သတို့သား အင်ဂျောင်ဟွန်း ၊ သတို့သမီး ပတ်ဆယ်မီ ဆိုတဲ့ လက်ထပ်ပွဲအကြီးအစားတစ်ခု ကျင်းပရာနေရာတစ်ခုဖြစ်တဲ့ အဆင့်မြင့်ဟိုတယ်တစ်ခုကို သူရောက်နေတယ်။ လက်ထပ်ပွဲပါအပါအဝင် လာကြတဲ့သူတွေကလည်း အထက်တန်းလွှာကလူတွေဖြစ်ကြပြီး မြင်နေရသမျှအရာတွေကလည်း သူ့မျက်လုံးတွေကို ဝိုင်းစက်သွားစေတယ်။
ကိုကိုခေါ်လာတဲ့ ကိုကို့သူငယ်ချင်းရဲ့လက်ထပ်ပွဲကို ဂျောင်ဝန်းပါ အပါရောက်နေခြင်းဖြစ်တယ်။ အပြင်ကနေသာမြင်ဖူးခဲ့တဲ့ ဆိုးလ်ရဲ့ Top1 ဟိုတယ်ကြီးကို ယခုမှသာ ရောက်ဖူးခြင်းသာ။ ဂျောင်ဝန်းရဲ့တစ်လက်လက်တောက်ပနေတဲ့ မျက်ဝန်းတွေနဲ့အတူ မေးခွန်းပေါင်းများစွာကလည်း ခေါင်းထဲယူထား၏။
" ဂျေး .. "
ထိုအသံကြောင့် ဂျောင်ဝန်းရော ဂျုံဆောင်းရောလှည့်ကြည့်လိုက်တော့ ဆောင်းဟွန်း။
" မင်းရောက်လာပြီလား ငါတို့လည်းအခုမှရောက်တာ "
" အင်း ငါသွားလိုက်ဦးမယ် "
ဆောင်းဟွန်းဟျောင်းက သူတို့အနားကိုရောက်ရောက်ချင်းပဲ ကိုကို့ပုခုံးကိုပုတ်ကာ stage ပေါ်က ပီယာနိုဆီကို နေရာသွားယူပြီဖြစ်သည်။ ပွဲကိုလာတဲ့သူတွေထဲက စီးပွားရေးဖက်တွေရော မီဒီယာသမားတွေကပါ ဆောင်းဟွန်းရဲ့ပုံတွေကို အသည်းအသန်ရိုက်ယူနေကြတယ်။ ထိုအခါ ဂျောင်ဝန်းမှာ ပါးစပ်အဟောင်းသားပင်။ ဆောင်းဟွန်းနာမည်ကြီးတာသိပေမယ့် ဒီလောက်အထိတော့မထင်ထားပါ။ ဂျောင်ဝန်းကပဲ ဒီလောကထဲသေချာမသိတာလားဆိုတာ မပြောတတ်တော့ပါဘူး။
သို့ပေမယ့် ဆောင်းဟွန်းကိုအနီးကပ် ကိုယ်တိုင်မြင်လိုက်ရတဲ့အချိန်မှာတော့ ဂျောင်ဝန်းအတွေးထဲဝင်လာတာက တစ်ခုပဲရှိမည်။ ထိုအရာကတော့
ဆောင်းဟွန်းဟျောင်းက အရမ်းကိုမှချောသည်ဟူ၍ ။
▪︎
မကြာမီမှာပဲ လက်ထပ်ပွဲဟာစတင်ပြီဖြစ်သလို သတို့သားနဲ့သတို့သမီးကလည်း ကတိဝတ်ပြုနေကြလေပြီ။ ထိုအခါ ပီယာနိုကိုကျွမ်းကျင်စွာတီးခတ်၍ ဂုဏ်ပြုသီချင်းဆိုပေးနေတဲ့ ဆောင်းဟွန်းဟျောင်းက တစ်ချက်တစ်ချက် ဂျောင်ဝန်းကိုကြည့်နေခဲ့ပါတယ်။ အကြည့်ချင်းဆုံတိုင်းလည်း ဂျောင်ဝန်းဘက်ကပြုံးပြ၍သာတုံ့ပြန်ပေမယ့် ဆောင်းဟွန်းဟျောင်းက ထူးဆန်းသည် ဂျောင်ဝန်းဆီက လုံးဝအကြည့်မလွှဲခဲ့သလိုခံစားချက်မျိုးနှင့်။
YOU ARE READING
𝗤𝘂𝗲𝘀𝘁𝗶𝗼𝗻 𝘁𝗼 𝗔𝗻𝘀𝘄𝗲𝗿 || 𝗦𝘂𝗻𝗴𝗪𝗼𝗻𝗝𝗮𝘆
Fanfictionကျွန်တော့်ရဲ့မေးခွန်းတစ်ပုဒ်အတွက် ကိုကို့ရဲ့အဖြေတစ်ခု..။ Sunghoon X Jungwon X Jay SungWonJay