لأم:
اليوم اروح ادور على بيت نسكن بيه منطقتنه صارت خطيره
اخلاص:
يي امي داعش جاي يسوو مقرات هنا يمنه
عبير:
انتي ومنو تروحين
الأم:
اني ويا خالج ابوجن وياجن اخليه اخاف عليجن
اخلاص:
تمام امي
مرام:
امي اروح وياج
الأم:
لا ماتروحين تبقين ويا اخواتج
نور:
امي اروح وياج
الأم:
يي تروحين لحتى تشيلين اخوج عمر
يلا كومي نور شيلي اخوج لحتى نطلع
نور:
خصلت كملت كلشي تمام امي خلصت
الام:
اخلاص عبير لاتطلعن برا لحتى اجي
اخلاص:
تمام امي
سلمى:
راحت امي بقينه اني والبنات طبعاً اني متعوده مانام الى احضن مخدتي وهيه يم مرام
سلمى:
مرام نطيني مخدتي
مرام:
مانطي
سلمى:
خطيه امي ما اخذتها
مرام: عادي
سلمى:
شعندج تبجين
مرام:
ماعليج
سلمى:
حسن حسوني حسن حسوني نطيني مخدتي
مرام:
اذا عدتيها اضربج ب شيشه العطر
سلمى:
حسسسسنننن نطيني مخدتي
مرام:
جنت مقرره اخوفها وضربت الشيشه على الحايط ماحسيت اله الدم يطافر بكل مكان
سلمى:
ماحسيت بشي ابد بس احس حراره تنزل على ايدي والدم يطفر من ايدي شفت الدم بقيت اصرخ لميت العالم كلها على صراخي
عبير:
جاي اغسل ملابس ماحسيت غير صوت صراخ سلمى رحت ركض اشوف الدم بكل مكان الدم ايدها شلال صاير اخذت المنشفه لفيت ايدها والدم مستمر ينزف
اخلاص:
جنت اسوي غده الساعه12 ضبط
ماحس غير صراخ البنات ركضت واشوف الدم بكل مكان ركضت لبست عبايه والنقاب
الاب:
رحت ركض على الشارع اريد سياره اسعف بنتي اصيح بس انقذو بنتي اريد اخذها
عبير: مقرات الدواعش كلهم جو عندنا شكو شصاير عدكم
الاب: بنتي نجرحت ايدها وجاي تنزف وحالتها خطره
جارتنه
ام عمار:
جنت اسبح ماحسيت غير باب الحمام يندك ويكولو سلمى حالتها بخطره وامها ماكو بس البنات وابوهن ركضت ولبست ورحت عليهم
اخلاص:
شفت سياره داعشي جت وصعدنه سلمى بسياره وابوي وجارتنه ويانه
سلمى:
عيوني جاي يغوشن واذاني يصفرون
ماحس بشي ماسمع اشوف اخلاص وجارتنه شوي غوش اشوف يصيحو اكللهم ماسمع اصرخ ماسمع كلشي
اخلاص:
بسرعه اختي راح تموت
الداعشي:
بنتكم حالتها بخطره ولازم يسعفوها على الشرقاط اعذروني ماكدر اروح لغير قضاء
الامر منعنه ولازم امر من عنده وماكدر والله
اخلاص:
ابوي حاضن اختي سلمى واني حاضنتها
عبير:
راحو
نزار:
هلا عبير
عبير:
هلا بيك
نزار:
شكو شصاير
عبير:
سلمى نجرحت ايدها وحالتها خطره
نزار:
وين راحو
عبير:
على المضمد قصي
نزار:
رحت مشيت لكيتهم ب الشارع يدورو سياره تاخذهم للمستشفى اخذتهم
نزار:
طبعاً سلمى صغيره واحسبها مثل اختي واحبها كلش ونصدمت من سمعت هيج صار وياها
اخلاص:
شفت ابن جيرانه جا علينه اخذنه للشرقاط
سلمى:
اخلاص ماتحمل ايدي نتفخت
اخلاص:
لأن شدوها لحتى يوكف النزيف
سلمى:
راح افتحه ماكدر ايدي توجعني
نزار:
لاتصيرين مجنونه ترا تموتين
سلمى:
عادي بس يروح هل وجع ايدي نتفخت صارت زركه توجعني ماتحمل
نزار:
وصلنه مابقى شي
سلمى:
وصلنه المستشفى طبعاً اني لابسه كلابيه وحتى الشال ملابسته
نزار:
وين الدكتور حاله خطره يمنه
سلمى:
وقتها كلها صارت يمي شباب هواي واكفين يم راسي ايدي منتفخه
نزار:
سلمى ماتكدر تسيطر على نفسها صارت ترجف كالو راح تموت البنت فقدت الوعي ساعه
اخلاص:
داعش مايقبلو يخيطو ايدها او شي يكولو منتحره مانسوي شي الها اني اكللهم والله اختي ضربتها بقينه ساعه يلا قتنعو
داعش جابو اكبر دكتور من بيت اهله لحتى ينقذ سلمى
سلمى:
فتحت عيوني شفت زلم فوك راسي هواي والدكتور جاي يخيط ايدي نزار لازم رجليني لأن جاي ارجف ولد لازم ايدي لحتى يسيطرو عليه رجعت خدروني
رجعت فتحت عيوني ماحسيت غير هاذا خلص خياط ويطفر الدم من جديد وينفتح الجرح
الدكتور:
البنت محتاجه دم لحتى تعيش لأن مالها وقت لازم دم ضروري صفر دمها وجاي ترجف وتفقد الوعي
اخلاص:
رحت وماتطابق دمي وياها
الاب:
رحت وهم ماتطابق دمي وياها
الدكتور:
اني بنفسي ردت اتبرع ماتطابق دمي وياها
الداعشي:
ماتطابق الدم وياها
الدكتور:
البنت نخلي الها دم ونسعفها للموصل لحتى يفتحو الخيط ويخيطو الوريد والجلد واذا مانجحت يكصو ايدها
اخلاص:
لا محد يكص ايدها نسعفها إن شاءلله تصير زينه
سلمى:
اخلاص ماريد يكصو ايدي خايفه
الداعشي:
محد يكص ايدج خلي نشيلها نوديها للغرفه
اخلاص:
سلمى كل شويه تفقد الوعي ومالكينه دم يطابق ويا دمها واني حايره ماعرف شسوي نشيلها من غرفه لغرفه
الداعشي كلساع يصيح اخلاص ياخذون اختي كلساع يقررو شي يكصو ايدها او ماعرف شنو مصيرها امي ماعرف تعرف بينه ب المستشفى لا وينها هيه
نزار:
اني قررت اشوف دمي يطابق وياها طلع نفس التطابق اني وهيه دم ننطي وماناخذ الى نفس الفصيله
نطيتها دم وكالو البنت بعد حالتها بخطر وايدها ينفتح الوريد وينزف عليها جيبو اهلها نزار:
اني رحت لحتى اجيب امها لأن ماتدري رحت للزويه لحتى اجيبهم
نور:
جنت كاعده اني وامي تكبه الكلاص العصير امي كالت خير إن شاء الله
الام:
حسيت صاير شي مو مطمئنه احس بناتي بيهن شي تكبه كلاص العصير واحس شي صاير بناتي
ماحسيت غير صوت سياره تدك هورن يم الباب ويصيح وشفته نزار كلتله شكو شصاير
نزار:
بنتج سلمى نشكت ايديها وحالتها بخطر من 12 هيه ب المستشفى وحالتها كلش خطره ويمكن يسعفوها لمستشفى الموصل وصارت تصيح وتبجي
الأم:
ابجي بس اريد اروح على البيت
رحت شفت عبير نطيتها عمر ونزلت نور وهنه ينضفن ب الدم بلكاع الاثر من تمشي سلمى ب التراب الدم طلعنه للشرقاط
اخلاص:
حالت اختي بخطر وهذول كالو قبل غروب الشمس اخذوها باسرع وقت وننتضر الاسعاف
سلمى:
شايلني الداعشي اكله ابويه شبي ليش يبجي اباوع على ابويه يبجي والزلم يم راسه يواسوه ويكلوله بنتك مابيها شي ان شاء الله
الداعشي:
مابيج شي ان شاءالله
سلمى:
وين تريد تاخذني
الداعشي:
نجيل الظغط مالج نشوف حالتج ستقرت لحتى تروحين ب الاسعاف هسه
سلمى:
رحت وياي اخلاص جالو ضغطي صعدوني ب الاسعاف
اخلاص:
اكلك من تجي مرا تدور على وحده ايدها مشكوكه وياها شايب وبنت كللهم راحو للموصل
الداعشي:
تمام من تجي وتدور عليكم اكللها
.................
...............
............
..........
.......
...
.
