كان اسمه حبيبى

الفصل الثانى

بسم الله الرحمن الرحيم
وبه نستعين
اللهم نجنا من البلاء والوباء ومن كل داء

الفصل الثانى

سويلم جروب للنفط ومشتقاته 

..رحب جميع العاملين بحفاوة بعودة احمد  من رحلته القصيرة للخارج 
    ._.متشكر اوى ياجماعة على مشاعركم الطيبة دى .، بس  مش  هنقضى طول اليوم فى الترحيب ..يلا  كل  واحد   يروح على مكتبه يشوف شغله وانا اولكم
التفت لصديقه ومدير اعماله بكر الوردانى
_..بكر اصرفلهم شهر مكافاه بمناسبة العقد الجديد  ...
صفق  الجميع بحماس
.ربنا يخليك لينا يا احمد بيه وميحرمناش منك
اشار   لسكرتيرة مكتبه
_ماجدة هاتيلى التقارير كلها بتاعة الشهر اللى كنت مسافر فيه علشان اراجعها قبل الاجتماع
مدام ماجدة سكرتيرة احمد منذ عدة سنوات
_حاضر يافندم
ثم دلف الى مكتبه برفقة بكر
وضعت  فيروز  كفيها على وجهها وتنهدت باعجاب
._.يالهوى هو ده احمد بيه،  ده عليه شخصية وهيبه تجنن ، ده ولا السلطان سليمان بتاع حريم السلطان
..
وافقتها  ماجدة بايماءة من راسها _ .هو فعلا عنده شخصية قوية  وكاريزما   رهيبة ، بس  بجد شخص محترم  جدا  وحقانى   وبيعتبرنا كلنا كاننا  عيلته التانية 
.انا هدخل بقى اوديله التقارير وهو غزالته رايقه كده
هتفت فيروز   وهى تعدل من هندامها وجيبتها الضيقة للغاية
_لو النبى يا مدام ماجدة سيبينى انا ادخله
غمغمت  ماجدة بجدية
.._ماشى بس خلى بالك احمد بيه صارم جدا ومبيحبش المياصة والدلع فى الشغل ....
وخصوصا بعد انفصاله عن مراته وشه مبقاش بيضحك للرغيف السخن
فيروز بغنج وهى تتحسس جسدها البارز من ملابسها الضيقة عليها بشدة .
.ههههه هو مين ده اللى صارم و مبيحبش المياصة هو فى  راجل فى الدنيا مبيحبهاش   ... هو بس اكيد ملاقاش اللى تلفت نظره صح
.،.انما مع فيروز بقى هههههه الوضع مختلف ..
تنهدت ماجدة ظافرة لانفاسها
_انتى حرة انتى لسه جديدة  هنا وانا من واجبى انبهك
_طب  قوليلى  هو ايه السبب اللى خلاه يطلق مراته .
.نهرتها ماجدة بشده
. _فيروز خليكى فى حالك ومتدخليش فى اللى ملكيش فيه ده لو عايزة تعمرى هنا
حدقتها فيروز بسأم
_خلاص خلاص ياساتر عليكى الواحد ميعرفش يتفك معاكى بكلمتين
سمعا صوت الهاتف الداخلى
احمد بصراخ
..فين التقارير يا ماجدة الاجتماع فاضل عليه نص ساعة .ايه غبت عنكم شوية نسيتو طبعى وان مواعيدى مظبوطة بالثانية  
..ماجدة بلجلجة
..حاضر يا افندم ثوانى وهيكونوا على مكتبك التفتت ماجدة لفيروز التى انكمشت على نفسها بخوف
ماجدة بتهكم وهى تضحك عليها  هههه ايه خوفتى  ولا اية .؟. .
_ياساتر ده عليه شخطة توقف الماية فى الزور
_طب يلا ياختى خدى التقارير اهى
اعادة فيروز   وضع الروج ذو اللون الفاقع  على ثغرها ثم اخذت منها لتقرير وتوجهت لمكتب احمد
ا نظر عليها الاخير  باشمئزاز
انتى مين؟
فيروز بتوتر ..ان..ا موظفة جديدة هنا
_حطى اللى فى ايدك واخرجى ...واللبس ده ميتلبس تانى فى الشركة .وبشخطة قوية .فاهمة ؟
_ركضت من امامه بخوف ..حاااضر
_________________________