كان اسمه حبيبى

الفصل الثالث

بسم الله الرحمن الرحيم
وبه نستعين

الفصل الثالث

 
هاهى تحقق حلم من احلامها بقبول منحتها للجامعة الامريكية وخطت خطوة اخرى  نحو مستقبلها الذى تحلم به

ذهبت بطلتنا  برفقة والدها الى القاهرة لتستقر فى بيت الطالبات وهنا ستتغير حياتها للابد كما سنرى

..مديرة الدار.مدام كوثر
اهلا وسهلا بيكى وسطنا يا روان
.عنانى.بابتسامة
_اهلا بحضرتك..
كانت روان تقف وهى مخفضة الراس تشعر برهبة من المكان
متوجسة خيفة دون ان تعلم لشعورها سبب
عنانى _. انا هسيبها هنا فى امانة حضرتك خدى بالك منها دى نن عين ابوها
اومات له مطمأنة
._متخافش عليها احنا هنا كلنا عيله واحدة والبنات كلهم بعتبرهم بناتى ، وطالما هى ماشية كويس ومتبعة التعليمات وملتزمة بمواعيد الدار وسلوكها كويس مع ذميلاتها هتبقى حبيبتى 
اردفت بتحذير
لكن تخالف التعليمات هتشوف وشى التانى اللى محبش انها تشوفه
عنانى_ لا طبعا النظام حلو وروان طول عمرها ماشاءالله ملتزمة وبتسمع الكلام
_.هنشوف .سيبها حضرتك واتوكل على الله متقلقش عليها ده بقى بيتها خلاص وزى ما قلتلك كلنا هنا عيلة واحدة والبنات اللى هنا كلهم بعتبرهم بناتى
ثم وجهت حديثها لروان
..انتى ساكتة ليه ياروان ؟.
..
روان بخجل وهى مطأطاه راسها لاسفل ..اتكلم ااقول ايه ؟
اقتربت منها كوثر ورفعت راسها باصبعها
_..ترفعى راسك كده وتكلمينى ..انتى دلوقتى بقيتى شابة جامعية مش لسه طفلة فى الثانوى فى الارياف يعنى الخجل والتوتر ده مينفعوش والا محدش هنا هيرحمك ،قوتك وثقتك بنفسك بتجبر اللى قدامك انه يحترمك وده اول درس هعلمهولك ،تمام ياروان ؟
اومات باذعان
_..حاضر ياابله
- خدى دى ورقة بمواعيد الدار فيها مواعيد الوجبات ومواعيد لدخول والخروج من الدار واللى بعده بنقفل البوابة ومبندخلش حد مهما يعمل فهمانى ياروان ؟
اومات لها براسها
_فاهمة
رنت كوثر الجرس فدخلت مشرفة الدار
سهام ._.تحت امرك ياابلة كوثر
..خدى روان على غرفة 5 مع نيرمين وبسمة

.حملت المشرفة سهام  حقيبة روان
._تعالى ورايا ياروان نورتى الدار
_متشكرة اوى
..قبل ان تذهب روان احتضنت والدها بحرارة وودعته
- مع السلامة يابنتى ..خلى بالك من نفسك ، واتصلى بينا كل يوم طمنينا عليكى اوعى تنسي .
..حاضر يابابا
_روان انا عارف ان بنتى بميت راجل وطول عمرها رافعة راسى وهتفضل كده حتى وهى بعيد ...صح.ياحبيبتى ؟
_اكيد يابابا
_اوعى يا روان يجى يوم وتقلى منى يا بنتى
روان باستنكار
_معقول انا اعمل كده يابابا روح انت ومتقلقش عليا بنتك بميت راجل قبلت يده وقبل هو راسها ثم انصرف
سهام ..ان شاء الله تتبسطى معانا انا هنا الكل فى الكل غمزت بعينها
لو عايزة حاجة كده ولا كده انا فى الخدمة .بس طبعا كله بتمنه
طرقت سهام الغرفة لتفتح لها نيرمين
نرمين بمشاكسة
_ايه ده هو الوارد الجديد شرف
.سهام .دى ياستى نيرمين زميلتك فى الاوضة وفى الجامعة الامريكية بردو بس هى سبقاكى بسنة هى وبسمة
..ودى روان......
نيرمين مقاطعة سيبينا انتى يا سوسو واحنا هتعرف بطريقتنا
مدت نير مين يدها مصافحة روان
_حمدالله على السلامة انا نيرمين من المنصورة
_الله يسلمك .وانا روان من الشرقية
خرجت فتاة اخرى من الحمام
نيرمين ..واللى مستخبية وراء الفوطة دى ياستى بسمة
..مدت لها بسمة يدها لتصافحها
.. بسمة تانية جامعة امريكة كمبيوتر ساينس من طنطا
صافحتها روان وهى تقول
_.وانا روان   لسه سنة اولى
بسمة._ قسم ايه ؟
_ادارة اعمال ان شاء الله
بسمة._..بصى يا ستى انا فضتلك ضرفة من الدولاب عشان تحطى هدومك فيها .، انا بنام على السرير اللى على اليمين ونيرمين بتنام على السرير اللى فى النص وانتى بقى على الشمال بس لو حابة تغيرى معنديش مانع
...لا عادى متفرقش اى مكان ... .بعد اذنكم هدخل اخد دش عشان اشيل تراب السفر من عليا ...واتوضأ واصلى العصر
بسمة _.اكيد ياحبيبتى براحتك
..خلعت روان طرحتها للتتفاجا نيرمين بشعرها الطويل الذى يتجاوز منتصف ظهرها
.واو .شعرك حلو اوى يا روان .ده انا كان لو عندى الشعر ده مكنتش غطيته ابدا بالعكس كنت اتمنظرت بيه قدام كل الناس
روان ..واتعلق بيه انا بقى بيه يوم القيامة ..
نيرمين _ياساتر انتى منهم
روان ببرائة
من مين ؟