Jeju Island with Enhypen || EHP

3. Том хэрэг (Big trouble)

-Jeju Island with Enhypen

[~●●●~]

Чэжү арлын хаа нэгтэй нэгэн байшинд байрлах долоон хөвгүүд. Дөрөв нь зочны өрөөнд видео тоглоом тоглож, нэг нь буйдан дээр ном уншин сууж, бас нэг нь гал тогооны өрөөнд хөргөгчинд идэх юм эргүүлэх ба үлдсэн нэг нь өрөөндөө унтаж байлаа. Эдгээр хөвгүүд бүгдээрээ Enhypen гэх хамтлагийн гишүүд бөгөөд бүгд дор бүрнээ амралтаа ийнхүү өнгөрөөж байгаа нь энэ юм.

Байшин том биш ч бас тийм ч жижиг биш бөгөөд гурван унтлагын өрөөтэй, түүнд тэдгээр хөвгүүд хоёр, гурваараа байрладаг бололтой. Учир нь нэг өрөөнд хоёроос гурван ор байсан юм.

Хөргөгчинд идэх зүйл эргүүлж байсан Жэйк ном уншиж буй хөвгүүнд хандан:

-Жонвон аа, надад яг одоо нэг л зүйл дутагдаж байна хэмээхэд Жонвон асуулт эрсэн харцаар харна.

-Миний дуртай ванильтай латтег аваад ирээч тэгэх үү?

Тэрээр түүн дээр очоод гуйх аятай өхөөрдөм гэгч нь царай гаргахад Жонвон уншиж байсан номоо хажуудаа тавиад эргэлзсэн байртай сууна.

Харин Жэйкийн яриаг сонссон бусад хэд нь ч бас Жонвон тэр хоёрт анхаарлаа хандуулан, унтлагын өрөөндөө унтаж байсан Хисын хүртэл амттаны яриагаар сэргэн гарч ирсэн юм.

-Хамаагүй амттан идэж ууж болж байгаа юм уу?

-Менежер ах болно гэсээн. Ганц өдөр ш дээ.

-Нээрээ надад нэг шейк.

-Надад бас дессерт.

-Би чадахгүй ээ. Тийм л идэж уумаар байгаа юм бол өөрсдөө яв. Би менежер ахад загнуулахгүй шүү.

Жонвон эрс эсэргүүцсэнээ илэрхийлж номоо дэлгэн үргэлжлүүлэн уншихад,

-Манай ахлагч чинь мундаг хүн шүү дээ.

-Тийм шүү. Дэлхийн хаана ч байхгүй ахлагч гээд л хоёр талаас нь Сонү, Ники хоёр шалаад уналаа.

Жэй ч мөн түүнийг явж ирэхийг ятгахад Жонвон залхуутайяа,

-За за, яваад ирье ээ. Ганц ахлагчийгаа зараад л хэмээн амандаа бувтнан бослоо. Сонү Ники хоёр ялалтын царай гарган хоорондоо гар цохиод буцаад видео тоглоом тоглохоор явахад Хисын эргээд өрөө рүүгээ орж харагдана. Үүдэнд Жонвон гутлаа өмсөж дуусч байтал түүн дээр Жэйк хүрч ирэн,