يواهس تضحك الدنيا على اشفافك
يبوو الليل الحلو اليلعب على اجتافك
احس روحي تأمن بيك وتخافك واحسك
لغز شنو انت وشنو اوصافك .
#احفاد الحمدان
•••••••••••••••••••••••••♡♡♡♡•••••••••••••••••••••
(زينة)
كمت ع سريع دخلت للحمام وتقيأت كلشي كليته(اكلته)
غسلت وجهي الي نكلب أصفر
طلعت صارت ابوجهي عمه حجت
ام اسر: يمه شنو شبيج ليش وجهج اصفر؟
زينة: لا عمه ما بيه شي مجرد تقيئت
ام اسر: يمه اوديج للمستشفى خاف بيج شي؟
زينة: لا عمه لا ما حاجه.
لميت المواعين الكليت (الاكلت) بيهن وغسلتهن والتهيت ساعة يم نسر وساعة يم بيبي وخلاص الوقت صارت الساعه 7:00 دخلت بنين للمطبخ باوعتلي وحجت بقلق
بنين: شنو شو مو على بعضج اشبيج؟
زينة: ما بيه شي بس هاي الفترة دا ادوخ تقيأت مساع ما اعرف شنو الوضع..
بنين: خاف حامل ولج؟
زينة: لا يا معودة ما بيه شي
سكتت عنها لان مالي خلك احاجيها.
التهينا نسوي عشا ومشه الوقت عادي ما ابي اي حدث.
~بعد مرور أسبوعين~
(نسر)
تحسنت حالتي وصرت كلش زين
حبي ولهفتي على زينة دا تزيد يوم بعد يوم وهي جاي تميل الي تحب تشم عطري ما اعرف شنو سبب تصرفاتها مرات الكاها لازمه ملابسي وتشم بيهن وهاذ الشي لفت انتباهي.
عكب باجر باذن الله عرس رائد وزهراء وكلش فرحانين الهم والبيت كله فرحان الهم لان اخذت الشخص الي يستحقها والي مستحيل يزعلها بيوم...
(زينة)
مرت هالايام وجانت ايام حلوة ومو حلوة..
ما اعرف شنو سبب لهفتي الي دا تزيد على نسر ودا احب اشتم عطره ما اعرف ما اعرف يعني احس اكو شي بس شنو اني ظليت ساكته على الموضوع وما حجيت الدوخة مستمره ومرات اتقيئ ومرات لا حسب...
كاعده على الجربايه افكر شنو البس باجر بحنة زهراء دخل نسر
نسر: شنو عندك صافن يا حلو؟
زينة: هيج بس دافكر شلبس باجر
نسر: شنو تلبس انت حلو
زينة: ادري ادري رجاءً ادري
نسر: ها ولك حمدناك
ابتسمت وبقيت ساكته ومن صدك شارده وافكر شنو البس حجه
نسر: شنو رأيك نروح للسوك العصر
زينة: كول والله
نسر: والله
أنت تقرأ
احفاد الـحمدان
Misterio / Suspensoفي أحَدِ البُيوت العِراقية تحديداً في مُحافَظةِ بَغداد هُنالِكَ عائلةٌ صَغيرة ، مَليئةٌ بِالحَنانِ والحُب والسَعادة ... لَكِن لَم تَدُم هَذهِ السَعادةَ للأبد ! عالمٌ مَجهول (شُبه مُخيف) لَكِن بَعد الكُرهِ والحِقد هُنالِك مَحبَةٌ تَسكُنُ القَلب...
