لهيب الانتقام

part 23

#مساء_العسل_شونكم،،🖤💎،،

الكاتبه:𝑎𝑠_𝑎𝑙⚘

قرائــه ممتعــةة،،

البارت حيكون طويلل لخاطركم حبايبي..

أجيك مَن المرض مَهزوم
وأشوف العافية بلونَك
علية مَبين الخذلان
بَس ما أخيب ضنونَك
أنة الما عَشِت وياك
وأنة المَيت بدونك .

- - - - - - - - - - - - - - - - - - - - - - - - - - - -
تذكير•.

وره اسبوع من شفت النتيجه جنت بليل احجي وي مالك واحجيله شصار بيومي وهوه يتفاعل ويايه شوي ماحس غير نفتح الباب بقوه وجان اشوف ...

"""""""""""""""""""""""""""

ورى اسبوع جنت كاعده واسولف وي مالك عن كلشي صار اليوم ويسئلني شكلتي شربتي وين طلعتي شسويتي هيج

هستوني اجيت اريد اسده منه جان ينفتح الباب بقووه دخلت امي معصبهه وجهها احمر صاحت بيه بصوت

هدى:-انتييي وينج وينننج مو صارلي ساااعه اصيحح

نازلي:-م مادري والله ماسمعتج

هدى:-مااسمعتييي اذا الجهاز على إذننج مايطيح

ثناء متحجي ويايه كبل حذفت المحادثه وي مالك وقفلته كتلها

نازلي:-شسالفه ماما هاي هيه نوب مالزمه اخذي ماريده

هدى:-جيبييي

اخذته مني بنتر تفاجئت منها ليش هلكد عصبيه معقوله جاانت تسمعني لو شنو ضليت اباوع عليها راحت فتحت الميز طلعت العلبه مالته اخذت السيمكارت مالته وقفلته وراحت وصلت للباب الدمعه صارت بطرف عيني تباوعتلي وكالت

هدى:-ابد ماتوقعتها منج ناز

نصدمتت جاان شكيي بمحله معناها امي سامعتني احجي وي مالك كلبي وكع دكاته صارت تنسمع عافتني وطلعت سدت الباب وراها بقوه ضليت املخ بوجهي وخايفهه ضليت افتر بلغرفه وكلبي يدك حيل

بهت وجهي من سمعت صوت ابويه بره يصيحلي هاي هيه هاي نهايتج ينازلي غسلت وجهي بسرعه ونزلت ركض كتله بأرتباك

نازلي:-ه ها بابا شونك

ابو نازلي:-هلا بابا زين شونج انتي

نازلي:-زينه لحمدلله

ابو نازلي:-حبيبتي روحي وي ماما خطيه لكيت ضغطها صاعد روحي ساعديها

نازلي:-من عيوني تريد شي اسويلك شي

ابو نازلي:-لا حبيبتي ماريد

_رحت للمطبخ اطگ بصابعي خايفه منها ومن سكوتها تطمنت يعني ممحاجيته نقهرت من شفتها كاعده لازمه راسها وتون بهدوء

رحت كعدت يم رجليها بستها برجليه واديها واعتذر منها بصوت ناصي واتوسل تسامحني بس ماردت عليه دفعتني وطلعت من المطبخ نزلن دموعي راح تتدمرر حيااتي بسببي كمت غسلت الماعين بمكانها