بسنت بتوتر : ااا اانا مقولتش كده
كريم بهمس : كدابه
بسنت : ...
كريم : قولتي يا بسنت كده بحرف ومستعد اسمعك باقي الكلام تاني وتالت كمان
بسنت بغيظ : يعني حضرتك عامل فيها ميت وانت صاحي وسمعني كمان وانا اللي كنت هموت من القلق عليك
كريم بابتسامه كبيره : والنبي كنتي هتموتي من القلق عليا
بسنت : يابني اتكلم جد شويه بقا بجد كلنا كنا قلقانين وصحبك كان هيحصله حاجه
كريم بحب : فكك من صحبي انتي ايه انتي كنتي قلقانه ولا
بسنت بخبث : طبعا كنت قلقانه
كريم بلهفه : بجد طب ليه
بسنت ببرود : افرض كان حصلك حاجه اتكلت علي الله مثلا والعيال اللي ضربوك خلعوا مين اللي كان هيلبس فيها انا طبعا
كريم بتعجب : كنتي قلقانه بسبب كده
بسنت بتأكيد : طبعا اومال هكون قلقانه بسبب ايه
اتعصب كريم جداا وضغط جامد علي أيدها من العصبيه
كريم بحده : تصدقي بالله انا فعلا زهقت وقربت اقفل منك بسبب تصرفاتك وكلامك اللي زي السم اللي بتقوليه ليا ده
بسنت سحبت ايدها من الوجع وقالت بحزن : تقفل مني
كريم : ايه زعلانه _ زعلانه اني هقفل منك واللي بتعمليه معايا ده ايه انا مش فاهم ليه بتكرهيني فيكي مع انك متاكده اني بحبك بجد ومستعد فعلا اموت زي ماكنت هموت من شويه عشانك
بسنت بتهنيده : خايفه يا كريم _ خايفه اتعلق بيك
كريم : وخايفه تتعلقي بيا ليه مانا متنيل متعلق بيكي انا كمان ولا هو حلو ليا وليكي لا _ ازاي اصلا هيكون فيه زفت علاقه واحنا مش متنيلين متعلقين ببعض
بسنت الدموع اتجمعت في عيونها وبصت في الأرض وعيطت وكريم استغرب من عياطها
كريم بقلق : يابسنت بتعيطي ليه دلوقتي وربنا انا اللي المفروض اعيط
بسنت عيطت اكتر بصوت مسموع وهو قلق عليها اكتر
كريم : يابنتي ردي عليا ليه كل ده طيب انا قولت حاجه تضايقك لدرجدي
بسنت بدموع : انت مقولتش حاجه تضيقني بس مقولتش حاجه غلط المفروض اننا نتعلق ببعض بس اعمل ايه مش عارفه انا فعلا ابتديت اتعلق بيك بس بلاقي نفسي بعدها ببعض مش هقدر اكون معاك عشان خايفه ومتسالنيش عن القلق ده ليه وسببه ايه
كريم : مش هسالك بالعكس أنا عاوزك تطمني ليا بس
بسنت : انا بحاول بس والله مش ب ايدي انا توقعت انك هتستحملني وتكون فاهم أنه مش ب ايدي فعلا مش هتزهق
كريم بصدمه: ازهق ايه يابت انتي انا لسه مضروب عشانك من شويه ايه الناس اللي بتنسي بسرعه دي
بسنت ضحكت وهو ابتسام وقالها : انا راضي ومستحمل بس سلميني مفتاح قلبك بجد وسيبي الباقي عليا
بسنت ابتسمت وقالتله : هسلمك قلبي وربنا يستر
دخلوا عليهم آمن وليله ومصطفي
مصطفي بهدوء : ايه اخبارك دلوقتي
كريم باحترام : انا كويس يا استاذ مصطفي
مصطفي بهزار : انتي هتقولي انت كمان استاذ مصطفي خلاص احنا هنبقا أهل ولا ايه
ابتسم كريم وبص لبسنت وهي وشها في الأرض من الاحراج وقال بتمني : يارب اتمني جداا
كلهم اطمنوا عليه والدكتور بلغهم أنه هيخرج بكره وبسنت طلبت من الدكتور أنها تباشر حالته وتروح بكره بدل دلوقتي ووافق وليله وآمن ومصطفي سلموا عليهم ومشيوا
خرجوا من المستشفى وكانت الساعه وصلت ٦ الصبح
مصطفي : انت تمام يا آمن محتاج حاجه
آمن : شكرا يا مصطفي انا يدوب اروح ارتاح وهاخد اجازه عشان كريم يعني عشان مروح بكره وكده مش هعرف اسيبه يروح لوحده
ليله : تمام وانا كمان نتقابل باذن الله في المستشفى عشان يخرج معانا
آمن بتهكم : لا متشكرين _ عن اذنكوا
آمن سابهم وركب عربيته ومشي وليله واقفه مصدومه من رده
مصطفي : معلش هو لسه مضايق عشان صحبه
ليله بحده : وانا مالي يعمل معايا كده ليه
مصطفي بهدوء : مالك انك دلوقتي حبيبته وكلها كام يوم وهتبقي مراته وواجب عليكي تستحملي موده وعصبيته دول وزعله علي صحبه وتقفي كمان جمبه
ليله هزت راسها : تمام باذن الله بكره اروح لكريم لوحدي وربنا يستر بقا
كله روح ارتاح وبسنت طول الوقت جمب كريم وبتهتم بيه وهو مبسوط من قربها منه عدي الوقت وليله راحت لكريم قبل آمن خبطت علي الباب ودخلت
ليله ب ابتسامه : صباح الخير يا استاذ كريم يا قالق الناس كلها عليك
كريم بضحك : صباح الفل يا ليله بجد زيارتك دي كبيره اوي عندي
ليله بغمز : متقولش كده انت اقرب واحد ل آمن واخويا الكبير وقريبا جوز اختي
كريم بفرحه : يارب يا ليله يارب
اتكسفت بسنت وقالت : انا هروح اغير هدومي يدوب هو قرب يطلع
كريم بغمز : انت براحتك يا قمر
خرجت بسنت وليله ضحكت جامد وقالت : علي فكره انت اللي بتكسفها وعشان كده بتبعد عنك
كريم بحب : اعمل ايه طيب بحبها
ليله ب ابتسامه : هي كمان بتحبك بس محتاجه شويه وقت
كريم بتسأول : ممكن اسالك سؤال بما انك بنت خالتها وقريبه منها يعني
ليله : اه طبعا اتفضل
كريم : امبارح بسنت شبه اعترفت ليا بحبها وقت ما وقعت وانا سمعتها ولما وجهتها قالت اي كلام ولما ضغطت عليها في الكلام عيطت وقالت إنها فعلا اتعلقت بيا بس مش عاوزه تتعلق ورافضه تقول السبب أو بمعني اصح قالت مش عارفه ليه _ انتي بقا عارفه ليه بتعمل كده
ليله بحزن : اه يا كريم عارفه _ كريم بصلها ب اهتمام وليله كملت : بسبب ابوها _ ابوها الله يرحمه كان مريض بس مع ذلك كان كويس مش هقولك يعني راقد في السرير بالعكس كان يدخل المستشفى ويخرج علي رجله وكويس وفجاءه في يوم قام من النوم كان كويس ونازل شغله وقع في الشارع وراح علي المستشفي وعارفنا أنه اتوفي وللاسف انا اللي كنت مع خالتوا وانا اللي بلغتها ب الخبر
كريم بحزن : انتي يا ليله طيب هي عملت ايه او كان الوضع ايه
ليله بدموع لما افتكرت اللي حصل : نزلت وقعت علي ركبتها من الصدمه ومنزلتش ولا دمعه واحده وفضلت ساكته وكتمه الوجع والعياط جواها كلنا كنا بنعيط حتي امها واختها وأخوها هي لا كانت ساكته سرحانه تايه مش معانا كنت انام جمبها تقوم مفزوعه وكأنها في حلم اقولها خرجي اللي جواكي تقولي انها كويسه ولحد الان هي مخرجتش اللي جواها _ فهمت حاجه فهمت اقصد ايه
كريم بحزن : فهمت يا ليله بسنت لسه في حاله صدمه وعشان كده خايفه تقرب مني وتتعلق انا كمان اروح منها فجاءه
ليله : بظبط عشان كده انا اللي بقولك لو بتحبها بجد اصبر عليها لو بتحبها بجد استحمل واعمل كل اللي في ايدك عشان تبقوا سوا وانا متاكده أنها هي كمان بتحبك وباذن الله كل حاجه هتبقي تمام
كريم بحب : انا مش عارف اقولك ايه ليله حقيقي انتي اجدع واحسن اخت في الدنيا
آمن بسخرية وغيره : لا يا شيخ وايه كمان يا حنين
كريم بهزار : واحسن مرات اخ كمان احسن نضرب _ عارف انت بجد محظوظ ب ليله
آمن بضيق : ما خلاص يا عم انت هو فرح عرفنا
ليله لاحظت غيرته وابتسمت وهو بص ليها بغيظ : مالك ياختي مبسوطه اوي كده عجبك المحن ده
ليله بمغزي : اووي يا مون انت بجد معاك صاحب يجنن
آمن اتغاظ اكتر وقام وسحبها من أيدها لبره وقابل بسنت ومشي وسابها وهي استغربت دخلت علي كريم وقالت : ماله ده وساحب ليله كده ليه
كريم بشوق : لا ده كلام كبار المهم انتي كنتي فين وحشتني اوي
بسنت بتوتر : كنت بلبس معلش اتاخرت عليك
كريم بحب : متتاخريش عليا تاني عشان بحبك اوي وانتي وحشتني اوي
في جامعه نورين
نورين واقفه مع زمليها قرب منها شاب زميل ليها في المدرج وقالها بلهفه : الا صحيح يا نورين فين دبلتك
نورين بتوتر : موجوده بس تقريبا نسيتها وانا في الحمام الصبح
الشاب : بجد ده اللي حصل ولا فركشتي
نورين ب استغراب : فركشت ولا انا مش فاهمه هيفرق معاك في ايه
الشاب بتاكيد : مادم قولتي كده يبقا فركشتي
نورين بعصبية : وانت مالك يا اخي
الشاب : لا انا بسالك بس عشان بس كنت عاوز اقولك اني
فجاء لاقي اللي مسكه من رقبته بالقوه وبيقول : انت ايه بقا يا عم النحنوح
نورين بصدمه : زياد انت بتعمل ايه هنا
ونكمل البارت اللي جاي
