روحَ ألبَيَار

بارت 2

بسم الله الرحمن الرحيم
لا تنسون التصويت_ والكومنت بين الفقرات
ومتابعة للحساب بارك الله بيكم
لا تنسون دعمنا بالرواية 🕊💙.
لاڤيو
♡'''''''''''''''''''''''''''''''''''''''''''''''''''''''''♡

عن لسان بطلتنا دگول :_

أطوّخ بالخلگ
و أتناسى المدخنات
و اضحك للخلگ واتمايل عذوبة
وأشاقيهم واسولف چلمة المرتاح
بس هي المصيبة الروح متعوبة.

حمزة:_ بعد ما حجيت وياهم وردة فعلهم القوية هاي قررت اطلع ويه جماعتي عندهم واجب صح اني متقاعد بس مرات اسوق سيارة واروح وياهم حتى نأمن خطة زينة لكن بهالواجب اني تصوبت جانت اصابتي مو خطيرة لكن صارتلي فرصة اطلب اتبنى روح وابوية ميعارض وفعلاً ما عارضني وكال ...

ابو حمزة:_ بوية دامك بخير سوي التريده واتبناها لهاي ماعرف شسمها..

حمزة:_ اسمها روح بوية

ابو حمزة :_ هاهية بوية التشوفه مناسب سوي

حمزة:_ وانتي ام رواسن؟

ام رواسن:_ التشوفه مناسب يا عيني يصير

حمزة:_ وانتي بابا رواسن خوما اجيبها وتكتليها للبنية؟

رواسن :_ ما اكتلها لتخاف 🙂

حمزة:_ هزيت راسي ب أي فرحت حيل لان راح اتبناها گلت بس اطلع من مستشفى اروح لست مياسة وابلش الاجراءات بس لازم اخبرها بالاول حتى اعرف رائيي البنية اذا تريد تجي لو لا؟

في الميتم:_

مياسة:_ جنت كاعدة بمكتبي واجتني روح استأذنت حتى تدخل دخلت وكتلها خيرج روح شبيج حبيبتي گالت شي فررحننيي...

روح:_ بعد هالشهر اني ماردت اروح لكن بابا اجه وكالي بوية هالشخص الي اجاج هو الي رب العالمين اختاره الج وزين الج حيحميج من كلشي لا تعترضين ع قدرج ونصيبج من ربج لان الله يحبج دزلج هيج شخص فزيت مرتاحة من المنام خصوصاً انو شفت بابا بعد كل هالفترة وقررت انطي فرصة لقدري يصير واتقبله مهما كان رحت لست مياسة وطلبت اذن الدخول وخبرتها انو اني موافقة ع التبني لكن اريد اكمل دراسة..

مياسة:_ طبعاً يروحي من دون مدكولين اني اگله هالشي لانج شاطر وكفوءة ولازم تكملين ونفرح بيج حبيبتي

روح:_ تمام شكراً الج ست.

مياسة:_ ادللي حبيبتي.
_ راحت روح وگلت اتصل بأستاذ حمزة بعدين غيرت رائيي لان عيب ازعجة اعوفه هو يتصل... للعصر اتصل عليه هو وبلغني يريد يكمل اجراءات التبني الرسمية لروح كلش فرحت وحضرت الوثائق وغيرها من الامور وقررو بعد اسبوع يجي ياخذها. ورا يوم دزلي فلوس وكلي جهزيها تجهيز بنوتة من الابرة للخيط وحتى هدوم مدرسة اجهزها اخذت روح للسوگ واجهزها طول هالاسبوع.