Nagpaenroll nako sa High School ug sa section A ko nabelong. Wala koy kaila kay wala koy naclassmate nga classmate nako pag-elementary. Akong uban classmate kay naa sa lower sections. Ang uban sad kay sa laing school naghigh school.
First day of school ulaw jud kaayo. Lahi ra jud pag elementary. Feeling pa gyud nako akoy kinabugoan diri. Akong mga classmate kay mga bright ug competitive kaayo. Karon pako nakaexperience nga wala jud koy pataas-taas ug kamot.
Maygani mga friendly akong mga nakatapad. Sila Ingrid, Bianca, Shenaiah, ug Trixie. Sila akong nabarkada. Mahinumduman nako silang Thea ug Mae sa ilaha. Ug classmate diay mi ni Jessica. Medyo ilap siya sa akoa pero okay ra man mi, magtagdanay man. Akoa siyang ginaencourage nga mukuyog sa among grupo aron sila siya maleft out.
Si Thea kay naa sa lahi nga section while si Mae kay naa sa lahi nga eskwelahan.
Naglisod jud kog adjust pero naningkamot gihapon ko nga dagko kog grado.
Si Julio? same school man daw gihapon mi nag-eskwela pero wala na jud ko kita niya sukad nigraduate kog elementary. Wala na sad mi contact.
"Terror kaayo ni si sir Adrian ba. Mura ma'g mukao'g tawo!" yawyaw ni Trixie.
"Bitaw, isog kaayo sa mga babae pero paduding dayon basta mga lalaki." nanglibat dayon si Bianca.
Napansin pud nako. Gay among teacher sa isa kasubject. Isog jud kaayo siya pero sa mga babae ra sad. Lambing kaayo sya sa mga classmate namo nga lalaki.
"Kani si Robert ba kay naibog jud ni nimo. Sige'g anhi diri sa room sige'g pangita nimo." sulti ni Ingrid.
Si Robert kay tagalower section siya nga sige ug anhi diri sa among room sige'g pangita nako. Usahay atngan pud ko niya sa hallway.
"Gwapo man si Robert, pero mas gwapo iyang barkada tung si Julio." ingon pa ni Shanaiah. Nikunot akong agtang sa iyang giingon.
"Kinsa nga Julio?" pangutana nako.
"Katong si Julio ba nga Guevara. Taason nga gwapo." tubag ni Shanaiah.
"Gwapo bitaw to sya, daghan daw kaayog nakacrush ato hasta higher year."
"Mutry out man daw to sila sa basketball, manan-aw ta. Humag klase."
Nitando ra pud ko sa ilaha. Gusto pud ko makakita niya. Dugay na pud mi wala nagkita.
Pagkahuman namog klase, nangadto dayon mi sa gym kung asa iheld ang try out sa basketball. Mingaw na ang eskwelahan, pero naa pay nagpabilin mga estudyante, kasagaran babae. Ubay-ubay pud ang mga estudyante nga mutry out.
Pag-abot namo sa gym, nanglingkod dayon mi sa bleachers. Nanglingi pa ang uban nga mutry out sa amoa. Gipangita dayon nako si Julio didto, daghan man gud pare-pareho ang color sa jersey.
Nakit-an nako sya naa sa daplin nagtarong sa iyang liston. Gitutukan nako syag taman kay pila pud mi kabulan wala nagkita. Gimingaw nako niya.
Pagkahuman niya'g tarong sa iyang liston kay nitindog na sya ug nagsugod na ilang try out.
Gwapo jud kaayo sya tan-awon basta mudula ug basketball. Hawd pa jud.
Nabalhin akong panan-aw sa akong pulso kung asa ang bracelet nga hinatag ni Julio. Wala gihapon nako gihubo akoa. Gitan-aw nako kung gisuot pud ba niya ang iyaha, pero wala koy nakit-an. Iya lang sigurong gihubo kay sagabal man inag dula nila.
Naa koy nadunggan nga mga babae nga perting hagikgik nagtan-aw sa mga nagtry out. Mura sila'g di mahimutang sa kakilig. Pero kung imoha jud silang tan-awon, si Julio jud ilang punterya. Mga higher year na man ni.
"Go Julio!" nilingi si Julio sa nisinggit nga mga babae ug nismile. Nagpadayon na ug dula si Julio.
"Diba taga inyoha mana Pen?" pangutana ni Bianca. Namukhaan daw niya ang babae kay ilado man daw. Yes, kaila ko sa babae, same barangay ra mi unya didto pud na siya sa akong dati nga school nigraduate. Ig-agaw ni Grace.
"Oo taga amoa na. Si Vicky." Tubag nako.
"Sikat gud na siya grade 8 naman yata na. Section A sad, bright daw kaayo."
Bright jud na siya. Siya ang valedictorian sa ilang batch pag elementary.
Nagpadayon ilang try outs ug nagpadayon pud ug cheer ang ig-agaw ni Grace ug iyang mga barkada.
Nahuman ilang try outs ug niduol dayon ang mga babae sa mga players. Specifically kay Julio. Nagpaabot ko nga mulingi siya sa among side kay imposible nga wala siya kita namo nga maihap ra man ang tao diri sa gym.
Pero wala siya nilingi.
"Uy! Hi Penelope!" Naagaw ang atensyon sa tanan sa kalit nga syagit ni Robert. Nanglingi ang players sa amoa apil na siya. Nitan-aw ra siya kadali, unya nibaling na sa mga babae.
Nagkinantyaway ang mga players sa kalit nga tawag ni Robert sa akoa. Pero nalain jud ko, mura ra mag di mi kaila.
"Mouli nata." Giingnan nako sila ug nitindog.
"Ha? Naa na imong sundo?" Pangutana ni Trixie.
"Sa gawas nalang maghulat." Tubag nako.
"O sige." Nanindog na sila aron makalakaw nami. Nahagip nako si Jessica nga nagtutok sa akoa nga murag nalooy. Wala ra nako siya gipansin.
After atong try outs, nagsige na ug training ang mga basketball players after class. Pero wala nami nanan-aw. Gusto unta nila Bianca, pero dili man ko mukuyog. Magpalusot ra ko nga kuhaon dayon ko ni papa.
"Diri ra ko maghulat." Ana ko after namo maabot sa may waiting shed kung asa ko nagahulat sa akong sundo.
"Sige, ikaw Jess"
"Diri nalang sad ko naa pa koy paliton, mamasahe ra man ko." Tubag ni Jessica.
Nagtapad mi ni Jessica sa waiting shed nga walay tingganay. Hangtod sa siya ang niunag tingog.
"Nag-away mo?"
"Ha? Ni kinsa man?" Paatik-atik ko nga walay clue.
"Ni Julio gud." Tubag niya.
"Wala man. Nganong mag-away man mi?" Nikatawa ko sa iyaha.
"Diba MU man mo?"
"Ha? Unsay MU? Kabata pa nato MU² nata. Mapatyan jud kong mama." Gikataw-an ra nako siya pero walay reaksyon iyang nawong. Nahilom mi kadali kay wala dayon siya nisumpay.
"Lain kaayo siya noh? Dili na managad. Murag wala nagclassmate." Ingon niya. Wala ko nakatingog.
"Mouli nako 5 pasado na." Mao ra iyang ingon ug nibaklay na siya paingon sa terminal.
