عَـوْضَ آلـ لـهَـيـفْ

الأقحِـوان الـثَــانـي-12-

ِقلمي أنا الكاتبه.
بَـنـِيـن ألـ سَـلمـان🦋❤️‍🔥
الباقيات الصالحات:
سبحان ﷲ، الحمدُللّٰه، ولا أله ألا ﷲ، اللّٰهُ أكبـر..
الأقحِوان♡12♡

لاتنسون الأعجاب والتعليق بين الفقرات+مُتابعة للحساب، فضلاً🤍

متبرىة من ذنوبكم🤍

بسم ﷲ الرحمٰـن الرحـيـم..

◆◇◆◇◆◇◆◇◆◇
مَـن الـبَـارت السَـابـق:

صوت ضحكه تغلغل لمسامعي وهَسهس بِـفَـحيـح
-: نقطة ضعفك راح تصير بيدنه ابو لُبدة....
....

تجمدت من كلماته وحسيت نفسي دمرت كُلشي خطّله لُبيب

سديته واني ارجف اتصلت ؏ لُبيب اكثر من عشر مرات بس ميرد غلقته لعله ميكدر يوصل شيء

صرت اروح وارجع بمكاني من التوتر أحس نفسي سخنت منتظره لُبيب اتذكرت جهازي بلجنطه رحت ركض طلعته وچان مابي شحن خليته ؏ الشحن وكلماته تدور براسي

ضَليت ؏ هاذ الحال من الظهر لليل صليت وكملت ابچي وادعي ربِ يبعدهم

صارت الساعه 2بليل ولُبيب ماكو فتحت جهازه لگيت أكثر من 30اتصال ورسائل كومه منَ

اتصلت علي فتح بسُرعه وتكَلم بصوت تعبان بخوف-: بيچ شيء موتي حيلي؟

رَديت واني ابچي-؛ لُبيب وينك ليش مأجيت؟

-: صار عندي شيء ومَكدرت اجي ليش اتصل. متردين؟؟

فكرت اذا اكُله هسه وهو مبين تعبان أكيد مراح يسكت ويسوي شيء وبلأخر يتأذى بسببي

أقحُوان-: شوكت تجي؟

-: باچر ابوي الصبح انه يمچ ... ديربالچ ؏ نفسچ وقفلي الأبواب زين وايي شيء يصير حاچيني

اقحُوان -؛ تمام.. مع السلامه

سديته من عنده واني گلبي نارر ضَليت للفجر كاعده أذن صليت وتوي داريد أنام بلصاله لأنو خايفه سمعت صوت الباب ينفتح سويت نفسي نايمه وگلبي صوت نبضاته تنسمع من الخوف

دخل للغرفه وسمعت صوته-: اهخخ يايمه

كمت بخفه ورحت أشوف شبي لگيت نفس الصوره بأيده وكاعد بلكاع منتچي ؏ السرير بس ميكدر يشوفني لأن كاعد يم النهايه مالته

صفن عليها شويه وصار يحچي وياها

-:تعبان يمه ابنچ تعبان ليش عفتيني والله مو زعلان عليچ بس ارجعيلي خلي راسي بحضنچ كوليلي كلامچ ليطمن ليش هيچ رحتي وعذبتيني

صار، يبچي ويحچي بهستريه رحت اله بسُرعه

-: لُبيب خلص كافي راحت لمكان افضل