آلَحلَقــــــة ❷
آلَصـــمِــــــــتُهِوُ باقةمن احاديت كتيره
لايعرف اللسان كيف ينطقهاسويآ
____________#الكاتبة عويشه
^^^^^&
____بسسست
آيلا:بسم الله انتي بتجلطيني يوم من الايام
رهف وهيا تضحك: هههه اني اول مره نشوف وحده تكلم في روحها في شارع وقدام الناس كلها شن بيقولوا عليك اكيد مهبوله
آيلا:ايقولوا اللي بيقوله ايه اني مهبوله حد عنده شي عندي
رهف:اووف خيرك يا بنت ع الصبح متنرفزه
آيلا:متنرفزه من عيلتي ومتنرفزه من الناس ومن الدنيا كلها
رهف:هوب هوب هادا كله احكيلي يا بنت شن صاير معاك
آيلا:ما صاير شي اسكتي وصلنا لمدرسه
خشينا لمدرسه وبدينا في القرايه وكان اليوم ممل هلبا وعقلي وتفكيري كله اللي كان معا إياد ومعا بابا اللي رافض نقولوا حتي اسمه او اسم واحد من اهله في الحوش بحجة انه قاتل بس معا هادا كله كان السبب مش مقنع كنت حسه انه في شي كبير داسينه عني اتنهدت لما سمعت صوت الجرس الكل
بدي ياخد في شناطه ويطلع خديت شنطتي وطلعت اني ورهف معا بعض كانت نظرات الكل علينا
حسيت بي رهف اللي تقرب مني وتهمس:شوفي كريم كيف يشبحلك
اتنهدت واني نرفع في عيوني ونشوف لي كريم اللي فعلا كان واقف وعيونه بياكلوني
رهف:مسكين هالولد هالسنين هادي كلها قاعد يحبك رغم رفضك ليه بس قاعد يموت على الأرض اللي تمشي عليها حرام عليك أمته بتعطيه فرصه شوفيه مسكين حتي غيرتي المدرسه لحقك اهني
شبحتلها بنظره قاتله :اني عمري ماوهمته بي شي بالعكس كنت واضحه معاه من الاول وياريت تصكري موضوعه
رهف تنهدت وهيا ساكته
امشي الوقت وصلت للحوش فتحت الباب:اني جيت
وفاء:اهلا وسهلا صغيرونتي
آيلا:اووف ماما قداش مره بنقولك اني كبرت ااه
قربت مني وهيا تحط في ايديها ع خدودي :قداش ماتكبري بتقعدي بنتي وحيدتي الصغيره
اتنهدت واني نغير في عيوني من عليها بملل
وفاء:المهم اليوم بنمشو لحوش عمك جهزي روحك
آيلا:اني مش ماشيه
وفاء:عيب يا آيلا يكفي المره اللي فاتت خليتيني نكدب ونقول مريضه توا شن بنقول
آيلا:قولي اي حاجه المهم مش راح نمشي بنخش نرقد
وفاء:غير اصبري تغدي
آيلا:لا بنرقد تعبانه
وفاء:معناها بنحطلك غداك في الكوشه
امشيت لداري بدون ما رد عليها فتحت الباب لوحت الشنطه ع الارض ورقدت على السرير واني نفكر في السنين اللي فاتوا لا حته مارقدت
فتحت عيوني واني نشوف لساعه كانت 3القايله
نزلت من السرير وطلعت من الدار واني نادي على ماما بس كان الحوش فاضي اذكرت انها بتمشي لي حوش عمي _
___________
يرن يرن يرن
رهف :الو ايلوشه
آيلا:اسمعي بابا وماما امشو لحوش عمي مطولين تعالي هدرزي
رهف :مش راح نقدر انجي بنت خالتي عندنا
آيلا:ااه خلاص مره تانيه
رهف :شن رايك اتجي انتي
آيلا:لا مانبيش تزعجكم
رهف:اي ازعاج تعالي وبلا هبال هيا نستني فيك
آيلا:تمام شويه ونجيك
رهف:تم باي
آيلا:باي
__________
نشوف لي روحي في المرايه ساويت شعري خديت تيلفوني ومفتاح الحوش وطلعت تنهدت واني واقفه قدام بابهم هادي اول مره نجيهم من بعد يوم وفات عمي ايمن قبل كانت رهف هيا اللي تجيني لما يكون حوشنا فاضي بس المره هادي اني ياللي جايه رنيت على جرس الباب سمعت صوت انفتح الباب كان قيس كان أصغر من إياد بسنه ابتسم لما شافني :اوو شن راح يصير في الدنيا آيلا جايتنا شكلك مخربطه بين بابنا وباب الجيران
آيلا:ههه دمك مولي رزين هلبا على فكره
ابتسم قيس:شن الوضع امان معناها في حوشكم
هزيت راسي بمعني ايه زاد افتحلي الباب :هيا خشي كسدي داخل
ابتسمت وخشيت وهوا طلع لفيت نشبحله وهوا طالع كان نسخة إياد الصغيره بس إياد مازال احلا منه زعما كيف شكله توا اتنهدت واني نخش داخل اللي لقتني رهف بالاحضان:واخيرآ جيتي لحوشنا ابتسمتلها واني ساكته بس وقفت لما شافتني عمتي غاليه اللي وجهها باين عليه الكبر رغم صغر سنها ابتسمت :آيلا
جيت بسرعه نحضن فيها نزلوا دموعها معا دموعي اللي معادش وقفوا لما سمعت كلامها:الله يا آيلا انتي من ريحة إياد انتي الوحيده اللي كل شي فيك يذكرني بيه زدت حضنتها بقووه
رهف:ماما خلاص عاد آيلا اول مره بعد سنين اتجينا هكي استقبالها
بعدت عن عمتي غاليه واني نمسح في دموعي حسيت بي يد رهف عليا
رهف :هيا تعالي بسرعه نعرفك على بنات خالتي
وفعلا خشيت وسلمت عليهم وقعمزت نتعرف عليهم
وهدرزنا
____________
اما في مكان تاني كان كله ظلام السكين في ايده وينحت على الحيط الكل يشوفله بخوف جسمه
اللي كله اتار ضرب والوشم الكبير اللي مغطي ظهره بالكامل الهدوء طاغي المكان كان صوت السكين على الحيط هوا اللي واضح بعدها حط السكين على الأرض وناض اوقف معا بروز شخصيته وعضلاته القاتله
اللي معاه كان يشبحوله بخوف خصوصآ بعد الرسمه اللي انحتها على الحيط...
في الواقع أنا لست إلا بقايا رجل، يرسم بالكلمات على حيطان الذاكرة، ريثما تعود إليه فتاة رحلت وأظنها لن تعود!
- 🖤.#رواية_عويشه
____________
حسيت بي تيلفوني يهز شاديته في ايدي وكانت الصدمه بابا يتصل خوفت
آيلا:يا بنات معليشي اسكتوا شوي
رهف والبنت:😶
رديت عليه:الوو
خالد بعصبيه:انتي وين
اني بخوف:وين بنكون قاعده في الحوش
خالد بعياط:وتكدبي امعاها اطلعي روحي للحوش خير مانجي نقلب الدنيا على راسك قدامهم ياكلبة الكلاب وصكر___
حسيت بالخوف ولأول مره يكلمني بابا بالاسلوب هادا
رهف وهيا تهز في رجلي :آيلا
انتبهت ليها:ها نعم
رهف:خيره عمي خالد
آيلا:ااءء لا شي غير قال يبي مفتاح الحوش قاعدين يرجوا برا هيا آني بروح
نوضت وقفت وشبحت للبنات:فرصه سعيده وتصبح على خير وطلعت بسرعه
بنت خالت رهف:علاش نحس انه بوها قاللها روحي
رهف:مانعرفش علاش حتي اني حسه هكي
__________
أنت تقرأ
أنا&آيلا
Teen Fictionهنا نفهم أن هنالك خرافة لنكتشف بعدها أن الخرافة هي أمنية ف يُقال أن الأمنيات تتحقق عند تساوي أرقام الساعة! 💙 كل ما تقارب الساعة 11:10 أجدها تعد أمانيها قبل الجميع .. فدقيقة واحدة كفيلة بتحقيق كل الأماني .. أما أنت أحب كل تفاصيلك أحب كل شيء عن كل شي...
