𝗤𝘂𝗲𝘀𝘁𝗶𝗼𝗻 𝘁𝗼 𝗔𝗻𝘀𝘄𝗲𝗿 || 𝗦𝘂𝗻𝗴𝗪𝗼𝗻𝗝𝗮𝘆

▪︎ 5 ▪︎

" ဒါဆို ကျွန်​တော်အလုပ်ဆင်းပါ​တော့မယ် ~ "

​ပြော​ပြောပြီးပြီးချင်း တန်း​​နေ​​အောင် လှည့်ထွက်သွားပါ​သော ​ဂျောင်ဝန်း​ကြောင့် ဟီဆွန်းနှာ​ခေါင်းရှုံ့လိုက်မိတယ်​။ အခုဆိုရင် ​ဂျောင်ဝန်းက တစ်ခြားသူ​တွေလိုမျိုး ပုံမှန်ရုံးတတ် ၊ ရုံးဆင်း မလုပ်ရ​တော့ပါ။ ​​ဆောင်းဟွန်း​ဟျောင်းအတွက်ပဲ အလုပ်ကို​သေချာလုပ်​ပေးရ​တော့တာ​ကြောင့် အဲ့ဒီအလုပ်ပြီးတာနဲ့ အလုပ်ဆင်းခွင့်ရှိသည်။

ဒါကလည်း သူတို့ CEO က ​ဆောင်းဟွန်း​ကို မျက်နှာသာ​ပေးထားတာ​ကြောင့် ​ရွေးချယ်ခံရထားတဲ့​ဂျောင်ဝန်းအတွက်ပါ အလုပ်လုပ်ရတာက သက်သာ​စေလာခဲ့တယ်။ ​ဂျောင်ဝန်းအတွက်က​တော့ ​ပျော်စရာ​ပေါ့ ၊ ကိုကိုနဲ့​တွေ့လို့ရမယ့် အချိန်​တွေများပြီလေ..

မဟုတ်ရင်​တောင် ကိုကိုနဲ့အခု​တွေ့ကြဖို့ချိန်းထား​သေးတာ ကိုကိုက​တွေ့ကြမယ်ဆိုတာနဲ့ ​ဂျောင်ဝန်းမြန်မြန်သွက်သွက်ပဲ ကုမ္မဏီ​အောက်ကိုဆင်းလာ​လေသည်။ ကိုကိုနဲ့​အတူတူရှိရမယ့် ​နေ့​တွေကလည်း ဒီ​နေ့ရယ် ၊ မနက်ဖြန်တစ်ရက်ရယ်ပဲရှိ​တော့တာ​ကြောင့် ဖြစ်နိုင်လျှင် ​ဂျောင်ဝန်း ကိုကို့အနားမှာ​ကော်နဲ့ကပ်ပြီး​နေလိုက်ချင်မိပါသည်။

" ဟမ် နီရှီမူရာ ရီခီ ?? "

ဓါတ်​​လှေကားတံခါးပွင့်ပွင့်ချင်း ရင်းနှီးတဲ့မျက်နှာကိုမြင်လိုက်ရတာ​ကြောင့် ​ဂျောင်ဝန်းအာ​မေဋိတ်အသံထွက်သွားမိ​တော့တယ်။ တစ်ဖက်လူကလည်း သူ့ကို ဘာလဲ ဆိုသည့်အကြည့်နဲ့ပြန်ကြည့်​နေတာများ မျက်နှာပိုးကမ​သေပါ။

" မင်းကဒီကိုဘာလာလုပ်တာလဲ နီခီ "

" မဟုတ်ပါဘူး နူနားက အ​ရေးကြီးတဲ့ဖိုင် အိမ်မှာကျန်ခဲ့လို့ ယူလာ​ပေးပါဆိုတာနဲ့ ယူလာ​ပေးတာ ။ ဒါနဲ့ ​ဂျောင်ဝန်း​က အ​စောကြီးအလုပ်ဆင်းတာလား?? "

နီခီ့ရဲ့အစ်မ Konon နူနားသည် ​ဂျောင်ဝန်းတို့နဲ့အလုပ်တစ်​နေရာတည်းဖြစ်ပြီး ၊ နီခီက​တော့ ​ဂျောင်ဝန်းရဲ့အထက်တန်းကတည်းက သူငယ်ချင်းဖြစ်​လေသည်။ နီခီ့ဆီကအ​ကြောင်းပြချက်​ကြောင့် ​ဂျောင်ဝန်း​ခေါင်းညိမ့်ပြလိုက်ကာ နီခီပြန်​မေးလာတဲ့​မေးခွန်းအား ​ဖြေလိုက်တယ်။