الكاتبة فاطمة المولى
بسم الله الرحمن الرحيم
بنات لاتنسون المتابعه لحسابي وتعاليق الحلوه مثلكم بين الفقرات واهم شيء النجمه لاتنسوا ✨
........................
روح
شفت واحد حيل ضخم وبيده واحد ويضرب بيه والولد خشمه يجري دم وعيونه صاير ازرگ
بس هذا هم ضخم ليش مايسوي شي جنه مطي
وهذا ممهتم ويضرب جابه براجدي اني من يمي لزمت خدي وهذاك الولد وكع بالكاع وفوكه يضحك
وهو مشى من يم سيارتنا جنت اباوعلها بقرف واريد اموته حسيت ضربني مو ضرب ذاك
باوعلي بنضره حاده وكلها غضب فورًا درت وجهي حقير اني شعليه هيج يباوعلي
شكله جان اسمر وعيونه حاده ولونه مدري جوزي عسلي واكو طبره بحاجبه وبخده هم اكو
وماعنده لحيه بس شوارب وضخم وطويل اووي اني شعليه باوعت شفت ركب سياره درت وجهي للواكع شفته
كام من الكاع وراح لسياره ذاك فتحه يضحك ويمسح الدم من خشمه وركب شبي هذا خبل .
اجه علي ومشينا وصلنا لبيت خالتي اول مدخلت رحت خليت راسي ودموعي تنزل بهدوء
نمت واني اذكر امي كعدت الصبح تريكو هم اني مشتهيت صار ساعه بالتسعه ونص بدلنا ورحنا
ل امام علي ( ع)
وصلنا ودخلنا للامام واني صرت ابجي واشهك ولازم الضريح بقوتي نص ساعه واني هيج
كمت صليت وكعدت اقرا قران واهدي لروح امي اجت مره يمي وجهه كله نور انطتني كلينس
وكالت لاتبجين يمه وراحت واني هديت اشوي ومسحت دموعي وطلعنا كالو نتغدى اني مقبلت
وعلي هم مقبل فرحنا اني وعلي وحور وصلنا يم الكبر وشفنا ابوي كاعد يم الكبر بملابس الدوام
وكله تراب ويبجي من شافنه دار وجه مسح دموعه وباوعلنا اني من شفت كبر امي صرت ابجي وركضت لحضن
ابوي وهو صار يمسح ع شعري من فوك الحجاب ابجي واصرخ وخرت من حضن ابوي ورميت نفسي ع كبر ودموعي
تجوي خدي صرت اعاتبه
:يمه كومي مثل الكبل دفينا بحضنج كومي لاتخرب جمالج التراب
انتي تخافين من الظلام شحالج هسه وانتي بالظلام
يمه فتحيلي حضنج خل ادفىء بيج
شمالج ماتمرين عليه بالنوم
كمت ابجي وارجف واجت حور يمي هم تبجي اجى علي حضني
ومسح دموعي وهو هم يبجي كالي
:اشش كومي لاتعدبيها بكبره خل نقرالها فاتحه
كومني وابوي كوم حور غسلنا وشغلنا بخور وكمنا نقرا الفاتحه صرت اقرا واخربط وارجع اقرا وايدي ترجف
كملنا واجوا عمامي وعماتي وخالاتي هم بجوا وقروا الفاتحه ورجعنا
صار ثاني يوم ورحنا للكربلاء زرنا وبقينا ثلاثة تيام وبعدها رجعنا للموصل
..........................
بعد مرور ثلاث سنوات
خل احجي شصار بهل ثلاث سنوات:ابوي صار برتبت عقيد وتضاعف شغله وعلي هاي اخر سنه الها وهو حيل ذكي
وصاير ضخم وبس شوارب هو شكله ابيض وعيونه عسلي طالع ع ابوي
أنت تقرأ
ظلام الدواعش 2014
Mystery / Thrillerنضرات كلها كره وحقد وشر احس نفسي نحس كل الي حبيتهم عافوني شكو باقيه اني لازمه الموس بيدي اكو شي بداخلي يگلي انتحري شكو باقيه بهل ظلام واكو شي يگلي انتقمي اخذي حق ابوج واخوج لاتستسلمين بهل سهوله مو انتي الي تستلمين حقد والنتقام الي بكلبي جان اكبر ح...
