Jeju Island with Enhypen || EHP

4. Шинэ танилууд (New acquaintances 《Enha》)

-Jeju Island with Enhypen

[~●●●~]

Юримийн талаас:

Гэнэтхэн л хажууд чинь нэг хар машин зогсоод, тэгээд тэр ч бүү хэл дотор нь нэг ширүүн царайтай ах "Чи Жонвоныг гэмтээсэн охин мөн үү?" гээд асуувал та нар яах байсан бэ?

Яг одоо надад тийм зүйл тохиолдоод байгаа болохоор би маш их сандрал айдастай байж байна.

Жонвон гэх тэр айдолыг арай хүнд ноцтой гэмтчихээгүй байгаа гэхээс авхуулаад л түм буман бодол тархийг минь бүчиж одоо яах талаараа толгойгоо гашилгаж дэмий л зогсоно. Удалгүй,

-Машинд суучих. гэх тэр хүний үгэнд нүд минь томрохгүй байж чадсангүй.

-Я-Яагаад? О.О

-Чамайг идчихгүй болохоор тайван бай. Би Жонвоны менежер байгаа юм.

Сэтгэл санаа минь одоо л тайвшрав уу гэлтэй тайван болсон ч миний гэмтэл учруулсан хүнд ямар нэг зүйл болсон юм байхдаа хэмээх багахан сандрал түгшүүр намайг зовоож байлаа. 

Өөрийгөө Жонвоны менежер гэж нэрийдэх тэр хүний машин руу итгэл муутайхан дөхөж очоод доош харан зогслоо.

-Юу болсон бэ... Суухгүй юм уу?
За яахав, айдолд гэмтэл учруулсан гээд энтертайментэд нь хандахаас.

Ааа....золиг гэж, яах уу?!

Гүнзгий амьсгаа аваад эцсийн шийдвэрээ гарган менежерийн машинд суулаа. Машинд суув уу үгүй юү хөдөлж эхэлсэн тул гайхахын зэрэгцээ бас сандралд автана.

-Ө-өршөөгөөрэй. Х-хаашаа явж байгаа билээ?

Энэ амыг яая даа...

-Гэмтээсэн хүн рүү чинь явж байна.

-Юу?

-Тиймээ, чи зөв сонссон.

-Гэхдээ. . .

Менежер нэг санаа алдаад,

-Чи надаас нэг л эмээгээд жийрхээд байгаа юм шиг мэдрэмж төрүүлж байна. гэхэд би сандарсандаа нөхцөл байдлыг эерэг болгох гэж,

-Үгүй дээ, үгүй! Огтхон ч тэгээгүй! Нээрээ шүү! гэж гараа сэгсчиж аль болох инээмсэглэх гэж оролдлоо.

Тийм илт байсан юм байхдаа? Бусдад эвгүй сэтгэгдэл төрүүлмээргүй л байна шүү. . .

-За тийм болог, гэхдээ миний үйлдэл угаасаа айлгахаар байсан байх л даа. Тиймээс санаа зовох хэрэггүй. Би гэмт хэрэгтэн биш.