لا حول ولا قوة الا بالله
في يوم الجمعه في ديرة آل السيّاف ، بالبيت الكبير اللي تحاوطه ثلاث بيوت متباعده ، كان الجد فهد جالس بهدوء يناظر ويتأمل المزرعه والحوش اللي تكون فاضيه ومالها حس بأيام الدوامات ، ينتظر احفاده واولاده يجون ويملون عليه الجو
جلس يدندن بقصيده /
ليت الغرابيل جتني من عدوّ لي
اما تقاضيت ولا بيتقاضى لي
لكن من واحدٍ ذكرة غناةٍ لي
ولا زلت احبه وابا احبه ولا ابالي
لامر طرق بخدراته سلامّ لي
كنه يسلم علي بصوته العالي
خلوني اسج عن موضوعه احسن لي
والا الغلا والله ان يبطي وهو غالي
خانته دمعه تثبت له الانهزام قدام قلبه وحُبه اللي ما قدره ولا رد اعتبار لمشاعره
قطع تفكيره دخول احّب احفاده لقلبه ، نجد / سلااامم يا عيون نجد
الجد فهد ببتسامه /
يا مرحبا يا هلا واللّه يرضى عليك
مع إنك ابطيت لكن يامرحبا ياهلا
نجد نزلت تبوس راس جدها / صح لسانك يا شاعري واعذرني اول سنه لازم اشد حيلي
الجد فهد / معذوره معذوره ، وين اهلتس واخوانتس
نجد / بيجون الحين
هيام / يا حيّ الله نجد وطاري نجد
نجد / يا هلا ومرحبا هيامي
سلمو على بعض وجلسو يتقهوون
هيام / اليوم الجمعه
نجد / اي الكل بيجون اليوم
الجد فهد / اللي يشوفهم يقول ساكنين بلندن ما كأن البيوت ما بينها جدار
نجد ابتسمت من طاري لندن
هيام / على طاري لندن يبه بهاج ماله حسّ ولا خبر معقوله 5 سنين كلها شغل !
الجد فهد / والله يا بوتس اخر فتره كل ما دقينا قالو اخوياه بخير وطيب بس مشغول وعلى ذا الحال ، الله يحفظه ويستره من كل شر وين ما كان
ميهاف دخلت / منهو منهو يا جدي
الجد فهد / ابو طبيع ما يخلي طبوعه ، اعنبوتس الناس تسلم وانتِ تدورين للعلوم !
ميهاف / سلاااااممم علللييييكممم وررحمممة الله وبرركاته ، كذا با جدو ؟
الجد فهد / وجدررريي ، اقصري حستس
ميهاف / ابشر بس علمني منهو اللي تتكلمون عنه ؟ مزيون ؟ معه فلوس ؟
الجد فهد احذ عصاه / اعنبوتس ما تستحين انتِ! قومي قومي انقلعي
هيام / يبه وش قالت تبي تضمن مستقبلها !
مهياف / ياااللبببيييهه يا العمه الفاهمة
الجد فهد / تضمن مستقبلها ؟
هيام وميهاف / ايه!
وقف الجد بعصاه وهجت هيام وميهاف / ننممزززحح والله نمزح
الجد فهد / ما عاد استحو البنيت جاين عندي يقولون مزيون ! والله اللي ما عاد فيهم طب ، لف لنجد شافها تتقهوى وتهوجس / وانتِ وش مجلستس هنه قومي انقعلي معاهم تتفنجلين عندي !
نجد / يقول ياجدي لا خابت الهقوه تقهوى
الجد فهد ضربها على راسها / قومي لا اتقهوى دمتس ذلحين
نجد قامت بألم / اخخ ابشر يا جد ابشر
دخلت عند هيام وميهاف ماسكه راسها / اخ يا بنات
هيام / شفيتس !
نجد / جدي فقشني
ميهاف اللي كانت تشرب مويه وشرقت ضحت بصوت عالي / ومن الحب ما فقش
هيام انفجرت تضحك
الجد فهد / وووججعع قامت الحمير تنهق
نجد ضحكت / جدي شفيه اليوم مسوي تحديد الكل
ميهاف / والله مدري بس بروح البيت انا ببدل واشوف اهلي ونجي بعد المغرب
نجد /انا بجلس
ميهاف / اجل باي نتقابل الليل عندي مواضيع متحليلات ومخططات بقولها لكم
هيام/ ججوووييي
نجد / نطلع لجدي ؟
هيام / يلا اكيد الحين روق ، روحي له انتِ وانا بجيب الحلا وبجي
نجد / اسعادتس؟
هيام/ بتساعديني غصب بس مو الحين
نجد / شين وقوي عين بروح لجدي ابرك
طلعت نجد منزله نقابها وشيلتها بيدها ، فاكه شعرها اللي يوصل لنص ظهرها حاطه كحل خفيف محلي عيونها ، زاد حلاها رموشها الكثيفه الطويله ومحليتها حبة الخال اللي بفكها راحت عند الجد والهوا يطير بشعرها
وتدندن بقصيد تركي الميزاني اللي تحبه ححييللل /
اشفق على شوفه وضحكه حجاجه
واشتاق له شوق المغاليق مبحوح
تنهدت وهي رافعه راسها للسماء وكملت جاهله وجود مُهند /
وليا ارتخى ليله وولع اسراجه
جريت له صوت من الشوق مبحوح
اخ يا تركي لفت لجدها / جد.. شهقت ورجعت ورا تلبس نقابها ووطرحتها
مهند ابتسم ابتسامه عريضه / وا هنيّ من شاف وجهك من قريب
نجد / مهند ؟
مهند / سمّي
نجد / وين جدي
مهند / طلع يقول بيتمشى شوي ويجي
نجد / طيب دخلت قابلتها هيام بالحلا/ وين ؟
نجد / مهند برا وجدي مو موجود
هيام / طيب تعالي نتقهوى
نجد / يلا
طلعو لمهند وجلست هيام جنبها نجد مقابلين مهند
مهند / حيّ الله هيام
هيام / الله يحيك وينك مختفي
مهند / شوفيني قدامتس
هيام / تكفى قولي قصيده
مهند ابتسم / كم عندي هيام
هيام / وحده غير خلص
مهند ضحك / شين وقوي عين
هيام / خير ترا زودتوها قبل شوي نجد والحين انت
نجد / واحنا صادقين مدري وش شايفه نفسك عليه
مهند / انشهد
هيام غمزت لمهند وهي عارفه انه يحب نجد / طيب طيب بس عطنا
مهند / يقول
لي أيام ما شفتك ولا شفت نور وخير
ولك أعوام في بالي ولا غيرك فـ بالي
تدور الليالي وأنتي أنتي ، وأنا ما غير
أدور على وجهك ليا شانت أحوالي
هيام / الله الله صحححح لساااانننكك
الجد فهد / ووجع اقصري الحس
هيام بفشله / ابشر
نجد / صح لسانك يا مهند
مهند / صح بدنتس
وقفت نجد / انا بروح وبجي الليل مع اهلي
هيام / مو قلتي بتجلسين لين الليل
نجد / هونت
~ بالليل ~
ببيت الجد فهد
دخلت العمه الجوهره / سلام عليكم
الجد فهد وهيام ومهند / وعليكم السلام
الجد فهد / هلا ببنيتي اللي نستني شهر
الجوهره / العذر والسموحة يا ابوي بس اختبارت نوف وشغل نايف
الجد فهد / الله يخليلي مهند ونجد اللي ما يخلوني
مهند ابتسم من طاريها
هيام بشهقه / افا يا ابوي وانا وين رحت !
الجد فهد / انتِ غير محد ٍيجي محلتس
هيام بغرور / اكيد اكيد لاني هيام بنت فهد
الجد فهد / اكرمينا بسكوتس يا هيام بنت فهد
مهند كتم ضحكته
هيام / قمعتني واجد بس تمون طال عمرك
الجد ناطرها بطرف عين ولف ل الجوهره
/ وين عيالتس ولا ما يبون يسلمون علي
نايف / جيت يا جدي جيت
الجد فهد / لا هلا ولا مرحبا
نوف دخلت بغرور / جدي اكيد ما يبغى الا انا
الجد فهد بطرف عين / ما عاد الا انتِ يا البريعصي
نايف انفجر يضحك
الجد فهد / ايه نهق الحمار تعال انت وياها انثبرو
هيام كانت ماسكه الضحكه هي ومهند
جلست نوف بزعل
شوي دخل ابو نواف / سلام عليكم
الكل / وعليكم السلام
دخلت زوجة ابو نواف وعيالها
سلمو على الكل
ابو نواف / كيفك يا الجوهره
الجوهره / بخير يا اخوي كيفك انت
ابو نواف / بخير دامتس بخير
الجد فهد / غيث
الغيث / سم يا جد
الجد فهد / قم شب الضو والبنات يفرشون
ابو نواف / اي والله احسن من جلسه البيوت
الغيث / ابشر يا جدي
~
في بيت العم فارس
ابو جسار / يالله بروح لبيت جدكم الحقوني
ام جسار / جابر نايم ارسلت سناء تصحيه
ابو جسار / نايم لذا الحزه !!!! قطعه دخول سناء
تركض ونقابها بيدها وطرحتها على كتفها
وجابر وراها
سناء / يبه يبه يروح لبيت جدي
جابر / والله ما اخليك يا سنائوه
ابو جسار / خير خير شفيكم
ساره بضحك / سناء كبت عليه مويه بارده عشان يصحى
ابو جساره بضحكه / يستاهل
عند الغيث طالع يجيب الحطب من المخزن اللي ورا الحوش ويناظر بجواله فجأه شي ضرب بصدره / بسم الله
سناء اللي كانت تركض وتناظر وراها وما حست الا ب بشي وقفها حست بالم براسها صرخت / ااههه
رفعت نظرها بخوف وشهقه / وج..
الغيث بصدمه / مم..من انتِ
____________________________________
سُبحان الله .
الحَمد لله
لا إله إلا الله .
الله أكبر .
لا حَول و لا قوة إلا بالله .
سُبحان الله و بِحمده .
سُبحان الله العَظيم .
أستغفِرُ الله الْعَلِيُّ الْعَظِيم وَأَتُوبُ إِلَيْهِ.
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ.
اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ.
يا مقلِّبَ القلوبِ ثَبِّتْ قلبِي على دينِك
أعتذر اذا كان هناك أخطاء املائية ❤️
