بص آمن ل محمد وقال : عمي استأذنك ممكن اخد ليله شويه انا عارف ان الامور اتصلحت بس محتاج اتكلم معاها وبعد اذن حضرتك اخدها تنقي فستان كتب كتابنا
محمد بحب : ماشي يا سيدي طبعا مين قدك اتفضل
ضحكت ليله وبصت ل آمن بحب : يلااا
آمن مسك ايديها : يلا يا ليلتي
خرجوا الاتنين سوا وركبوا العربيه والكل بيدعيلهم بحب
...
عند رامي
رامي بعصيبه : غريبه لحد الان مفيش رد فعل معقوله تكون الصور مأثرتش ولا عملت اي مشكله بينهم
دخل عليه يحيي وهو ساكت وبيتفرج عليه وهو بيكلم نفسه
رامي : ايه واقف ساكت ليه هتفضل بتصورني كتير
يحيي : لا ابداا انا بس شمتان فيك
رامي : يحيي صدقني مش ناقصك خااالص
يحيي : لا والله ناقصني ووقتي كمان انا بس في سؤال مجنني هو انت كنت متوقع ايه ؟؟
رامي : يعني ايه
يحيي بخبث : يعني متوقع أن خطيبها هيكون زيك
رامي بزعيق : ايه زيي دي انت اتهبلت
يحيي : والله يابني انت اللي الاهبل زيك يا رامي عيل يعني .. بص لو فاكر أنه هيسيبها عشان شويه صور متفبركه لا يا اخويا فوق لنفسك هو راجل بجد وانا وانت عارفين ليله كويس بنت اي راجل في الدنيا دي يتمناها ويتمني بس تكون معاه أن اللي هتفضل طول عمرك ندمان انت ضيعتها من ايدك ومهما عملت مش هتقدر تأذيها عارف ليه عشان هي متستاهلش غير الخير وبس
رامي بجنوون : وديني يايحيي هتشوف .. هتشوف هعمل فيها ايه وهتشوف الخير اللي بجد اللي هيبقا علي ايدي خير هيطلع من نفوخهم هما الاتنين
يحيي بيأس : مووت ياحماار
خرج يحيي من الأوضه وساب رامي وهو سرحان
....
عند ليله وآمن قضوا يومهم بين اماكن كتيره جداا لحد ما اشترواا الفستان والبدله وهما في قمه السعاده وكل واحد فيهم حاسس ان التاني كان هيضيع من أيده وفي آخر اليوم وصل آمن ليله تحت البيت .. قرب آمن من ليله ورفع أيده وباسها وقال بحب : بكره هتبقي مراتي يا ليله
ليله بحب وقلق : انا مش مصدقه يا آمن بكره هبقا ملكك بكره هنحقق حلمنا وهنبقا سوا طول العمر
نزلت راسها وعيطت وآمن بصلها بقلق وقال : مالك يا حبيبي بس انا عملت حاجه تزعلك
ليله بحب : لا بس انا بعيط عشان أنا كنت هخسرك وانا مش مستعده اخسرك مهما يحصل يا آمن
آمن ب ابتسامه : ولا عمرك هتخسريني يا ليله .. يا ليله انتي الوحيده اللي خطفتي قلبي وعقلي الوحيده اللي الاتنين اتفقوا عليها الوحيده اللي شوفتها ام عيالي متردتش للحظه وانا رايح ل ابوكي وانا بطلب نكتب علطول مش خطوبه وصدقيني عمري ما هفرط فيكي تاني حقك عليا يا نور عيني
ليله بحب : حقك انت عليا يا مآمني انا بحبك
آمن : وانا بدمنك يا حرمي المصون
ليله بضحك : لسه علي فكره
آمن بهزار : هتروح مني فين يا جميل
ضحكت ليله وجريت علي البيت وهي حضنه الفستان وطايره من الفرحه خبطت علي الباب واهلها استقبلوها بحب وشافوا الفستان وفرحوا لفرحتها دخلت اوضتها وصليت ودعت ربنا يتمم فرحتهم علي خير ونامت بهدوء ..
ظهر نهار يوم كتب الكتاب وكله مشغول وبيحضر نفسه ليله ونورين وديما وبسنت ومريم في الاوضه وحواليهم اصحابهم وليله بتعمل مكياجها وكله فرحان والاغاني صوتها عالي والزغاريط
وعند الشباب آمن وأصحابه ومصطفى معاهم بيجهزوا وبيرقصوا والكل مبسوط .. عدي الوقت والعربيات وصلت تحت بيت ليله وليله نزلت بفستانها الابيض ومكياجها الهادي اول لما شافها آمن وقف باصص ليها مده كبيره جداا لحد ما قربت منه ولمسته
ليله بهمس : حبيبي .. آمن
آمن بسرحان : هااا
ليله بضحك : انت شربت حاجه ولا ايه
آمن بعشق : لا بس حاسس بدوخه شويه من جمالك ليله انتي جمالك مش طبيعي انتي بجد
ليله بكسوف : ايوه بجد يا حبيبي وبين ايدك وشويه وهبقي مراتك
آمن بحب : هو انا ينفع احضنك
مصطفي بغيظ : حاليا لا يا اخويا ممكن تحضني انا لحد ما نكتب يا نحنوح
آمن وليله فاقوا علي صوت مصطفي والكل بيضحك عليهم
مصطفي بغيظ : ايه ناوين نكتب في الشارع ولا ايه
آمن ب احراج : لا يا درش يلا بينا اركب اركب
مصطفي : اركب يا اخويا قال ينفع احضنك قال
ركبت ليله العربيه وهي بتضحك وآمن جمبها وديمه ومصطفي قدام
آمن بهزار : ينفع امسك ايديها ولا هتضرب
مصطفي : ينفع يا اخويا بس ارفعوا ايديكوا شويه عشان انتو تحت المراقبه
ديما بضحك : يا ساتر عليك شويه وتبقي مراته وابقي قابلني لو عرفت تفتح بؤقك
ضحكوا كلهم وصوت الاغاني عليت وراحوا علي مكان كتب الكتاب
ونكمل البارت اللي جاي ..
