بلا روح انا ..
هكذا كانت تقول عن نفسها
لم تكن حزينه دوما بل على العكس هي مرحه شقيه عفويه
من يراها يقول انها اسعد انسانه فقط من يعرفها يعرف كم هي تتالم ...
سأتحدث على لسانها قصتها هي اقرب الى الافلام والمسلسلات لكنها من الواقع فقد عايشت معها كل حدث حصل لها ...
اسمي بسمه .. بدت قصتي من جان عمري١٥ سنه
عائلتي مثاليه كدام الناس يحسدوني عليهم بس بالحقيقه يختلفون تماما اهلي كلمن بهمه اخويه ميحجي ويانه ابد ومن يحجي يتعارك وي والدي ثنينهم اعصاب نار
والدتي كدام الناس مثقفه الهة مستوى اجتماعي والناس كلها تحبها بس والدتي بعيده عنه مو بعيده بالجسد لا بعيده بالروح والتفكير قاسيه حيل تحاول تعوضنا بالغراض والملابس بس دائما تفرق بينه احنه الخوات
ماتفتح موضوع ويانه اله تصير عركه جبيره وصياح
اني وخواتي كلمن بعالمها الخاص ومنتحاجه اله وراها مشكله تصير
حتستغربون شنو هالعائله احنه هيج ماكو اي انسجام بينه نميل للغربه اكثر من ميل لعائلتنه
يمكن كل واحد بينه عنده نقص معين بسبب هالشي
اني جنت اقواهم او هيج يكولولي ماتاثر باحد حتى مشاكلي محد يعرف بيها اني احلها الوحدي
وللاسف حتى اسد هذا الفراغ جنت مصادقه شله بنات تعبانه مجنت مثلهم بس اتاثرت بيهم
كل حجيهن ع الولد والحب
ردت اجرب الديحجوه وشنو الحب
فردوس: لكم بنات اليوم اتعرفت ع واحد طاك للستار
جمانه: منين ولج
هدير: عاد حلو لو اجكم
بسمه: احجي بسرعه
فردوس: لكم واحد صاك يخبل سيارته اخر موديل اليوم راح يجي يوصلني جنت بالمول وتعرفت عليه بس شنو يجنن
بسمه: حتروحين وياه وحدج متخافين
فردوس: طبعا مو وحدي انتو وياي
هدير: اني ماكدر لان حطلع اشوف الحب
وجمانه: اني امي تجي تاخذني ماكدر افلسع
فردوس: بسمه وانتي الله عليج
بسمه: لج لا اني اخاف
فردوس:ًجبانه تعالي يله اني وياج
حتى تشوفين السياره
احيانا كثره الفضول تدمرنا .. ورغبتنا لتجربه الممنوع المجهول تضيعنا قد تعطينا لذه النصر في اولها لكن طعم الندم يملئنا في النهايه
بسمه: اوك راح اجي وياج
فردوس فديتج
انتها الدوام وصار وقت الطلعه
فردوس: يلا بيسو
بسمه: لاتكوليلي بيسو مال ولد كوليلي بسومه بسمه
فردوس: بيسو احلى امشي
بسمه: طلعنا جانت سياره عاليه حديثه ماعرف بالسيارات بس مبينا راقيه راحت فردوس صعدت بالصدر واني كعدت وره
بسمه: السلام عليكم
فردوس: حبيبي هاي صاحبتي تجي ويانه نوصلها عادي مو
بسمه: باوعلي بالمرايه ورافع حاجبه
مغرور
ضاري: اهلا وسهلا
اي عادي نوصلها وين بيتهم
بسمه: يحجي بعنفه من وره خشمه عساس هو فدشي صوجي سمعت كلامج فردوس
بقت فردوس وهو يحجون واني مزهريه مكعديني 😑
لاف ع للشارع العام
بسمه: لاااااا مو منا بيتنه بحي ...
ضاري: ههه تره اندل شايفتني زعطوط عدي شغله
بسمه: لا خاف نتاخر
ضاري: فردوس شبيها صاحبتج
فردوس: خطيه تخاف اول مره تطلع وهيج اعذرها
ضاري: اوك مصار شي
بسمه: وكفنا يم مرطبات اشترالنا عصاير
ضاري: يله فردوس صعدي وره حنروح يم بيتكم
