أدبني برفق.

Part9

••مــساعدة الســـــيــد العصــبي••

[الـــجزء الثاني] :🍂أذبــنــي بــرفـــق🍂

الـــبارت:81

هي كاتشوف فيده لي قابطة على معصم يدهاااا وهو متأمل أدق تفاصيل وجههاا ...فلتات يدها من يدو وحطات الملفات ...بدات تجر فكمها على يدهااا وتعابير القلق ضهرت على وجههااا ..اما هو زير على يدو تايحاول يعتادر منها بحكم انها متحجبة اكيد غايكون منو زعففها ...غافلين على العيون الغاضبة الحاطة عليهم ...كي جا يهضر علاء إياد دفعو وجا طايح على الأرض شد فيد ريحااان وشاف فيه خابط عليه جملة تكتسيهااا نيران الغيرة ونبرة  العصبية

إياد:اااخر مرة تمسها بيديك .

علاء[نفض يديه من الغبىة ووقف]: شنو كادير نتا؟!

إياد[خنزر فيه]: علاء غانخصر معاك.

علاء: عرفناها ختك اصاحبي راني غير بغيت نحبسها باش ماتحطش الزمر تمااا وشديتها من يدهااا مانويت فيها والو شكاتخور؟  .

إياد:اااه داكشي علاش طلبتي نمرتهاا؟!

علاء تضهشر  وحشم قدام ريحان وإياد باقي كايهضر ..

ماناوي فيها والو وكاتقلب منين دوز ليها؟! كون هاني النمرة بدلتها ليها وااخر مرة تعطي شي حاجة من معلوماتي الشخصية لشي حد بلااا ماتشاورني .. علاء خرج ريحان من راسك ولا غاتشريها معايا عارف فعايلي خايبين  نحقر عليك نكرهك فحياتك ...بعد عليها حسن ليا وليك ..هاني نبهتك .

علاء [شعل]: بأشمن صفة كاتنبهني؟! خ ماعرفتيها تااللبارح دغيا وليتي تتحكم فيها وتلعب دور الأخوة؟! إياد راه زدتي فيه انا حر فمشاعري وقراراتي وهي راها واعية وفهاد السنين لي ماكنتيش فيهم نتااا حمات راسها بلا بيك يعني ماعندكش دور فحياااتها .

بغا يتلاح ليه وريحان زيرات ليه على يديه دار شاف فيها لقاها كاترجاه بعينيها الدمعين وكاتقفق من النقاش لي داير بيناتهم مخلوعة ..

إياد[زفر بنفس مرتجفة]:  لي عندي راني قلتو .

كرز ليها  على يدها وتم خارج وراه جااارها ...تايتمشا خطوات طوااال وهي كاتجري وراه ماقادراااش تلحقو ...دخل للمصعد ودفعها على لحيط مقابل معاها 

اياد: اااخر مرة باقا تعتبي مكتب شي عزري فهاد الشركة ...واااخر مرة تسمحي لشي واحد يقيس شعرة وحدة منك حيت مانضمنش ليك شنو ممكن ندير   .

ترعدات فمكانها بنبرتو العالية وعصبيتو الطاغية وهزات راسها بواخا وقلبهاا غايسكت ...حنات راسها وهو رجع كمل كلامو .

اياد: لا وحتى نتي مرتااااحة ومخلياااه شاد ليك فيديك بقاليه غاي*ك*ويك...وهانية عندك ياك؟! حد ماحاكمك ياااك؟

لأول مرة اياد كايخصر الهضرة قدامهااا ولأول مرة كاتشوفو واصل لآخر مرحلة فأعصابو فات الحدود ..ولكن بلا مايحس بكلامو جرحها رغم ذالك.رمشات لعدة مرات والدموع على طراف جفونها وقفات قبل ماتقول .