ضاري: اتصلت بصديق لي لايعرفه قاسم
اسمع كوله انت ابن عم بسمه وكله اذا تهدد بسمه فتره اني ضابط وكله انت ابن افلان وامك سميره وخواتك نهى وحنان
قاسم: اجاني اتصال
الو نعم ... ها ... اي اني.... لا انت.. بس اصبر
قاسم: اني وين ورطت نفسي خرب
بسمه: جنت خايفه وداعد الثواني شراح يصير بيه
وضاري مراح يخون صديقه زين شلون شسوي
فجاه اندك تلفوني ...
الو هلا ضاري بشر
ضاري: الحمدالله خلصت القصه وبعد ميحاجيج اطمئني
بسمه: ضاري اشكرك هواي انت مقصرت وياي
ضاري: هذا درس الج حتى تبتعدين عن فردوس وجماعتها
بسمه: ليش شعليها فردوس
ضاري: هي فردوس منطيه الصور.....
بسمه؛ شكد حقيره اله اعاركها بسيطه
ضاري: ديري بالج صيري طبيعيه خليني اني اتصرف وياها
ضاري: هذي لمشكله قربتني من بسمه مجنت اعرفها بس هسه كلشي اعرف عنها باقيه ابالي جنت خايف تتاذه لان هي عنيده وبعدها مراهقه كلشي متعرف
خابرت فردوس كتلها باجر اخذج للشقه مالتي
وصدك اخذتها وبالشقه صورتها بدون ماهيه تعرف
فردوس: حبيبي
ضاري: لزمته من رقبتها خنكتها بيدي
فردوس: شبيك هدني
ضاري : سمعي اكلج ياسافله اذا تتقربين البسمه بعد لو بحرف ادفنج واشوفج فديوات الج بالشقه وادزهن الابوج المسكين مدير عام وبنته ك....
فردوس: بسمه هي خلت ضاري ينكلب عليه الحقيره
ماشي بسمه شوفي فردوس شراح تسوي بيح
وعدت ضاري ماتقربلها جنت خايفه ينشر الفديوات العنده
بس لازم اخلي ضاري يكره بسمه حتى اكدر ااذيها بدون ماخاف
اتصلت بقاسم كال مكدر يسوي شي
بقيت ايام افكر بحل حتى اخلص من بسمه ومااذي نفسي
بسمه: جان ضاري يوميه يتصل بيه يطمئن ع صحتي
واذا احد اذاني او فردوس مسمعتني حجايه
هالشي خلاني اتعلق بيه جان اهتمامه بيه اكثر من اهتمام اهلي
ضاري: بسمه مثل البزون المغمض شكد حاجي وي بنات ومسوي علاقات هي بعدها نظيفه تريد تكتشف الكون تضل تاخذ الناس بحسن نيه
ضاري: بسومتي
بسمه: نعم
ضاري: تره اني احبج
بسمه: هااااا
ضاري: وتره انتي تحبيني
بسمه: 😑😥
ضاري: لج بس انتي تخلصين الثالث اكول الامي تخطبج
بسمه: بس اني اهلي ميزوجون بنات صغار لازم اكمل دراسه
ضاري: بس حبيبتي اني اخليج تكملين واني السنه اتخرج واهلي يردون يزوجوني ماكدر انتضر ٣ سنوات انوب
بسمه: ماعرف ضاري الله كريم
بسمه: صح احب ضاري بس دراستي اهم
فردوس: بسمه
بسمه: نعم
فردوس/ سمعي اكلج انتي تحبين ضاري مو
بسمه: اي!
فردوس: تره ضاري لوتي وهو السوه قصه الصور ورقمج صح اني النطيتهميا بس هو سوه كل هالفلم خاطر يحصلج وحتى الولد الهددج صاحبه اسمه قاسم واذا ممصدكه اسالي اني حذرتج لخاطر العشره الي بينه وانتي براحتج
بسمه: معقوله مستحيل ضاري يلعب عليه ليش اني شسويتله
بسمه: ضاري اكلك الولد الهددني تعرف شسمه
ضاري: ها اي يمكن اسمه علي ً
بسمه: ها مو هو كلي بوكتها اسمه قاسم
ضاري: يمكن ماذكر عًوفينه منه انتي شخبارج
بسمه؛ علي حول الموضوع لعد اكيد صدك
اتاكدت بسمه انو قاسم وضاري اصدقاء
