••مــساعدة الســـــيــد العصــبي••
[الـــجزء الثاني] :🍂أذبــنــي بــرفـــق🍂
الـــبارت :101
شافت فيه كي مكااالمي فالتيلي حاط عينيه رجل على رجل ومسند ضهرو على كرسيه وضيقات النضرة مخاطباااه بعتاااب .
نيفين: واش نتااا غاتبقاا هكا هاذئ حاجة ماتهمك؟! راني قلتليك تهضر مع البنت وتحاول تتعرف عليها وتقرب ليها على وعسى تتفاهمو وانشاء الله يكون خير بيناتكم ...علاقتي انا والياقوت شوية متضهورة غير تتصلح غانهضر معاها فالموضوع هو اللول وانا متأكدة ماغاترفض .
علاء[هز فيها الراس]: آشنو باغاني نديررر الواليدة ؟!
نيفين: ويلي على شنو باغاني ندير ؟! وانتا راجل زعما تعرف شنو يبغيو البنات ...خرجهاااا طلب منهااا تشربو قهيوة غير بوحدكم فشي بلاصة وفاش تكونو فالشركة مرة مرة طل عليهااا وقوليها كليمة زوينة قدام باقي الموضفااات باش تحس بالإهتمااام ....شري ليها شي كاضو شوية دالورد واش نبقااا نعلم فيك ونتااا اعلم مني؟!
علاء[دار التيلي فجيبو]: ريحاان ماشي من هاد النوع دالبنات ...متبتة ومحصنة وماعندهاااش مع الدوران والتفليااات ...الى درت معاها حكا غاتعرفني كانجري موراها وغاتتبعد عليا ماشي تقرب ليااا .
نيفين[فهماات]:هااااه ...ايوااا هضر معاها فالموضوع نيشااان ...قوليها بلي ناوي المعقووول وباغيهااا للزواااج اولدي وااه ...المهم خليها تعرفك باغيهااا شكون شاف ليوم ولا بعدو تبغي شي حددد ويديهااا ونتا يديك الهوااا .
علاء: أصلا فينما نجي نهضر معاهاااا يدخل اياد بيناتنااا كي الرعد مخصر الجووو ...عرفناه خوها ولاكن راااه بزاااف على الحكااام والخوووف .
نيفين: خوووهاااا؟!
علاء[باستغرااب]: ايه خوهاا مالك دايرة راسك مصدومة؟! راكي عارفاها بنت الياقوت مرات عمي اللولة .
نيفين[ضحكات عليه]: اشمن خوهااا اوليدي يهديك الله...راها ماشي بنت الياقوت غير مربياااهااا ...هي وياه ماشي خوووت حيت ماعاوداتش تزوجااات الياقوت .
علاء[ضيق نضراته]: يعني ...اياد وريحان ماشي خوت؟!
نيفين[بتأكيد]: طبعااا ماشي خوووت ...[وقفات وهزات صاكها] مشا الحال انا غانمشي للدار فياا النعاااس ....نتا شوية وسير ترتاح .
خرجات من الصالون غاداا وتتمايل بكعبهااا العالي امااا علاء ميل راسه وغاب بتفكيره متذكر اللقطات لي كايتدخل فيها اياد وكيفاش كايعاامل ريحاااان ...عض على شنايفه ونكق مكلم نفسه
علاء: إذن داك الحد لي غايديهاااا .هو نتااا .
تنهد بفشل كي حس براسو كان كايفكر فشي حاااجة ماهياااش ليه ...من اللول اياد بين ليه ولكن ماداهاش فيه ...الطريقة باش كان ينهيه يبعد عليها وكي كان ديمااا يتدخل فاش تكون واقفة معاه وحتى نضراتو ليها كاتبين قداش راه يبغيهااا غير هو لي مابغاااش يفهم حيت كانت عاجباااه ومغطية عينيه ...بالحق فهاد اللحضة حس بالراحة حيت عرف بالموضوع قبل مايتيه فالحب ومجاااريه ويقدر يوقف اعجابو اتجاهها ويشوف غيرهااا لي تصلاح ليه ...لوكان شي حد خر ماكانش يخليها ليه ولكن جات فصاحبو وولد خالو ولي ماعمرو خصر ليه .
![](https://img.wattpad.com/cover/349176354-288-k587032.jpg)
YOU ARE READING
أدبني برفق.
Romance••مــساعدة الســـــيــد العصــبي•• [الـــجزء الثاني :🍂أذبــنــي بــرفـــق🍂 🍁•بقلم ملاك هانسل• لم أمسك بالقلم لأقف في صف المبدعين ..بل لأعبر عما يجول في خاطري ...و كلما أمسكت بالقلم ،أرى كلماتي تتراقص شوقا بين أناملي.. لذا سكبتها على أسطري...أكتب...