روحَ ألبَيَار

بارت 4

بسم الله الرحمن الرحيم
لا تنسون التصويت_ والكومنت بين الفقرات
ومتابعة للحساب بارك الله بيكم
لا تنسون دعمنا بالرواية 🕊💙.
لاڤيو
♡'''''''''''''''''''''''''''''''''''''''♡

#بارت_طوووويللل
تعويض الكم عالانتظار 💐💙.

روح:_ بعد ما طلع عمي حمزة اجت خالتي ام رواسن وسألتني بأستغراب....

ام رواسن:_ بنيتي ليش طولتي هلگد علينا ها؟ خوفتينا عليج حبيبتي كوليلي!

روح:_ شفت خالة ام رواسن و رواسن مركزات بوجهي اني گلت الهن... خالة اني شفت ابوية من نمت وحجيت وياه وحضني بحيث چلبت بي حتى يبقى وياي لو ياخذني وياه! اشو من كلت هيج خالة ام رواسن شهگت وحضنتني وگالت....

ام رواسن:_ من حجتلي تذكرت الحلم گتلها لتخافين امي ترا احنا هم نحبج ونريدج بيناتنا بنيتنا وفرحتنا ليش حتى ترحين لمكان هو مو الج هسة بس اول وتالي نروح لهالمكان بس بالوقت المناسب.

روح:_ خالة كلامج حلو واقدرلج هالكلام بس لتزعلون مني ع هالكلمة الي حكولها بس داواجه صعوبة انو اتقبل عمي حمزة احس داقهر ابوية ماكدر اسوي هيج بأبوية خالة..

ام رواسن:_ باوعتلها بعتب وگتلها ترا عمج حمزة مستعد يسوي كلشي حتى تتعودين علي وهمات من اول ما وكعتي لحد هاللحظة ماعافج وجان خايف عليج ويلوم روحه عالصار بيج وهسة جاي دكولين متكدرين تتقبلي؟ هو حقج واحد ميتعود ب 3 ايام بس عالاقل قدري انو اني مرته وماقبل علي يا بنيتي شفتها دنگت راسها هزيت راسي بقهر وردت اطلع ستوني فتحت الباب شفت حمزة گبالي لا ياربي اكيد سمعنا گتله حمزة اسمعني... باوع لروح الي ما رفعت راسها گال جهزو نفسكم حتى نرجع للبيت وعافني وراح حسيت بغصة بگلبي اعرفه حينقهر اعرف شي بداخله انكسر بس شبيدي علي قابل اجبرها للبنية وهي صغيرونه شگدر اسوي؟ نداريت عليها جانت تبجي بصمت ورواسن تباوعلها بزعل ع كلامها گامت رواسن وگالت اني رايحة لبابا راحت وعافتنا وحدنا گتلها تعالي اساعدج گالتلي....

روح:_ كلش خجلت ونقهرت من عرفته واكف وسمع كل كلامي اني ما اقصد غير احجي الي احسه ماردت اقهره واكسر بخاطره وحجي خالتي صحيح المفروض اقدر همه اهله اكيد ميقبلون علي طلعت رواسن وخالتي رادت تساعدني گتلها لا خالة شكراً اني اعتمد ع نفسي گمت جبت ملابس من جنطة الجايبيها الي دخلت للحمام غسلت وجهي بأيد وحدة نوب حاولت البس ملابسي الي جانن عبارة عن فستان طويل وبشت فوگاه حيل تأذييت بسبب ايدي لازم اتحمل لان ماريدهم يخدموني همه ماقصرو وياي وما اريد اثگل عليهم طلعت من الحمام لگيت خالة ام رواسن گاعدة تنتظرني گتلها يلا خالة گالتلي خل اساعدج اني رفضت گتلها لا خالة اكدر امشي وحدي هزت راسها ب أي مشينا للكراج عمي حمزة طبگ السيارة گبالي وبقى ينتظر بالسيارة نزلت رواسن گالت لامها ابوية يگول خلتصعد روح على كيف لان جرح بعده ما ملتئم عاد صعدت بهدوء وعمي حمزة يسوق على كيفه حتى لا اتأذى والصراحة حسيت بذنب كلش جبير من شفته حتى ما باوع بوجهي ورواسن همات وخالة ام رواسن بالها شارد ومو ويانا كله بسببي تصرفت غلط وحجيت كلام ما لازم اگوله شوية ووصلنا البيت نزل عمي حمزة فتحلي الباب مال سيارة ومدلي ايده بداخلي فرحت بتصرفه البسيط رغم اذيتي اله يريد يسندني مديت ايدي تجاهه بس رواسن منعتني واخذت ايد ابوها ومشت وياه بعيد وهو ما باوع بوجهي خالة ام رواسن حجت....