الكاتبة فاطمة المولى
لاتنسون التصويت والتعاليق بين الفقرات
بسم الله الرحمن الرحيم
.....................
مدري اشكد مر وقت فتحت عيوني اكو وجع براسي درت وجهي وشفت وحده تعدل بالكانولا
الي بيدي جانت لابسه عباية وخمار من شافتني كعدت رفعت الخمار وكالت
:شلون صرتي
باوعتله جانت حلوه بس خفت منها لزمت راسي جانت ملفوفه كلت
:را..راسي يوجعني
لزمت ايدي وحجت بهدوء تحاول تطمني
:لاتخافين ح اطلعج منا تمام
سحبت ايدي منها وكلت بعصبيه
:اختي وينها وين اخذتوها
باوعتلي بحيره وكالت
:اني رڤا اي شي تريدين صيحيني تمام
:اريد اختيي
تنهدت وكالت
:هسه ارتاحي انتي بعدين اجيج ونحجي
درت وجهي عنها وهيه راحت باوعت للغرفه كله تراب وريحه دم درت وجهي للطرف الثاني
وشفت العسكري الي اول مادخلت جان نايم مادري مغمي كلت بين نفسي
ياترى شراح يسون بيه شنو مصيري معقوله اموتَ هنه روح وينها وين اخذوها
هذاَ العسكري منو شعنده جاي هنا ضليت افكر لحد ما راسي وجعني ونمت
...............
بقيت متردده افتحه لو لا سميت بِسم الله
وفتحته ع كيف فتحت عيوني مصدومه
هذا واحد من الدواعش الي ضربني واخذ علي جان ملفوف صدرها بالكامل ولابس بجامه اسود وكله تراب
ولحيته طويل يوصل لصدره وكله وصخ وحواجبه تخان وعنده كرش جان نايم
استغربت لعد الصوت السمعته شنو
تقربت منه وباوعتله بحقد وتفلت بوجه اريد اموته بيدي شفت ابره ع ميز سحبته
ووكفت فوك راسه شسوي هسه يعني ح اصير مجرمه بس هم يقتلون ناس ابرياء
غمضت عيوني ودخلت الابره بجرحه طلعته ورجعت دخلته اربع مرات سويت وشفت
الجرح بده ينزل منه الدم هوايي يمكن انفتح الخيط دبيت الابره من ايدي ورجعت لوره ايدي صارت ترجف
وكله دم ركضت سديت البرده ورحت لسديه الي جنت نايمه بيه وصرت امسح ايدي بالجرجف من الدم
ودموعي من وحدهن ينزلن
-معقوَله گتلتَ روح اني
-صرتٰ مجرمهَ انهَ
جلفت ايدي بالجرجف وشلته وذبيته بالكاع كعدت بالكاع واني افرك بيدي
- حسيت كلُشي انعاد عليه صاَر سنين احاول انسىٰ
-بس غلطه مني رجع عليه كُل المواقف
قربت ايدي لخشمي شميته ريحة دم
أنت تقرأ
ظلام الدواعش 2014
Misterio / Suspensoنضرات كلها كره وحقد وشر احس نفسي نحس كل الي حبيتهم عافوني شكو باقيه اني لازمه الموس بيدي اكو شي بداخلي يگلي انتحري شكو باقيه بهل ظلام واكو شي يگلي انتقمي اخذي حق ابوج واخوج لاتستسلمين بهل سهوله مو انتي الي تستلمين حقد والنتقام الي بكلبي جان اكبر ح...
