كان اسمه حبيبى

الفصل الاول

نبداء باسم الله
🌷❤

الحلقة( ١)

بضع ساعات و ستزف لرجل اخر غير الذى احبته وتمنته ومازال جرح قلبها يدمى منه ...لا والادهى من ذلك انه شقيقه ... تعلم انها سترى الجحيم بعينيها تحت سطح بيته....ولكن ليس بيدها حيلة ولاتعلم ما ذنبها ؟
ااذنبت لانها احبت وسلمت قلبها لمن لا يستحق ؟
دلفت الى الحمام وفتحت الصنبور لتقف تحت المياة المنهمرة بكامل ملابسها وسيل من الافكار والذكريات تتدفق على عقلها مع تدفق المياة الغزيرة التى اختلطت بدموعها الساخنة على جسدها
لاتصدق انها كانت ساذجة الى هذا الحد؟ وصدقته .ولم تتوقع ان تتدنى صديقتها لهذا المستوى من الحقارة لتحصل عليه
لم تذق طعم الحب سوى معه... كانت على استعداد لتتخلى عن احلامها من اجله
ولكن بالنهاية انشطر قلبها نصفين وتلقت اكبر صفعة قد تتحملها انثى رقيقة مثلها

نرجع بالزمن 6 شهور

محافظة الشرقية منزل الحاج عنانى الشرقاوى

منزل مكون من ثلاث طوابق يجمع بين الريفية والتمدن وهو منزل الحاج عنانى موجه سابق بوزارة التربية والتعليم
كانت بطلتنا روان تجوب الغرفة ذهابا وايابا من كثرة القلق

نعمة ..يابنتى اهمدى بقى خيلتينى
_بابا اتاخر اوى ياماما ده بقاله اكتر من ساعتين بيجيب النتيجة
انا خايفة اكون سقطت ولا النمرة معجبتوش وتعب فيها
نعمة.بخوف ._ فال الله ولا فالك ياشيخة.
...الغايب حجته معاه اهمدى بقى
استطردت بمكر.لتزيد توترها اكثر
.وبعدين حتى لو سقطتى مش اخر الدنيا يعنى هتتجوزى وتقعدى فى بيت جوزك معززة مكرمة
..شهقت روان بفزع..انتى بتقولى ايه يا ماما ؟ جواز ايه بس دلوقتى يعنى بعد كل التعب والمجهود ده طول السنة تقوليلى اسقط وكمان عايزة تجوزينى طب حتى بلاش عشانى. عشان خاطرالدروس اللى بابا دفع فيها دم قلبه وسهرك معايا الليالى كل ده عايزاه يروح كده ع الفاضى
نعمة...هههه هههه
يابت بهزر معاكى مانا عارفة ان بنتى شاطرة وطول عمرها متفوقة ومش قلقانة ابدا من نجاحك
..بس انا مش عايزة انجح وبس ياماما انا عايزة انجح بتفوق عشان اخد المنحة وارحم بابا من مصاريف الجامعة وكفاية عليه شقى على التوكتوك عشان يوفرلى مصاريف الدروس
.. قبلتها على جبهتها..متشليش هم يا حبيبتى طول مانا وابوكى عايشين مش هنخليكى انتى واخوكى تحتاجوا حاجة
STOP
روان _18 سنة من اسرة مصرية بسيطة متحابة لديها طموحات كثيرة منها ان تدخل الجامعة الامريكية وتتفوق حتى تعين معيدة ثم تحصل على الماجستير و الدكتوراه
.الحب والزواج من خططها المؤجلة ولكن هل سيبقى الامر هكذا ؟سنرى
.. روان محجبة .متوسطة الطول خمرية بعيون عسلى .شعرها اسود غجرى طويل
انف مستقيم وشفتان رفيعة بشكل عام هى عادية ولكن جذابة
Back
سمعت جرس توكتوك والدها الذى يعمل عليه بعد خروجه على المعاش من وظيفته الحكومية
هبت واقفةوهى تشهق بقلق
..بابا جه ..ركضت على الشرفة
...وجدت والدها يوزع الحلوى والمياة الغازية على افراد الحى وهو يبتسم بسعادة فاطمئن قلبها قليلا
.روان ..جبت كام يابابا ؟
..اراد عنانى ان يتلاعب باعصابها قليلا وتصنع انه لم يسمع وقد لاحت على جانبى فمه ابتسامة ماكرة فصرخت بعلو صوتها
.جبت كام يابابا؟ ...... بابا....يا.بابا
_ شكله مش سامعنى لازم انزله
ارتدت اسدالها لتهبط للاسفل
نعمة ..يابت اهمدى واستنى شوية لما يطلع
...لا مش قادرة استنى اكتر من كده ..اصطدمت بوالدها وهى تخرج من الباب فعانقها والدها بقوة
وهو يبكى
..روان بقلق..فى ايه يابابا هوانا مجبتش مجموع حلو ولا ايه ؟
_دى دموع الفرح ياحبيبتى ...قبلها على جبينها .98% انا مصدقتش نفسي لما شوفتها ودخلت 3 مرات عشان اتاكد..
قبلها مجددا على جبهتها
..رفعتى راسى وطولتى رقبتى يا نن عين ابوكى
..اختلطت دموعها مع ابتسامتها
..بجد يابابا .يعنى ممكن دلوقتى ادخل الجامعة الامريكية اللى بحلم بيها
.هنا ونظر والدها اليها بحزن
..تعالى بس ندخل نفرح امك الاول وبعدين نبقى نتكلم فى الموضوع ده على رواقة