احفاد الـحمدان

البارت "السادس"

فراكك هدني وما خله بيه ابد حيل
وياهو اشكيله يكلي يستاهل
والف حيل
كلما تدوس على كلبي اكولن
بعد حيل
دوس وخلي الوجع يزداد بيه،،،

•••••••••••••••••••••••••♡♡♡♡•••••••••••••••••••••
(بنين)

كعدت ب 7 الصبح مدري شعندي وهوا بعده نايم اني

كمت سبحت و بدلت وخليت

شال ؏ راسي وطلعت عفته نايم

نزلت محد كاعد بسہ عمه و كاعده تتريك

_صباح الخير عمة

_صباح النور ابنيتي تعاي
اكعدي اتريكي

كعدت يمها وصبتلي جاي وبديت اكل

_عمه لعد عمو وين

_يمه طلع عنده شغل 

يمه بنين اسر قبل ترحين

بنين:لا عمه ميقبل

هيام:اني احجي وياه

بنين:ماشيہ

«بوكتهه ححيل تمنيت اروح وياهم

لان كلش ضايجة وحياتي عبارة عن كأبه»

المهم كملنه اكل و نزلت زينة

بنين: صباحو يحلو

زينة: هلا حبيبي
(نسر ماكو من
البارحة مدري وين مطمور)

بنين:عفت زينة وصعدت لان

صارت ب 9 تقريباً كولهم كعدو بسہ اسر بقى،

دخلت للغرفه بعده نايم كعدت ؏ جربايه

-اسر اسر(اهز بي)

-هههااا شتردين من الصبح

-شبيك يا صبح ب، 9

-كااايم كايم «بنفاذ صبر»

دفعني وكام هذه شبي من الصبح

غلست و نزلت،،،

زهراء: بنين بنين شنو رأيج بوجهي

بنين: والله حلوه ههههههه

زهراء: اوي لضحكييين

بنين: عمي حلوه تخبلين،

زهراء: ي هسه تمام

عافتني و راحت الامها رحت يم خالده،

بنين: هلاو بيبي

خالده: هيلاوين

بنين؛ شلونج

خالده: زوينة، جا هاذه لمدهور وينه

بنين: ديسبح فوك

خالده: اههاا خوش

وره شويه نزل اسر

اسر: جاي ؏ سريع

بنين: تمام

كمت صبيتله جاي دانطي اله

ودشداشه طويله عثرت بيهه وطاح لجاي ؏ دشداشته