عوض السنين

الـحـلقــة 10

#عوض السنين

عـــوض الســنيــن
                               بقــلمي : رقـيـة عـبـاس

><><><><><><><><><><><><><><><>

عمر

الوضع ابد ميطمن بالعراق وكلش متأزم انوب اجه الفايروس كعدنا بالبيت اول اسبوعين مشينا طبيعي وكلشي تمام بدينا نتعلم طبخ ونساعد البنات بالبيت بما انو منكدر نطلع توجهنا لشغل البيت فد مرة  جنة كاعدين وملتمين

-عمار : اكلكم تعالو نقسم الشغل اني عليه الطرمه غسلها حلو

عمر انت تحب تطبخ وطبخك عجبني الطبخ عليك وحسام  دوام
اسبوع موجود تغسل مواعين والأسبوع الماموجود البنات
يغسلن وغسل البيت هم ع البنات

-عمر : الطبخ على ابتهال وامي واني اغسل الطرمه....

امي تباوع علينه وتضحك شلون نتعارك عالشغل وبهل اثناء دخلت زينه

-زينه : شلونكم شباب وبنات

ردينا عليها

-زينه : عمو وعمه انتم لتردون كلت شباب وبنات انتم عجوزه وشايب انوب

رجعت كالت يااااا هاي سونه عجوزه لاعمي كيك وحلويات دخيل الله شلون قبلتي بعمي والله اكو حارس بجامعه يخبل يلوكلج

-وسن : اذا متسكتين اكوم بالشحاطه على راسج

-زينه : اهوو مو مال شقه انتم امي شايله الشبشب وتفتر وراي وانتي شحاطه...
رجعت باوعت علينه وكالت شسون

-سجى :عمار كاعد وديقسمون شغل البيت عليهم ملو من كعدت البيت

-زينه: عفيه بعمار لعد امشي وياي لبيتنا خلي اكرب على العدنا فالتين كاعدين زينه جيبي زينه ودي زينه موتي زينه عدلي

-عمار : يلا كومي اذا ماخليج انتي بس عالجهاز اني مو ابن عمج

-زينه : هذا ابن العم يربي تحجي ودك على ظهره يرحولك فدوه هذولاك كلت اله اخذلي اجازه قبل شهر ضل يبجي بوجهي ماعندي مجال

-حسام : ساعة السوده الماخذت بيها  اجازه 100 مره عيرتني بيها

-زينه : اكلك عمار خطيه عمر لا تنطو شغل تعبان منا مظروب بوري ومنا مديشوف الحب خفوو عليه

شلت ماعون كيان بلاستك شمرته عليها

-عمر : انعل ابوج لابو هلسان

-زينه : رحم الله والديك شوف هسه المسبه رجعت عليك اعذرني عمو بس اخلاقي متسمحلي  اسبه

-ابو حسام : عمار اخذها وروح البيتهم يلا بسرعه

زينه: بعد اطلع جلبه وحماره اذا جيتكم عود اكول اغيرلهم جو ضلو الحزن كاتلكم ليكول عايشين بعام الحزن