"ခြောက်လတိတိလိင်ဆက်ဆံလို့မရဘူးနော်"
ဒေါက်တာရဲ့အမှာစကားကြားတော့ မြူတစ်ယောက်အားငယ်သွားသည်။
"ဟုတ်ကဲ့ပါ ဒေါက်တာ"
အလေးသွားတိုင်းသွေးပါလို့ ဆေးစစ်ရာမှ လိပ်ခေါင်းရောဂါအခြေအနေမှန်းသိရ၏။
မြူအတွက်ခြောက်လလိင်မဆက်ဆံဘဲနေရတာ ပြဿနာမဟုတ်ပေမယ့် ချစ်သူမြတ်မင်းအတွက်ခက်ခဲနိုင်သည်။
"မြူ အခြေအနေဘယ်လိုလဲ"
ဆေးခန်းအပြင်မှထိုင်စောင့်နေသော မြတ်မင်းက စိတ်ပူတကြီးမေးသည်။
"ဘာမှတော့မဖြစ်ပါဘူး... လိပ်ခေါင်းဖြစ်ချင်နေတာတဲ့"
"ဟမ်"
"ခြောက်လတိတိလိင်မဆက်ဆံရဘူးလို့ပြောတယ်"
မြတ်မင်းမျက်နှာတစ်ချက်မပြတ်ဘဲ
"ရှောင်ရမှာပေါ့ မြူ့ကျန်းမာရေးကိစ္စပဲ"
မြူကအားနာစွာနဲ့
"မင်းအတွက်အဆင်ပြေပါ့မလား"
"ပြေတာပေါ့ မြူဘာမှမဖြစ်ဖို့သာအဓိက... ကို့အတွက်တော့ စိတ်မပူနဲ့နော်"
ကြင်နာတတ်တဲ့အပြုအမူကြား မြူကြည်နူးမိသည်။
_________
မြတ်မင်းကနှာသမားမဟုတ်ပါ။ သို့သော် ချစ်သူအတွက်အမြဲတွေးပေးတတ်သည့်မြူအနေခက်လှသည်။
မြတ်မင်းစိတ်ထန်သည့်အချိန်တိုင်း မြူ့ကိုထိခိုက်မိမှာစိုးလို့ ရှောင်ထွက်သွားသည်ကို မြူမကြိုက်ပါ။ အတူရှိတဲ့ချိန်တိုင်း အနားကတစ်ခွာမှမခွာစေလို။
မြူနဲ့အရမ်းနီးကပ်မိလျှင် စိတ်ကြွတတ်သည်ကိုသိ၍ တွယ်ကပ်မနေသည်ကိုလည်း မနှစ်လို။ စကားအပြောအဆိုလည်းပွင့်လင်းမှုမရှိလာတော့။
"မင်း"
"ပြောလေ မြူ"
"မြူ့ကိုချစ်သေးရဲ့လားဟင်"
"ချစ်တာပေါ့ မြူရဲ့"
"..."
မြူမျက်နှာမဲ့ပြသည်။
"ဘာဖြစ်လို့လဲ မြူ"
မြတ်မင်းလက်ကိုဆွဲယူ၍ ပါးပြင်ပေါ်တင်ကာ
![](https://img.wattpad.com/cover/348540168-288-k410522.jpg)
YOU ARE READING
မြူ ( Completed )
Short Storyဤဇာတ်လမ်းသည် မည်သူတစ်စုံတစ်ဦးကိုမှထိခိုက်နစ်နာစေလို၍ရေးသားခြင်းမဟုတ်ပါ။ ဇာတ်ကောင်များကိုစိတ်ကူးယဉ်ဖန်တီးထားခြင်းသက်သက်သာဖြစ်သည်။ အမှားပါလျှင် နားလည်ခွင့်လွှတ်ပေးပါရန်။ With Love #သိုး