{بِسم الله الࢪحمن الࢪحيم}
عَتمة الشَمسَين
مَشهد 1
_________________________
كاعده وحدي ولامه ࢪجليه لصدري ودموعي تنزل بهدوء وࢪعبه
ضَلام بضَلام ماكو يمي اي نوࢪ للشَمس، عُتمه بعتمه
اجتني من بعيد تتمشي بلضلام هيه وقطتهه السوداء تملك عيون حمراء تشعل نيران
شعرهه طويل نازل على وجهه
عيونهه تشع نار
اضافرهه طويله مُخيفه
ابتسامتهه تُࢪعب
جنيه!!!!!!!
تمشت لناحيتي وخلت وجهه امام وجهي، عينهه صارت بعيني، كمية الࢪعب الي بنضرتهه تكفي توكف كلبي
قربت وجهه عليه اكثر صارت عينهه بعيني وصرخت صرخه من اعماق روحهه حسيت حبالهه الصوتيه تمزقت من قوة صرختهه
فزعت بخوف وصُࢪاخ، تقدمت عليَ بدون سابق انذار جرتني من شعري صرختت صرختت محد سمعني!
فزيت على صريخ احد بجانبي يهز بجسمي ويصرخ
_لججج شبييججج بأسمم الله سلاامم قوولل منن رببب رحيميمم
_ ب ب بابباااااااا
_ياروح بابا اششش كافيي لتبجين كابوس حبيبتي كابوس ماكو شي اني يمج يحيلي
_حضني بابا وغطاني واني جسمي يهتز مثل السعفه
رععب، كلشي حواليه ࢪعب
شوكت ࢪح اخلص من هلࢪعب؟
بعدني صغيره والله البكدي لسه يعيشون طفولتهم
وين طفولتي؟؟
شنو الي عشته منهه؟؟؟
تَحࢪ/ش
تعنيف
اغتصا/ب
خُذلان
عدم امان
خَوف
فقدان
موتمَن اكون؟؟
انا عُتمةُ الشَمسِينِـــــــــــــــــــــــــــــــــــــــــــــــــــــــــــ
طلعت من البيت مكسوره...
محد وياي غير بنتي الصغيره، الجو بارد حيل
كلهه صارت ضدي؟
اخويه طردني؟
حمايه طردني؟
وين اروح؟ منو يستقبلني؟
بقه عدي بس اختي الجبيره اشواق، هيه املي الاخير
خلي اتوكل على الله واروحلهه عسا ولعل تستقبلني وتستقبل بنتي
وصلت لبيتهم واني ادعي تفتح بابهه بوجهنه وماتسوي مثل ماسوو كلهم بينه
فتحتلي الباب،وجهه كله علامات استغراباشواق_شذى! خير شجابج؟
_اشواق بسام طردني اني وبنتي الله يخليج فوتيني يمج بنتي جمدت ممن البرد
_لا عيني ماكدر رجلي عله جيه
كتلهه بأستغراب_وشنو يعني؟؟؟
_لا عيني ࢪجلي يتقيد ميرتاح مياخذ راحتهه
خيبة امل مره اخُرا!!!!
اخويه طردني!!
حمايه طردني!!
اختي ما ستقبلتني!!
زوجي تࢪكني وࢪاح!!
شنو رح يصيرلي بعد؟
طلعت من بيت اختي خاطري مكسور،نكسر خاطري مره تلوّى الاخُرى
ࢪفعت راسهه بنتي عليه وكلتلي_ماما صارت ضلمه بارده
_لتخافين اني يمج ماما
_وين رح نروح ماما؟
_لبيت خاله افراح
افراح املي الاخير بعد ما كسروني كل اهلي
صديقت طفولتي
توجهنه لبيت افراح واني ادعي تستقبلني بس هلليله علاقل بنتي رح تتموت من البردوصلت لبيتهه فتحتلي بابهه وستقبلتني بكل حب واحترام
حجيتلهه السالفه من البدايهافراح_حسبي الله ونعم الوكيل بيهم كلهم من جبيرهم لصغيرهم الله ليوفقهم يارب، معليج بيهم داده لتبجين مسحي دميعاتج العين اوسعلج من البيت محد يمي ابني وبنتي صغار ورجلي متأسر ابقي يمي تدرين معزتج شكبرهه يمي عين غطه وعين فراش
شذى_حبيبتي ام احمد تسلمين متقصرين وكفتج وياي ما أنساهه احسن من خواني من امي وابويه
افراح_يا داده شجاج تحجين صدك اذا ماستقبلج استقبل منو ابطن عيني انتي وبنيتج، دركومي سبحي المي دافي ونطيني ملابسج انشفهن الج ونطيج ملابس مني وسبحي بنيتج خلجيبلهه ملابس من رؤيا
شذى_افضالج هاي ما انساهه ما اعرف بشنو اجازيج
افراح_صدك جذب شذى اني الي ما انسه افضالج عليه ممنوتلج ليوم الدين
شذى_كمت سبحيت بنتي وبدلتلهه من ملابس رؤيا بنت افراح وهيه بس تسئل
ماما شوكت نرجع لبيتنه
ماما يعني بعد ماشوف خواتي
ماما هسه رؤيا واحمد صارو اخواني
وجعت راسي كد متسئل
مشطتلهه شعرهه ونامت من التعب مسكينه، صاحتني افراحافراح_ولج شذيوه نزلي خلناكل كعك وجاي هذه كعك جديد تعاي
شذى_جايتج داده جايتج
نزلت جوه هستونه ناكل ونسولف ندكت الباب بقوهه رجت البيت رج
افراح_ششششذذى للجج احممدد...
للحكايه بقيه
أنت تقرأ
عَتمة الشَمسَين
Misterio / Suspensoࢪعب جن تَحࢪ/ش اغتصا/ب حب تعنيف خذلان خيانه فقدان موت خيبة امل عُتمه واجهت كل هذه المصاعب في حياتي او الاصح في طفولتي ومازلت اواجه الاصعب _من تكونين انتِ لتواجهي كل هذا؟؟ _انا شَمس لكني عُتمتها انا نور لكنهم قاموا بأطفائي انا حنان لكنهم اقسوني من ا...