آلَحًلَقــــــة❸
طاحت على رجليها وهيا تشبحله ومش مصدقه نزلوا دموعها :اني نحلم صح اني نحلم
قرب منها وهوا ينزل على رجليه وحضنها بقوه:مش حلم يام هادا اني إياد ولدك طلعت يام معادش في شي راح يبعدني عنكم
حضنته غالية بقوه وهيا تبوس فيه على وجهه كله:يما وليدي ارجعلي إياد وليدي هادا انت ااااه ياوليدي قداش استاحشت ريحتك استاحشتك صوتك ضحكتك اااه ياوليدي
كان يحضن فيها بقوه وقلبه من داخل يتقطع على حالة امه شعرها الشيب وجهها اللي بأن فيه الكبر بكري والحزن الواضح عليها رفع عيونه وهوا يشوف لي رهف اللي واقفه تبكي ابتسم ومد ايده ليها جت بسرعه حضنته بقوه وكانه تبي تحمي روحها كن الدنيا كلها بيه تنهد
كان قيس واقف ودموعه ينزلوا مش مصدق انه خوه طلع بعد كل هادا السنين واخيرآ ارجعلهم
وقف إياد بشخصيته الجباره وهوا يساعد في غالية ورهف يوقفوا شبحتله غاليه من فوق لي لوطه وركزت على شكله وعلى نظراته اللي يخاوفو
غالية:تغيرت هلبااا يا وليدي
ابتسم إياد:مافيش انسان ما يتغيرش يام
تنهدت غالية وهيا حاسه بي شي غريب في إياد
تلفت إياد وهوا يشبح في قيس ودموعه اللي خده وقف إياد قدامه وقال:امسح دموعك التريس مايبكوش
بدي قيس يمسح في دموعه رفع إياد ايده وحطها على رقبت قيس من تالي وقربه منه وجها على وجه قيس :وقت البكي والدموع تم صار وقت ناخدو حقنا ويتحسب كل حد على غلطه تسمع فيااا
هز راسه قيس وهوا يمسح في دموعه
غالية:حق شني وحساب شني اللي تدوي عليه يا إياد فهمني شن قصدك
إياد:ماقصدي شي يام اليوم الشباب اللي كانو معاي في الحبس وطلعو قبلي راح يجوني في الليل بيتعشو في شي ناقص خلي نطلع انجيبه
غالية بتوتر:لا مافي شي ناقص
كملت كلامها وهيا تشوف لي قيس وتحرك في راسها بمعني لا
قيس ساكت ويشبحلها ركز إياد على امه اللي واضح عليها متوتره
امشي افتح الشنطه ابتاعه وطلع منها ربطة فلوس وجي لي قيس
اللي كان مصدوم نفسه نفس غالية ورهف
إياد شد ايد قيس وحط الفلوس فيهم :امشي جيب نوقص الحوش
وفي طريقك خودلي تيلفون وطلعلي شفره
قيس بصدمه يشبح مره للفلوس ومره لي إياد ومش مصدق كانت هادي اول مره ليه يشد مبلغ كبير زي هادا
إياد:قيس ضروري انعاود كلامي عشرين مره باش تفهم
قيس :ااه تمام هيا سلام اني طالع
غالية وهيا تشوف لي إياد بحيره:من ولك هالفلوس يا إياد وانت كيف طالع من الحبس
ابتسم إياد:ياام حتي الحبس فيه شغل اطلع منه فلوس
غالية:شن هالشغل اللي تشتغل فيه
إياد:زي تنظيف الحمام يام ولا غسل الماعين وانك تشتغل طباخ السجن وزي انك تبدأ تكنس في ساحة السجن في هلبااا يام مازال تبي تعرفي
نزلت دمعه من عين غالية وهيا تحضن فيه:سامحني ياوليدي انت تعبت اكتر منه في هالسنين اللي فاتو
بعد عنها وحط ايديه على وجها :كلهم بيصيرو راحه ليك يام التعب والشق والوجع اللي حسيته كله امشي توا وقتنا احني اني طلعت يام وكله صار عليا معادش تفكري في شي انتي تعبتي هلبااا بس صار وقت غيرنا يتعب
غالية:والله يا إياد مش قادره نفهم كلامك ياوليدي من ياللي بيتعب
ابتسم وقرب باسها على راسها وامشي وقف لما وصل في رهف حط ايده على خدها وابتسم:كبرتي ياضرصانه
ضحكت رهف:اكيد مش انت بس اللي راح تكبر
ضحك وهوا يهز في راسه:لا ومعاها لسان جلطه لا هكي هلبااا
امشي عنها وخلها تشبح لي ظهره تلفتت وشافت اللي امها اللي تشبح لمكان إياد بخوف
رهف:ماما خيرك
غالية:إياد متغير هلبااااا يارهف
رهف:اكيد متغير مولي حليوه توا بيهبلو فيه بنات الشارع ههه
غالية:يارهف إياد في وراه شي وشي كبير
رهف:ماما فكينه منه هالكلام بالعكس انشوفه فيه عادي اني
غالية:ولدي ونعرفه في شي ورااه وربي يستر من ياللي جاااي
رهف سكتت وهيا تشوف لي امها اللي واضح عليها الخوف
أنت تقرأ
أنا&آيلا
Teen Fictionهنا نفهم أن هنالك خرافة لنكتشف بعدها أن الخرافة هي أمنية ف يُقال أن الأمنيات تتحقق عند تساوي أرقام الساعة! 💙 كل ما تقارب الساعة 11:10 أجدها تعد أمانيها قبل الجميع .. فدقيقة واحدة كفيلة بتحقيق كل الأماني .. أما أنت أحب كل تفاصيلك أحب كل شيء عن كل شي...
