكات واحد ضحكة عالم ودخلات الدار وهي تتشوف فيها باستهزاء

تتصلي وسيري نعلة الله وعليك تصلي وتأذي بنادم مدار ليك والو تصلي وتقتلي بنادم

لبنى مفهما والو هي تتشوف بعينها وساكتا