لهيب الانتقام

part 10

#مساء_العسل_شونكم،،🖤💎،،

الكاتبه:𝑎𝑠_𝑎𝑙⚘

قرائــه ممتعــةة،،

- - - - - - - - - - - - - - - - - - - - - - - - - - - - - - -
تذكير•.

_تمددت ونمت وهوه هم نام كعدت الصبح قبل ميروح لكيته يبدل ويحجي بل جهاز وكاله مالك عرفته صديقه اليريد يجيبه يمي ويعلمه شون يتعامل وياايه بتسمت ورجعت نمت كعدت مفزوعه على اثر صوت ...

""""""""""""""""""""""""

_تمددت ونمت وهوه هم نام كعدت الصبح قبل ميروح لكيته يبدل ويحجي بل جهاز وكاله مالك عرفته صديقه اليريد يجيبه يمي ويعلمه شون يتعامل وياايه بتسمت ورجعت نمت كعدت مفزوعه على اثر صوت طلق كعدت مفزوعه ابجي واصيح والطلق زرف الغرفه جنت نايمه ومغطيه وجهي بل فراش واصيحح اريد احد يجي ينقذني كمت واني مدنكه اريد اوصل للباب ماكدر تذكرت السنسله قصيره

رجعت ركضت للزاويه شاغت روحي من سحكت على كزاز ضليت جوه الشباك والكزاز يتناثر عليه مبقى شي متجرح وجهي واديه وغير رجليه الينزفن لان سحكت على كزاز

ضليت اصيح وابجي وصوت الطلق ماهدء ابد واسمع ضحكاات عباللك كااعد يمي رُغم صوت الطلق حيلل عاليي بس ضحكته همم جاي اسمعها متت من الخوف شويه وهدء صوت الطلق بسرعه دخل عليه مالك جرني من ايدي وصعدني للسطح البيت

كوه امشي من الألم من امشي احس الكزاز يتكسر برجلي كعدني بين الكراتين جانن كلش كبار ماعرف مال شنو نوبه اجه شمر غراضي كلها يمي ضليت خانسه نفس ماتنفست لحد ما أجاني يركض خله ملابسي والاغراض كلها بل كارتونه اجني نوبه شالني طلعني من بينهن واني ابجي مرعوبه من الي صار وخر السنسله خلاها هم بل كارتونه ولزمني من ايدي

ونزلنه نركض تباوعت للبيت عباره عن كزاز واني حافيه شون امشي عليه تباوعلي تنهد كام نزع حذائته ولبنسي ياها شكدها عليه نقهرت عليه من لزمني وهوه مشه على الكزاز طلعنه من البيت وركض للسياره بعدها نطلقنه لمدري وين

وصلنه لبيت شويه اكبر من البيت ذاك دخلنه خلاني بل غرفه جريت الفراش تغطيت بي والرجفه بيه صوت الطلق وضحكاته ترن بأذني وشون جنت محتاره منين اشرد والسنسله برجلي

بقيت كاعده واسب بـ ياقوت ماخليت سبه لو غلطه تعتب عليه نعلت يوم يومه دقايق نفتح الباب ماوخرت الفراش خايفه

حسيت ايد توخر بل فراش بس شفته اوبااا نهررت بل بجي حضني وحضنته ملزمه بركبته خايفه بعد ما تعبت من البجي نمت كعدت كمت اصيح لياقوت حته يجيني من اجاني حضني هدئت شويه نوبه كالي دقايق واجي راح شويه واجه جايب كلينس وشاش وتعقيم

طلع الكزاز من رجلي كوه فرفحت لمن متت من الألم عقمها وشداها الي ولسقات مال جروح خلاهن على ايدي وكصتي هم، طلع مقراضه يريد يقرض اضافري مامنعته