عوض السنين

الـحـلقــة 6

#عوض_السنين

                                  عـــوض الســنيــن
                               بقــلمي : رقـيـة عـبـاس

><><><><><><><><><><><><><><<><

                               عمر

-عمر  :هاي شتسوين هنا؟

-شهد: شنو شتسوين  الدكتوره خلتني التطلع حامل اهلهل والتولد اعيط بمكانها يعني غير سكرتيره شتشوف

-عمر : مو السان كلاشنكوف

-ابتهال : عمر تعرفها

-عمر : يي طالبه بجامعه

-شهد : تفضلي حبيبتي

-ابتهال: شكد اكو كدامي

-شهد: 29 وحده

-ابتهال :تمام عمر تكدر تروح من اكمل
حسام يجي علية

-عمر : ماشي رايح

-ابتهال :الله وياك

طلعت من العيادة توجهت ع الشركه واني افكر بيها وبشكلها هية وتحجي وترادد اني ماحب البنت ترادد بس هاي شو حلوة وجذبتني الهة وصلت لكيت زايد واصل كدامي وكاعد
ها زيدون

-زيد :شو تأخرت

-عمر: اخذت ابتهال لدكتوره واجيت
اكلك زيد شلون الواحد يحس نفسه معجب من اول نظره

-زيد :لازم الاخ واكع

-عمر: يمكن مادري

-زيد: منو هاي الوكعت عمر ابن مالك

-عمر : باجر اشوفك ياها بلجامعة

-زيد: شيجيبه باجر

-عمر : يجيي يجي لا تستعجل يلة خل نشوف شغلنة السوالف متفيد

كعدنة نشتغل وملتهين اوراق وملفات وهوسة صايرة كملت الشغل بالشركة ورجعت للبيت  صار العشة تعشينة وكلمن راح لو ع دراسة  لو جهازة اني اتصفح بالجهاز ضليت افتر بحسابات الطلاب بلكي الكي حسابها
تعبت ومالكيت نمت كعدت الصبح تحضرت ونزلت اتريك كملت
وطلعت صعدت بالسيارة ورحت  للجامعة وصلنة
تلكاني زيد باب العمادة

-زيد: صباح الخير شو من وكت جاي مو من عوايدك

-عمر: صباح النور عندي اوراق لازم اخلصهن

-زيد :ها ايي صدك وينها سعيدة الحظ الموكعتك بشباكها

-عمر :تعال امشي نطلع  نفتر اريد اخذ قهوة حتة اصحصح عدل و اشوفك ياها
طلعنا تمشينة شفتها كاعده هي وصديقاتها يراجعن كتلة باوع ع يسارك هذيج ام الماروني المدنفشه باوع عليها زين ورجع التفت عليه

-زيد : ولك هاي ام زحل

-عمر : يازحل

-زيد : لك رحت الها بداية الدوام كلت الها مادري وين شايفج كالت بكوكب زحل قبل اسبوع جنت هناك