#قرار_حاسم
الجزء الثانى
يوم جديد تشرق فيه شمس الحياه على ابطالنا فى منزل حسام يستيقظ والده و ينادى على زوجته السيده ناديه
عبد الرحمن والد حسام رجل اعمال فى نهاية العقد الخامس من عمره صاحب شركات سياحه ذات شخصيه قويه ملتزم يعشق عائلته و خاصة زوجته.
عبد الرحمن :صباح الخير يا ناديه امال فين حسام
ناديه:حسام لسه بيجهز علشان ينزل الشركه
عبد الرحمن:متاخر جدا النهارده ليه كده ومش عوايده يتأخر علي الشركه وخاصه أنه عارف في اجتماع مهم.
ناديه: بابتسامه اصله سهر امبارح مع سما خرجوا يغيروا جو و رجع متاخر
عبدالرحمن:ربنا يسعدهم سما مش بنت اخويا دى بنتى يا ناديه و مش عايز اتدخل بينهم و اكون السبب فى انهم يبعدوا او يقربوا من بعض حسام ابنى و هى بنتى و كمان عشان شريفه مش عايز ادخل معاها فى اى مشاكل و كفايه قوى انى ساكت لها المده دى كلها على اللى بتعمله
ناديه: بحزن ربنا كريم قوى يا عبد الرحمن و قادر يغير الاحوال المهم سعادتهم و مش مهم اى خلافات عائليه بين الكبار وعلى فكره انا قلت لحسام اننا هنتغدى كلنا مع بعض النهارده مع انى عارفه ان شريفه هتقلبها نكد بس انا عايزه اجيب اخرها
عبد الرحمن :بضيق يعنى شريفه هتيجى النهارده ربنا يستر من كلامها اللى زى السم و طريقتها اللى مفكره نفسها فوق الكل الله يرحمك يا اخويا ياما قولتلك بلاش شريفه و انت اللى اصريت بس كله يهون عشان خاطر حسام و المهم سما و سعادتها
ناديه:الله يرحمك يا محمد ربنا يهديها يا عبد الرحمن انا كل اللى يهمنى سعادة حسام مش مهم كلامها و طريقتها انا هعرف اتعامل معاها كويس و بعدين انا عارفه كل ده ليه
و فى اثناء حديثهما ينزل حسام الدرج سريعا ليذهب إلى شغله فى شركة والده
حسام:صباح الخير اسف يا بابا على التأخير معلش سهرت امبارح بالليل اوعدك اخر مره أتأخر على الشغل
عبد الرحمن ولا يهمك حبيبى المهم سعادتك سما عامله ايه يا رب تكون بخير
حسام : بخير يا بابا و جايه النهارده مع طنط شريفه على الغدا زى ما ماما طلبت
عبدالرحمن :تمام اقعد افطر الاول قبل ما تروح الشركه و خلى بالك الإجتماع النهارده مهم
حسام:لا مش هقدر افطر و زى ما حضرتك قولت الإجتماع النهارده مهم ولازم أكون موجود قبل الإجتماع عشان ارتب البنود قبل ما نمضى العقد
ناديه:يا حبيبى افطر حاجه بسيطه و بعدين روح شغلك الدنيا مش هتطير
حسام يقبل يد والدته و راس والده و يقول معلش يا ماما مش هينفع يالا سلام
عبدالرحمن: حسام خلى بالك من الطريق الدنيا مطارتش و لسه باقى كتير على الاجتماع
حسام بابتسامه حاضر يا بابا اشوفك فى الاجتماع ولا ايه الدنيا
عبد الرحمن اكيد طبعا هكون موجود عايزين نخلص علشان نرجع قبل الغدا
يخرج حسام من المنزل متجها إلى شركة والده و بعدها ينظر عبد الرحمن إلى ناديه و يقول ربنا يباركلنا فيه و يحفظه و انتى قومى شوفى هتعملى ايه على الغدا و انا هقوم اجهز عشان الحق اروح الاجتماع ربنا يعدى اللى جاى على خير.
بعد دقائق يصل حسام إلى الشركه و يدخل بهيبته المعهوده ليصعد إلى مكتبه و تلحق به علياء سكرتيرته لتعرض عليه ملفات العمل و تخرج لتترك حسام يراجع العقود الخاصه
باجتماع اليوم و تقرير الشئون القانونيه ليصل بعده والده و يبدا الاجتماع فتكون الموافقه من جميع الأطراف و يتم امضاء العقد.
بعد انتهاء الاجتماع ذهب حسام إلى مكتبه و بعد لحظات يرن رقم التليفون الخاص بمكتبه ليلتقط حسام سماعة الهاتف و يقوم بالرد ليتكلم المتحدث و يقول له رساله غريبه
المتحدث:خلى بالك من نفسك و متفرحش كتير مع حبيبة القلب لان الجوازه مش هايتم و بعدها يغلق الخط
حسام بشرود و عصبيه يقوم بتكسير الهاتف و يأخذ مفاتيح السياره و يخرج متجها إلى صديق عمره رامى
وبعد فتره قصيره يصل حسام عند رامى و يخبره بمكالمة الهاتف.
رامى:صديق حسام و صاحب شركة ديكورات يعشق النساء و له علاقات كثيره و يعتمد على وسامته ولباقته في الحديث فى انجاز اعماله
رامى: اهدا كده يا صاحبى و انا هعرف مين اللى كلمك و مين اللى وراه مع انى شاكك فى حد بس مش هقول مين غير لما اتاكد و بعدها نتصرف
حسام:يا رامى انا هتجنن مين الواد ده وليه بيقول كده و هيستفاد ايه بس انت شاكك فى مين اوعى يكون قصدك.......
رامى بسرعه مش قصدى حد يا عم حسام اعرف مين اللى ورا الواد ده الاول وبعدها نشوف و يالا عشان انا عازم نفسى على الغدا عندكم النهارده ولا اخدها من قصيرها و اطلب ديليفرى ما انت عارف بابا و ماما عند اختى فى اسكندريه و انا مقضيها تيكاواى نفسى اتغدا اكل بيت و طنط هى اللى هتظبطنى
حسام بضحك يالا يا عم تعالى اتغدا اهو نكسب فيك ثواب بس سما و طنط شريفه معزومين عندنا النهارده واخد بالك مش عايز رخامه
رامى:يضيق عينيه امممممممممم قولتلى سما و طنط شريفه كمان يعنى هكون عزول ولا ايه بس ماشى جاى معاك اهو فرصه اسلم على طنط شريفه بنفسى و اسالها على ابن اختها الواد الرخم ده عارفه
حسام:اه طبعا عارفه انت تعرف ابن اختها ازاى دا واد تنك و مش بستظرفه دا حتى سما بتقول عليه برميل الرخامه
رامى: اعرفه من وقت قريب كان فيه مشكله فى النادى و شوفته و هو اللى عرفنى بنفسه و كمان كان طلب منى شغل ديكورات للمكتب بتاعه
حسام:اه قولتلي مشكله فى النادى طبعا بنات و شغل بينكم بس خلى بالك دا واد رخم و مش ملتزم وكمان شايف نفسه أوي
رامى يشوف نفسه على مين يا جدع صاحبك كفائه و بعدين بطل رغى بقا و يالا علشان نروح نتغدى زمان طنط عامله شوية اكل تحفه..
و يخرج حسام برفقة رامى ليذهبوا الى المنزل لتناول الغداء
يتبع.....
#اسمااء
