მითხარი, ჩემო მეგობარო, როგორ ხდება, რომ ყოველთვიურად ჩემი ხალხი შენს ანგარიშზე თანხას რიცხავს და ინფორმაცია, რომელსაც შენ მაწვდი, სრულიად უსარგებლოა?- ნამჯუნი ვილის ცენტრში მდგარ მაგიდას ეყრდნობა. პირდაპირ ალფის წინ,- როგორ მოხდა, რომ პოლიციამ გადარიცხვის შესახებ შეიტყო და თავს დაგვესხა? თვალ - ყური არ უნდა ადევნო უწყებებში მომხდარ ამბებს და ყველაფერი უკლებლივ მომახსენო?
კიმი კაცს გვერდს უვლის და დივნისკენ მიდის.
- მე მშვენივრად ვაკეთებ ყველაფერს, ინფორმაცია ჩემგან არ გასულა,- მამაკაცი ნამჯუნისკენ ბრუნდება და უტიფრად აშტერდება, - დეჯუნს გონიერი გუნდი ჰყავს და დაბრკოლებებს მიქმნის. ახლა, თუ ჩემს ხელფასს გაზრდი შევძლებ, რომ სხვა გადმოვიბირო და ჩვენი საქმეც უფრო დაჩქარდება.
- იმის ნაცვლად, რომ ბოდიში მოიხადო შეცდომისთვის და მთხოვო, რომ შეგიბრალო, მეტი ფულის შოვნას ცდილობ? - ნამჯუნი იღიმის.
- შენ ვერაფერს დამიშავებ. მე მნიშვნელოვანი პიროვნება ვარ მთავრობაში და იმდენად მამაციც არ ხარ, რომ ახლა ბუნტი მოაწყო. ასე რომ, მოდი გადავხედოთ ჩვენს შეთანხმებას,- თავხედურად ამბობს ალფა.
- მართალი ხარ, უნდა განვიხილოთ,- კიმი დივნიდან დგება და ბარისკენ მიდის. - კონტრაქტს ვარღვევ.
- სერიოზულად? როგორ ფიქრობ, ყველაფერი ასე მარტივადაა? კონტრაქტს მხოლოდ შენი სურვილით ვერ დაარღვევ! - ყვირილით ასრულებს კაცი საუბარს, ფანჯარასთან მდგარ თეჰიონს ზიზღნარევი მზერით ათვალიერებს და ოთახიდან გადის.
- ხალიჩის გაფუჭება დაგენანა, არა?- ეკითხება თეჰიონი სიცილით.
- კი,- კიმი ყლუპს სვამს ჭიქიდან,- როცა დაასრულებ მასთან, ახალი ინფორმატორი მიპოვე.
- გასაგებია, - თეჰიონი ქურთუკს იღებს და გასასვლელისკენ მიდის. შინაგან საქმეთა მინისტრის მოადგილის გვამს მეორე დღეს მისივე სახლთან ახლოს ტყეში პოულობენ.
YOU ARE READING
Monster in me
Actionმინ იუნგის არავისი ეშინოდა, სანამ კიმ ნამჯუნს არ შეხვდა. კრიმინალური სამყარო, სადაც კიმ ნამჯუნი ნარკოკარტელის სასტიკი ხელმძღვანელია და იუნგი კი პრეზიდენტის ვაჟი, რომელმაც ომი გამოუცხადა კარტელს. ფიქცია ითარგმნება. ფიქციის ავტორი Liya movadin. ავტ...
