#قرار_حاسم
بقلمي اسماء ابراهيم.
الجزء الثالث
في فيلا عبدالرحمن كانت شريفه تجلس بتكبر وغرور أمام ناديه وبجوارها سما يدخل عليهم عبدالرحمن مرحبا بهم.
عبدالرحمن: سما حبيبه قلبي عامله ايه يابنتي كده ياسما ماسمعش صوتك ولا تسألي عني بقالك يومين.
سما: والله ياعمو كنت مشغوله جدا في الشغل بسبب القريه السياحيه الجديده حتي اسأل حسام لما يرجع من الشركه واخده كل وقتنا وكمان رامي معانا عشان الديكورات عايزين نخلص الشغل باقصي سرعه.
ناديه: خلاص بقي ياعبده انت عارف سما عمرها ما تتأخر علينا الا للشديد القوي وفعلا الشغل اليومين دول كتير اوي ربنا معاهم ويفرحنا بيهم قريب وتنظر لشريفه ولا مش عايزه تفرحي بسما ياشريفه.
شريفه بابتسامه مصطنعه اه طبعا عايزه وانت ازيك يا عبدالرحمن واخبار صحتك ايه.
عبدالرحمن: بخير يا أم سما طول ما حسام وسما وناديه بخير انا هابقي بخير، انت اللي اخبارك ايه ويارب تكوني بخير .
شريفه: انا كويسه اوي اوي ماتقلقش عليه انت.
عبدالرحمن: وانا اقلق ليه عليكي ما انتي بسم الله ما شاء الله زي ما بتقولي كويسه.
شريفه: ليه تقلق علي ما اعتقد انت دلوقتي مكان اخوك وتخاف علينا وعلي شغلنا ومصلحتنا ولا ايه رايك يا ناديه.
ناديه بابتسامه صفراء: اه طبعا يخاف علي بنت أخوه وعلي شغلها مش هاتبقي مرات ابنه وكمان شركتهم واحده ومصلحته أن ابنه وبنت اخوه يكبروا شغلهم وتبقي اكبر شركه سياحيه ومن بعدها ولادهم اللي هايبقوا احفادنا ياشريفه.
شريفه بضيق : مرات ابنه وأحفاده امممم قولتيلي ربنا يكتب الخير مش عايزين نسبق الأحداث.
سما: ماما من فضلك مش عايزه حد يتدخل في الموضوع ده انا اسفه ياعمو واسفه ليكي ياطنط بس ده موضوع خاص بيني وبين حسام واحنا اللي هانقرر هنتصرف ازاي.
حسام يدخل ويقول مين جايب في سيرتي بقي
سما بضحك انا اللي جايبه في سيرتك عندك مانع يا استاذ ولا ايه.
حسام: لا طبعا ماعنديش مانع انا أقدر علي زعل قلبي وحياتي ده حتي اكون وحش اوي ياسمايا ولا ايه رأيك انت ياحبي.
سما بكسوف حسام بقي الله وبعدين انت عندك تأخير نص ساعه كنت فين كل ده احنا اتفقنا في الشركه انك هاتخلص اخر عقد وتحصلني .
يرفع حسام يده باستسلام والله مش انا السبب البيه هو السبب في التأخير.
رامي: كده ياعم حسام بتسلمني تسليم أهالي مردودالك يابرنس ازيك ياسما عامله ايه الاول وفعلا انا السبب كنا بنجيب حلويات عشان النهارده عيد ميلادي وحبيت احتفل بيه معاكم انتي عارفه ماما وبابا مسافرين عند ريم اختي.
سما: كل سنه وانت طيب خلاص عفونا عنكم بس كان لازم تقول حتي كنا جهزنا حفله صغيره كده وكمان جيبنا هدايا بسيطه تليق بالبشمهندس رامي الشافعي.
عبدالرحمن كل سنه وانت طيب يا رامي واحنا هنا اهلك وحسام وسما اخواتك وده بيتك تيجي في اي وقت
ناديه رامي ياحبيبي انت ابني زي حسام وانا مجهزه مفاجأه عشانك بس هاتعرفها بعد الغداء.
رامي: وانتوا طيبين ياجماعه وربنا يعلم انكم اهلي وحسام مش صاحبي ده اخويا فعلا..
شريفه كانت تنظر لهم بغيظ وكراهيه وتقول في نفسها صدقوني كلكم الفرحه دي مش هاتطول وعلي جثتي لو الجواز تم وياتري هببت ايه ياوائل ونفذت اللي قولتلك عليه ولا لأ.
رامي: ازيك ياطنط شريفه عاش من شافك مش هاتقوليلي بقي ....
قاطعته شريفه بسرعه هاقولك ايه يارامي هو في حاجه حصلت .
رامي ينظر لها بابتسامه شك ويقول مافيش حاجه حصلت انا كنت هكمل وقول تقوليلي كل سنه وانت طيب.
شريفه بتنهيده اهااااا كل سنه وانت طيب يارامي واخبار والدتك ايه من فتره مش بشوفها في النادي.
رامي: ايه ده ياطنط انتي ما كنتيش معانا في الحوار ما انا بقول انهم مسافرين لريم ،صحيح اخبار وائل ايه .
شريفه بتوتر :انت تعرف وائل منين ولا ازاي.
رامي: وائل اعرفه من فتره في النادي وكمان بينا شغل عشان ديكورات شركته الجديده.
شريفه: اه تمام بخير ربنا يوفقه فعلا وائل اليومين دول مشغول اوي .
وفي أثناء حديثهم تنادي ناديه عليهم ليتناولون الغداء يقومون جميعا يجلسون علي السفر وتأتي لهم ام ربيع حامله صندوق هدايا وتقدمه لرامي.
رامي: ايه ده ياجماعه الصندوق ليه أنا ولا ايه.
تبتسم له ام ربيع وتقول كل سنه وانت طيب يابشمهندس رامي دي مفاجأه الست ناديه.
ينظر رامي لناديه ويقول تسلم ايدك ياطنط بس ايه ده بصراحه خايف افتحه .
ناديه بضحك افتحه وانت الكسبان ويارب المفاجأة تعجبك.
رامي يفتح الصندوق وينبهر بما داخله فكانت عده هدايا ولا اروع من ذلك حيث كان يوجد البوم صور مجمع له مع حسام منذ طفولتهم ومفاتيح لسياره جديده والأهم من ذلك عقد مشاركه بين شركته وشركه والد حسام.
رامي بفرحه واندهاش بجد مش عارف اقولكم ايه ربنا يخليكوا ليا ومايحرمنيش منكم ابدا.
حسام: رامي انت اخويا وصاحب عمري ودي حاجه بسيطه بنقدمها ليك ويارب يطمر فيك ياشق.
سما: بص بقي ياعم رامي انا مالحقتش اجيب هديه ولكن هديتي ليك هاقدمهالك يوم فرحنا انا وحسام.
ينظرون جميعا لسما بصدمه أنها اخدت قرارها بأنه القرار الحاسم وهو استكمال الزواج ......
حسام: سما انتي بتقولي ايه مش احنا اتفقنا هانقرر مع بعض ولا ايه.
سما: وانا اخدت القرار خلاص حياتي هاتكون معاك لاخر نفس في عمري ومش عايزه حاجه تانيه غيرك ......
يتبع
#اسمااء
