#شفت _من ظلم_ الحياة _غصه _الين اكتفيت
البارت 1
: لا تنسون تصلون على النبي 👍♥
ضرب الملعقه بصحن واهو معصب ويناضر تميم الي نازل من الدرج : كل يوم على هلموال اخ تميم متى تتعدل وتصير رجال
تنهد تميم وجلس يلعب بشوكه بصحن وقف واهو يسمع صراخ ابوه طلع غرفته وانسدح
طلع ابوهم لشركه واهو معصب
رفع تميم راسه واهو يشوف وريف تدخل وتسكر الباب ناضرها واهي تجلس وتقول: لا تزعل تعرف طبعه والله يحبك ترا
طنشها تميم واهو يناضر اشباك تنهد واهو يقول: ابوك ما يحبني زيكم
هزت وريف راسها واهي تقول: والله يحبك
تنهد واهو يوقف ويقول انا بطلع
توترت ريوف واهي تقول: ابوي رافض تطلع ومخلي حرس كثير عشان ما تطلع
تنهد ورجع جلس وقال: طيب بانام روحي وسكري انور معاك
طلعت وريف وسكرت الباب
••••••••••••••••••••••••••••••••••••••••
شركة عبد المجيد
دق وافي ودخل مكتب ابوه بعد مادق عليه يجي
جلس واهو يقول: أمر
رما القلم على اطاوله واهو يقول: اخوك اخر مره يطلع من غرفته تسمع وان شفته طلع ما رح الوم احد غيرك ما يطلع مع احد الى معي اذا فيه عزيمه ببيت جدك غير كذا لا اشوفه
تنهد وافي واهو يقول: الي تسويه حرام اعرف انو ربي رح يحاسبك على كل شي تسويه فيه اهو ماله دخل لا تظلمه بشي
عبد المجيد واهو يشبك اصابعه : أمر اخ وافي انا الي اتحكم فيك ولا انت كلمتي ما اعيدها تسمع انت ولا باب البيت ما يعتبه
هز وافي راسه وطلع واهو متضايق من ظلم ابوه
قابل بطريقه عناد الي قاله: وش فيك
تنهد وافي واهو يقول: تعبت من ظلم ابوك لا تميم
انهد عناد وقال: شنسوي ما بيدنا حيله ماشفت الحراسه الي في البيت
رفع وافي حاجبه واهو يقول: ابوك مو سالم الين تميم يوريه الوجه اثاني هاذا اذا ما درا بلمخبى وراح مكتبه
••••••••••••••••••••••••••••••••••••••••••
بيت عبد المجيد في الصاله الفخمه والواسعه
حاطه رجل على رجل وتبرد اظافرها وتكلم صحبتها: ههههه لو شفتيه شلون عصب عليه متصدقين
لمى صديقتها: هههههه احسن خليه يتربى عاد لو تحرموه من الأكل احسن له
ناديه: هه هه لسى ما عرفني اخليه يموت من نفسه من غير ما اوسخ يديني فيه
لمى: دامه ابو الوافي حاط حراسه ومو مخلي احد يدخل عنده او يطلع فرصتك
ناديه: المهم لمو حبيبتي اكلمك بعدين يالله باي
ابتسمت بخبث وجت بتقوم ودق جوالها ردت على عبد المجيد الي قالها فيه عزيمه ببيت الجد يتجهزون قبل يجي
سكرت وطلعت تقول لبناتها ومرت غرفة تميم
دقت الباب ودخلت شغلت انور واهي تشوفه نايم نومه ومو لابس تشيرت ولحاف الين خصره
ابتسمت بخبث وخذت جيك المويا من على اطاوله وكبته فوقه
تنهد واهو متعود على الحركه ذي حرك راسه يمين ويسار عشان ينزل المويا الي بشعره وقال: امري استاذه ناديه عندك شي؟؟
تحولت ملامحها لعصبيه واهي تقول: بسرعه قوم بدل ملابسك جدك مسوي عزيمه وطلعت وصفقت بلباب
تنهد واهو يوقف ويدخل الحمام ياخذ شور ويلبس ثوب ابيض ويتعطر رتب غرفته وفك استاره واستند على حافت اشباك وناضر ابوه الي شافه وسو نفسه انه يحضن عناد تنهد تميم وسكت دخلت وريف وماحس فيها وقفت لمه وناضرت ابوها وعناد تنهدت واهي تنزل راسها وتقول: مارح تكمل جامعه
رد تميم ببرود وقال: لا انفس عافتها
تنهدت وريف وقالت: نوره تحت تجي
هز تميم راسه بنفي واهو شارد
تنهدت وريف وطلعت وسكرت وراها الباب
دخل ابوه واهو معطيه ظهره ويناضراشباك
وقف عبد المجيد لمه واهو يقول: اشوفك متجهز
تكلم تميم: والله جاتني الأوامر منك
ضحك عبد المجيد وقال: لو قلت لك مارح تروح
ابتسم تميم وقال: ماضريتني ارفع لحافي وانام
انقهر عبد المجيد من بروده وقال بعصبيه: بسرعه تنزل الحين وتركب مع الخدم ورا
تنهد تميم وتعطر وخذ شماغه ونزل ببرود تام ابتسم من شاف جوانه تجي لموه ورفعها وباسها واهي تضحك نزلها ومشى لبرا
••••••••••••••••••••••••••••••••••••••••••••••••
بيت الجد
جالسين ببيت اشعر والجد متوسط المجلس بملامحه البدويه الحاده ولمه الجده وحوله عياله وحريمهم وعيال عياله
دخل أحمد واهو ماخذ ريوف ويضحك قال: سلام
ردو عليه أسلام وجلس يم ابوه الي اخذ ريوف
بعد دقايق دخل عبدالمجيد وعياله سلموعلى الجد والجده وجلس تميم منغيرمايسلم على اعمامه واهو دايخ جلس يم راشد ونزل راسه على يدينه وضغط على راسه من صداع داهمه فجأة تنهد واهو يسمع ابوه يهاوشه ليه ما سلم على اعمامه
:
:
جهت الحريم
جلست وريف لم بنات عمانها وعينها على تميم
ما تحملت واهي تشوف ابوها يهاوش تميم وقفت واهي متوتره وخذت قارورة مويا من على اطاوله ونزلت على رجولها مواجه تميم الي رفع راسه يناظرها واهي فاكه المويا ومادتها هزت براسها: خذها
تعجب الكل من فعلها تكلم الجد بصوته الحاد الي متعودين عليه: تميم انت تعبان
ناظره تميم وهز راسه بنفي وقال: بس مصدع شوي
تكلمت وريف بصوتها الخفيف واهي تقول: تبي بندول
ابتسم تميم على خفيف وقال: لا ما ابي
ابتسمت وقالت: ما اكلت؟
هز راسه بنفي
تنهدت وقالت: ما تتوب مو كاسرك شي لا اكلت ترا لمصلحتك بنضرت ظعف وصوت منهد ارحم نفسك رجعت مكانها واهي هاديه
واهي تحس بخزها ليه راحت له تنهدت وطنشتها
صفن تميم فيها لثواني وتنهد و طلع جلس بمكان بعيد ترجع فيه اذاكره وقت كان صغير وسمع كلام جده وجدته يتكلمون مع ابوه بصدفه
نرجع للماضي
بغرفة الجد الي كان الباب شبه مفتوح فيها
الجد: كلهم اخوانه انكان بتظلمه فأهو رجال يعرف يدبر نفسه بس اخته الي اهي بنتك بذمتك لا لها قوه وحيله
تكلم عبد المجيد بعصبيه: افهم يبه انا ما ابيهم ما ابي اشوفهم تبيهم انت خذه اهو واخته
تنهدت الجده الي قالت: مردك تعرف غلطتك ياعبد المجيد انت تزوجت اثانيه تحمل ضناك دامها مو معاهم
صحى على نفسه واهو يشوف ابوه جاي لموه
تنهد واهو يقول: عارف وش تبي تقول اعفني اليوم عن الخنايق مالي خلق شي
نده من بعيد عليهم عناد واهو يقول: يبه جدي يقول يالله حطو الأكل
رجع تميم على بيت الشعر وشافه فاضي جلس مقابل شبت انار واهو يهوجس في اخته الي مايعرف مين اهي تنهد واهو يشوف راشد يضرب على كتفه ويقول: هونها وقوم اكل وسع خاطرك شوي
تنهد تميم واهو يقول:
مهونها لا ابعد حد
صرت من جفون الأيام اجافيه
:
وقف واهو ينفض ثوبه
ويهز راسه ويقول: مالي نفس رح انت اكل بنتضرك بلجلسه الي برا
تنهد راشد وقال: الي يريحك
جلس تميم بلجلسه الي برا سند نفسه على الكرسي وراسه فوق
تنهدت وريف على حال تميم راحت لمه واهي تقول: ليه ما رحت تاكل معهم
عدل تميم جلسته واهو يقول: مالي نفس
ناضرته وريف واهي تقول: يكفي ارحم نفسك شوي وتموت شوف نفسك جسمك كيف نحفان
ناضر تميم بعيونها والي فيها لمعه وقال: طيب هدي ليه كل ذا شوي وتبكين عشاني ما اكل!!
هزت وريف راسها واهي تشتت نضرها: انت شفت شكلك كيف انا مستغربه كيف عايش للحين
تنهد وقال: والله مالي نفس بس باكل لرجعنا البيت قالت واهي تناضره: وعد!
:
:
ببيت سيف ونوره
بدلت نوره لجوانه واهي تحس بغثيان
دخل سيف واهو تعبان انسدح على اسرير وقال: ليه ما رحتي مع اهلك بيت جدي
ناضرته واهي تقول: مالي نفس اروح
استغرب سيف بس تجاهل الموضوع واخذ جمانه منها ونيمها لموه ونام من غير ما يحس على نفسه
:
:
نوقف هنا وبأذن ربي نكمل البارت اثاني عطوني رأيكم يهمني مره لا تقصرون معي بنجمه 👍✨
سبحان الله
استغفر الله العظيم واتوب اليه
