"Penny! Paadtuon daw ka ni ma'am Flor sa office." ana si Jonah sa akoa. Nitando ra ko ug nagsugod na ug baktas padulong sa office.
"Good afternoon teachers." paggreet nako sa mga teachers diri sa office.
"Ali Pen." ana si ma'am Flor.
"Gipaanhi daw ko nimo ma'am?"
"Ay o, naa man gud mi meeting this afternoon. Magstart na a few minutes from now. Dili ko kasulod sa klase karong hapon. Ang gusto nakong himuon nimo kay itutor imong mga classmate. Especially sa spelling, daghan pa kaayog maglisod. Naa koy dictionary didto sa akong table pwede ra ka didto manguha ug ipaspelling sa ilaha." Nitando ra ko samtang nag-explain si ma'am sa akong mga buhaton.
"Pagpatabang nalang pud sa mga classroom officers kung magpabadlong ang imong mga classmate. Ilista ang sabaan ha? unya don't forget to check the attendance."
"Yes po ma'am." tubag nako.
"Thank you Pen. Kung magtime na, pwede namo manguli."
President man gud ko sa classroom maong dapat responsable gyud ko diring dapita. Pag wala ang teacher, automatic ako dayon ang student teacher.
Nibaklay nako pabalik sa classroom. Hastang sabaa sa akong mga classmate pag-abot nako mura mig naa sa bilibid.
"Guys paminaw! Naay meeting ang mga teachers karong hapon. Meaning, dili sila kasulod sa klase-"
"Yes! Wa juy klase! Manguli na ta bai!" pagputol ni Jun-jun sa akong istorya.
"Wa pa ko nahuman Jun." ana ko.
"Ay." nikatol dayon sya sa iyang ulo.
"Kailangan daw mo magpractice ug spelling kay daghan pa daw kaayo ang dili kabalo."
"Grace palihug kog check sa attendance, please." gilibatan ra ko niya unya nikuha na siya ug papel sa iyang bag para sa attendance. Niginhawa ko'g lalom unya nagsugod na ug paspelling sa ilaha.
"Sige idictate nako ang words ha unya icheck ninyo diha kung tama ba ang spelling." nitando pud dayon sila. Nagsugod nako ug dictate sa tama nga mga spelling sa words.
"Number 15 na, paminaw sa!" badlong nako kay napansin nako nga naglalis na ang mga laki sa luyo.
"Unsa may problema diha?" pangutana nako sa ilaha.
"Si Julio oh ipaglaban jud niya iyang spelling sa bouquet nga kaklaro anang mali!" ana si Ryler.
"Tama man jud akong spelling sa bouquet oh pustahanay pa ta!" depensa pud dayon ni Julio.
"Sige kung mali ko, libreha kog ice candy didto sa kanto unya." tubag na pud ni Ryler.
Niduol ko nila ug gilantaw nako ang papel ni Julio.
"Julio, mali imong spelling sa bouquet. Q-U-E-T dapat ang last dili Q-E-Y" correction nako sa iyaha.
"Kuyawa ana bai oy bouqey HAHAHAHAHA" sungog ni boboy.
Nilingi ko ni Julio kay wala man siya nitingog. Nagtutok ra siya nako unya naghinay-hinay ug ngisi.
"Oo mali nako." ana siya sabay tando-tando.
Gilikay dayon nako akong tan-aw sa iyaha. Unya nag ubo-ubo dayon silang Joren ug Jacob.
"Diha gyud ta pilde bai." ana si Jacob sabay tapik sa abaga ni Julio.
"Librehon gyud mi nimo Julio ha" ana si Ryler. Ningisi ra si Julio sa ilaha.
Nibalik nako sa atubangan ug gikolekta ilang mga papel.
Nagring na pud ang bell maong gipagawas na pud nako sila.
"Sunduon ka sa imong papa Pen?" pangutana ni Mae.
