ظلام الدواعش 2014

مشهد

الكاتبة فاطمة المولى

بسم الله الرحمن الرحيم

مشهد ١
................

: احس نار ومشتعله بكلبي واني اشوف اعز شخص كبالي يعدبوه بكل برود يحركون بيده

واني واكفه ابجي مااكدر اسوي شيء غير السب والغلط

: ولك گ*** وخرررر

: اخرسيي بنت الگ**

ضربني راجدي قوي ولزمني من شعري يسحب بي حيل واني املخ بيده واسحب شعري من ايده

: ولك هدنيي جلب

: اشش مااريد اسمعلج نفس

: عوف اخوي عليك الله

صار يضحك بصوت عالي

: تريدين اعوف اخوج مو

صرت اهز براسي

: اعوفه بس بشرط

: اسوي بس عوفه

: نامي وياي الليله يحلوه، وغمز الي بابتسامه

...........................

مشهد 2
.......

اسمع اصوات يمي بس مااكدر افتح عيوني صرت افتحهن ع كيف وارجع اغمض رجعت فتحت عيوني واني اشوف ظلام واصوات حيل عالي بره صرت ارجف واضرب ع راسي بقوة اريد يخف الالم ماكو موتني صرت اصرخ ورحت ازحف يم الباب وادك عليه دموعي تنزل شلال

: گ***** اولد ال*** فتحووو البابب

مااحس الا الاصوات كامت تعلا اسمع صوت صريخ ورمي سلاح سديت اذاني مااريد اسمع شيء قويت نفسي وكمت سندك نفسي ع الحايط وافتح بالباب ماينفتح مقفول صرت اضرب بالباب بكل قوتي واصرخ

: ولكممم فتحووو البابب

درت وجهي ادور ع شيء شفت بالكاع طابوته ويمها دوشك الجنت نايمه عليها شلت الطابوته رحت اضربه ع الباب مااحس غير الباب انفتح ودخل واحد ايععع ضخم وكرشه واصل لخشمه وريحته مقرف ولحيته طويل وصل لكرشه ويباوعلي بنضرات حسيت نفسي فد رخيصه رجعت لوره وهو دخل وسد الباب وتقرب مني واني صرت ارجع لخلف

: تعاي يحلوه

: هيووو وخرر لك

جان بيدي طابوت لمن تقرب شلته وضربته لراسه صار يصرخ ويسب بيه شويه ووكع رحت ضربته برجلي ع كرشه وراسه وتنفست براحه خرب خفت حقير طاح حضكم رحت يم الباب فتحته ع كيف شفت زلم كومه فوراً سديت الباب يالله شسوي هسه

رحت اخدت سلاحه واباوع ع غرفه اريد مخرج
حتى اطلع شفت شباك صغير بس اشلون اطلع عالي كعدت وافكر ربع ساعة وكمت من الكاع وسحلت هذا الي واكع من رجله ليم الشباك ودست ع كرشه وصعدت لزمت الشباك وكوه طلعت منه ووكعت صار الم برجلي وملابسي كله صار تراب اوووف شلت السلاح وصرت اركض دنيا ليل وصوت الجلاب تنبح مااحس الا انجريت من شعري قوي

: ويننن موولليييه بنت الگ***

.......

مع السلامه حبايب كلبي

ان شاء الله اشوفكم بالبارت الاول

اتمنى تنال اعجابكم الرويه ظلام الدواعش

مع تمنياتي لكم بالصحه والسعادة