Nagpadayon gihapon mig text² ni Julio hangtod sa makatulog nalang kog hinulat sa iyang reply. Usahay mahutdan pa jud na syag load nya mupaload pa sa tindahan gabiing dako.
Naa puy mga panahon nga manawag na sya. Sa panahong manawag sya, mutago jud ko. Kung dili sa kwarto, mangita kog lugar nga walay tao ug walay makadungog sa among istoryahan. Usahay didto ko dapit sa among plantation sa mangga unahan gamay sa likod sa among balay.
Pagsugod niyag panawag, maulaw pa ko mutingog. Kadugayan, naanad na ko. Komportable kaayo sya kaistorya mao nang ganahan ko musulti sa akong mga problema sa iyaha. Sa eskwela man o sa pamilya. First time nako nga naay kashare-an sa akong mga problema.
Hawd pud kaayo na sya mutambag. Pareha anang dili daw nako pasobraan ang magstudy ibalance daw ang pagtuon ug pag-enjoy sa imong pagkabata. Kung about pud sa pamilya, maminaw sa ginikanan, respetuhon sila, ug panggaon sila.
Daghan kog natun-an sa iyaha. Nisaad na pud sya nga kung kanus-a na ko pwede panguyaban, manguyab daw sya.
Niuso ang facebook ug mao na sad ang gikabuangan sa tanan. Gitudluan ko nilang Thea unsaon paghimo ug account.
"O mao na na Pen, mana'g himo imong account."
"Anaon ra diay?"
"Oo gitudluan ko ni mama unsaon aron dali ra mi makacommunicate samtang naa sya sa abroad." tubag ni Thea.
Lunch na namo ug sabay mi mukaon nilang Julio. Gihirman niya akong cellphone kay mag picture² daw sila sa J squad.
"Nara Pen oh." gidunol ni Julio sa ako akong cellphone pagkahuman nila.
"Naa akong picture dira, papasa unya ko kay akong iprofile sa facebook." ana sya nako ug ni kidhat.
Gitan-aw nako sa gallery ang iyang giingon nga picture. Gwapo kaayo sya dri. Nakatakild gamay iyang ulo sa wala ug tam-is kaayo iyang smile. Ako dayong giset to nga picture as wallpaper.
Hapit na ang Science month ug gipaandam na ko sa among adviser kay ilaban ko sa quiz bee sa district level. Every year ako gyud na ang permi mapilaan nga ilaban didto.
Gitagaan na ko daan sa akong adviser ug science book nga pareha kabaga sa dictionary ug isa pa ka science book nga tama² ra kabaga. Reviewhon na daw nakog sugod sa balay nga ako ra ug mureview pud daw akong adviser pag naa sa school.
Hapit na pud akong birthday ug nangandam na silang tanan sa balay para sa celebration. Manganhi daw tanan among kaliwat maong mahimo na pud nga murag family reunion.
Pag-abot nako sa balay, nipahuway sa kog kadali ug nagtimo. Nagsabay gihapon ming Julio pauli ug siya ang nagbit-bit sa akong bag nga naay bug-at kaayo nga libro.
Dili sa daw sya magtext sa akoa kay magstudy daw ko. Pero ug mahuman na daw, ako lang daw una mutext sa iyaha.
Samtang nagkaon ko sa akong timo, nag-open ko sa akong facebook account. Walay picture akong profile maong nadesisyonan nako nga iprofile tung picture ni Julio. Wala man nuon koy friend nga kaliwat or unsa, puros ra classmates tanan.
After nako maprofile ang picture ni Julio nicomment dayon akong mga classmate ug gisungog mi. Nicomment pud si Julio didto nga gusto pud daw unta ko niya iprofile pero wala pa daw syay tarong picture nako. Gipasa na sad nako kay Julio sa messenger iyang picture.
After nako magtimo, nagreview dayon ko para sa quiz bee. Halos 2 hours ko nga nireview. Niundang lang ko kay nalipong nakog binasa.
Nadesisyonan nako nga itext si Julio ug mangumusta.
To: Julio♡
Hi. Nag-unsa ka?
Dugay sya nireply maong niidlip sa ko kadali. Nakamata ko'g mga 7 kay manihapon na. Giopen nako akong cellphone ug nabasa nako didto ang reply ni Julio.
