بحر العشق (الجزء الثاني من لهيب انتقام الملكه)

الجزء الرابع والعشرين

ليث(الجوكر) بغضب.هو انتي ليه مصره علي الاسم ده

ملك بهدوء.علشان انا لحد دلوقتي شايفك ليث الود اللي انا ربيته علي ايدي وعمري ما هشوفك حاجه غير كده يا ليث حتي لو بقيت ايه
ينظر إليها ليث وياخذ نفس عميق وينظر أمامه ويقول ببرود وهو يشرف نفس من السجاره.هتعملي ايه في اللي جاي
ملك وهي ترفع كتفها.مش عارفه
ينظر إليها ويقول.ازاي مش عارفه انتي المفروض تنهي كل المهزلة اللي بتحصل دي
تنظر إليه ملك وتقول بابتسامة باردة.بس انا مش عاوزه حاجه تنتهي عاوزه اسبهم زي ما هما يقعدوا يفكروا في اللي عملوا وانهم ناجحين وبعد كده ادخلهم انا وكمان في هدف من ده علشان كده هسيب كل حاجه تمشي زي ما هي ولا كانه في حاجة حصلت وانت كمان راجع كل حاجه زي ما كانت ومش عاوزه حد يحس بحاجة فهمني يا جوكر
اومأل لها وقال.تمام يا ملكه هعمل اللي انتي عايزاه
تنظر إليه ملك بترقب وتقول.ليه حاسه انك عامل مصيبه او بتخطط تعملها
ينظر إليها ليث ببرود ويقول وهو ياخذ اخر نفس من السجاره ويرمها.مش ضروري كل اللي تحاس به يطلع صح يا ملكه
ملك ببرود.كده انا أتأكدت انك عامل مصيبه قول عامل ايه يا جوكر واخلص علشان مش هصدق انك مش عامل حاجه
يأتي الجوكر ان يتحدث لاكن يدق هاتف ملك تمسكه تره فهد تنظر إليه وتفتح علي فهد وتضعه علي مكبرة الصوت ويقول فهد.انتي فين يا ملك وايه اللي خليكي تطلعي من البيت في وقت زي ده
تنظر ملك الي ليث وتقول.طلعت علشان اشم هواه يا فهد شويه كده وهرجع
فهد ببرود.ملك انتي فين
ملك بهدوء.انا راجعه دلوقتي يا فهد سلام علشان هسوق العربية
ينفخ فهد ويقول.تمام يا ملك سلام
ويغلق الهاتف يبتسم ليث بستخريه.كل مره لازم تكدبي عليه
تتنهد ملك بقوه وتقول.اومال اعمل ايه انت محدش يعرف عنك حاجة ولا انت عاوز حد يعرف حاجه علشان كده لازم اكدب ومنك لله بقي يلا انا همشي احسن ما الراجل يطلقني نتكلم بعدين
اومأل لها الجوكر تعطي ملك الهاتف الخاص به وتذهب الي الخارج يذهب هو الي السور وينظر إليها وهي تذهب ويأخذ نفس عميق ويخرج هو اخر من المبني

تدخل القصر تره الجميع يجلسون في غرفة المعيشة يقول فهد وهو بذهب اليها.كنتي فين يا ملك وازاي تطلعي من غير ما حد يعرف كده
تضمه ملك وتقول.كنت مخنوقه اوي وطلعت شويه ومشفتش حد هنا علشان كده طلعت ومحدش شافني
يضمها فهد وهو يعلم بانها لا تقول الحقيقة يقول مالك ببرود.هات شجره واتنين ليمون هنا يا ابني
تخرج ملك من الاحضان فهد وتنظر إلي مالك وتقول.اسكت انت علشان انا جيت أخري منك
مالك برفعة حاجبه.وانا علمتك ايه دلوقتي الحق عليا عاوز اعملكم جو حلوه ومناسب لرمانسه بتاعكم دي
تنظر إليه ملك بغيظ شديد وتأتي ان تذهب لاكن نهض ومسك يدها وقال وهو ينظر إليها.تعالي علشان تاكلي حاجه انا متأكد انك مكلتش انهارده
ملك ببرود.مش عاوزه
مالك وهو يسحبها الي غرفة الطعام.تعالي دلوقتي ونشوف الموضوع ده بعدين
يذهب بها الي غرفة الطعام تره ملك بأن الطعام بجهز ولا احد يتناول منه لتقول.هو انتوا متعشتوش
مالك وهو يجلسها.كونه مستنيك لحد ما تجي يلا اقعدي
تجلس ملك وتنظر إليه يدخلون الجميع وتجلس عشق سريعأ وتبدأ تأكل لتقول ملك.براحه شويه علي نفسك
عشق وفمها ممتلئ.اسكتي يا ملك علشان انا جعانه بسببك
ملك برفعه حاجبه.وبسببي ليه ما كنتي تاكلي واوعي تقولي انك البت المطيعي واللي استنتي امك علي اكل علشان مش هصدق ده
عشق بمرح.والله كنت عاوزه اكلو بس كلهم قولوا انهم مستنيتك وقلت اني لو روحت واكلت هيقولوا عليا معنديش دم علشان كده استنيتك وامري لله
تنظر ملك الي مالك تره ينظر امامه ولا يفعل شيئا تنهض وتضع يدها على اكتفه لينتبه إليها تضع ملك الطعام امامه وتشير اليه بعينها بانه يأكل ييتسم اليها ويبدأ ان ياكل تقول ملك ببرود وهي تجلس.زياد ويوسف عملنا ايه في الشغل يا انس
انس ببرود.اهو ماشي حالهم
زياد بغيظ.لا كتر خيرك يا خويا ماشين ايه انس انت ناقص تجيب صباره وتتفينا يا راجل حرام عليك ده انا مش لاقي وقت استحم وبقلي يومين بنفس الهدوم دي
عشق بمرح.وانا بقول ايه الريحه المعفنه دي طلعت منك انت
ينظر إليها زياد بغيظ شديد ويقول.انتي مبقيش اختي خلاص انا متبري منك يا عشق
عشق بحزن متصنع.لا يا زياد معقول بعد ده كله تقول كده يا وطي يا قليل اصل ده انت لحم كتفك من خيري يا معفن
ينهض زياد ويقول بردح.لحم كتاف مين يا بت انتي صدقتي نفسك ولا ايه لا ياختي ده انا اللي عملتك وممكن في ثانيه ارجعك لنقطة الصفر تاني فوقي يا ماما لنفسك
تنهض عشق وتقول بغضب.عملت مين يالا انت اخرك تعملها علي نفسك غير كده لا وبعدين مين اللي علي طول تدري علي مصابيك مش انا ولا بعد ده كله تنسي افضلي عليك يا حيوان
كان زياد ان يتحدث لاكن يقول انس ببرود.لو كلب فيهم اتكلم تاني هيطع يبات بره جنب كلاب الحراسه
تضع عشق يدها علي فمها بسرعه فهي تخاف من هذه الكلاب بشدة وتذهب تضمه زياد وتقول.اخويا اللي ليا في الدنيا دي
يضمها زياد ويقول.حبيبتي يا ناس بحبك يا برنسيسه
عشق.وانا كمان ب
قطع كلامها انس الذي سحبها بقوه اليه تنظر إليه وتأتي ان تتحدث لاكن سحبها الي خارج الغرفة ويذهب بها الي الاعلي يقول فهد براحه.الحمدلله خلصني من عشق انس هيقتلها وهنخلاص من الصداع ده
ملك بغيظ.بنتي صداع يا فهد
فهد بغمزه.ايوه يا قلب فهد بنتك صداع هي وابنك ده
قال هذا وهو يشير إلى زياد ويكمل.وان شاء الله انس هيقلته هو كمان وهخلاص منهم كلهم
تنظر إليه ملك بغيظ وتنهض تذهب الى غرفتها ينهض مالك ويذهب إلى خارج القصر ينظر خلفه فهد ويتنهد بقوه ويتركه فهو يعلم بانه اذا ما فعل لا يخفف عليه هذا الوجع الذي به فهذا هو الحب يكون احلي شيء الي الإنسان واسوء شئ الي القلب